ബ്ലോഗര്‍ സൂത്രം മെനു ബാര്‍
On 2010, ഫെബ്രുവരി 23, ചൊവ്വാഴ്ച 14 അഭിപ്രായ(ങ്ങള്‍)
Bookmark and Share

അബൂദാബി ഡെയ്സ്‌: അഞ്ച്‌
അബൂദാബിഡെയ്സ്‌ ഒന്ന്, രണ്ട്‌, മൂന്ന്, നാല` ഭാഗങ്ങൾക്കായി ക്ലിക്ക്‌ ചെയ്യുക..




ദിനരാത്രങ്ങളങ്ങനെ കടന്ന് പോയ്ക്കൊണ്ടിരുന്നു..,ഒപ്പം ചൂടിന്റെ ശക്തിയും കൂടി വരുന്നു..,ഇപ്പോൾ ചൂടൊന്നും എനിക്കു വലിയ പ്രശ്നമായി തോന്നുന്നില്ല...,ഒരു രണ്ടാഴ്ച ഇവിടെയങ്ങു കഴിഞ്ഞു കൂടിയപ്പോൾ ഈ കാലാവസ്ഥയുമായി പൊരുത്തപ്പെടാൻ എന്റെ ശരീരത്തിനു കഴിഞ്ഞെങ്കിൽ അങ്ങ്‌ നരകത്തിൽ ചെന്ന് കിടന്നാലും കുറച്ച്‌ ദിവസം കഴിഞ്ഞാൽ അതുമൊരു ശീലമായിക്കൊള്ളുമോ എന്ന് എനിക്ക്‌ തോന്നാതിരുന്നില്ല..,


ഏകദേശം പതിനാറു ദിവസം കഴിഞ്ഞു കാണും..

ഫാക്ടറി പ്രവർത്തനം ആരംഭിച്ചു..എല്ലാവരും നാളെ ഡ്യൂട്ടിക്കെത്തണമെന്ന് അറിയിപ്പ്‌ വന്നു..,

ഇത്രേം ദിവസം "ഖാനാ..പീനാ..സോനാ"..നടത്തി കൊഴുത്ത്‌ കുട്ടപ്പന്മാരായി നിന്നതല്ലേ..ഇനിയത്തെ കഥ കണ്ടറിയാം.. എലിമിനേഷൻ റൗണ്ടിൽ ഡേഞ്ചർ സോണിൽ പെട്ട സ്റ്റാർ സിങ്ങർ കുട്ടികളെപ്പോലെ എല്ലാവരുടെ മുഖവും മ്ലാനമായി..,

പിറ്റേന്ന് അതിരാവിലെ തന്നെ ഒന്നാം ക്ലാസ്സിൽ ചേർക്കാൻ കൊണ്ട്‌ പോകുന്ന കുട്ടികളെപ്പോലെ മനമില്ലാ മനമോടെ എല്ലാവരും പുതിയ യൂണീഫോമും ചുറ്റി റോഡ്‌ പണിക്കാർ ഇടുന്ന തരത്തിലുള്ള ഷൂവും കാലിൽ ഫിറ്റ്‌ ചെയ്ത്‌ ഒരുങ്ങി റെഡിയായി..,

ഇതു വരെ ജോലിയെന്താണെന്നു ഒരാൾക്കും ഒരു തിട്ടവുമില്ല..,

പുല്ലു തീറ്റിക്കാനാണോ..അറവുശാലയിലേക്കാണോ. എന്നറിയാതെ നീങ്ങുന്ന കന്നുകാലിക്കൂട്ടമായി ഞങ്ങളും പിറകിൽ സൂപ്പർ വൈസർ ചാച്ചായും ഫാക്ടറിക്ക്‌ മുന്നിലെ വിശാലമായ വരാന്തയിലേക്ക്‌ കയറി..,

അവിടെ കൃത്യമായ അകലം വിട്ട്‌ STD ബൂത്ത്‌ പോലെ 14 കൗണ്ടറുകൾ..അതിലോരോന്നിനു മുന്നിലും ഓരോ വലിയ മീസാനുകൾ (ത്രാസേ..) ,

സ്ഫടികം ജോർജ്ജിനെപ്പോലെ തീരെ തടിയില്ലാത്ത(!) ഒരു സൂരിയും(സിറിയക്കാരൻ) കൂടെ ഇന്ദ്രൻസിനെപ്പോലെ ഭയങ്കരതടിയനായ ഒരു അറബിയും ഞങ്ങളുടെ മുന്നിലേക്കവതരിച്ചു.. സൂരിയെക്കാണാൻ നല്ല ചന്തമുണ്ട്‌..മൊത്തത്തിലൊരു ചാമ്പക്ക നിറം..,കൂടെയുള്ള അവതാരത്തെ എനികങ്ങോട്ട്‌ ദഹിക്കുന്നില്ല..,മൂപ്പർ അമർത്തിച്ചവിട്ടി നടക്കുന്നത്‌ കൊണ്ടാണു ഭൂമിയിളകാതെ നമ്മളൊക്കെ മറിഞ്ഞു വീഴാതെ നിൽക്കുന്നതെന്ന് തോന്നിപ്പോകും വിധമാണു മൂപ്പരുടെ നടപ്പ്‌..,,ഹൗ എന്തൊരു തലയെടൂപ്പ്‌ .., കോലിന്മേൽ വെള്ളത്തുണി ചുറ്റിയ പോലെ..

പരേഡിനു നിർത്തുന്ന പോലെ വരാന്തയിൽ എല്ലാവരെയും നിരത്തി നിർത്തി..,

ചാമ്പക്ക നിറമുള്ള സൂരി മുന്നോട്ട്‌ വന്ന് ഞങ്ങളുടെ ജോലിയെക്കുറിച്ച്‌ " എന്ത്‌..? എങ്ങനെ..? എപ്പോൾ ..?" എന്നീ മൂന്ന് കാര്യങ്ങൾ വിശദമാക്കി ക്ലാസ്സെടുത്തു...,

അയാൾ പറഞ്ഞത്‌ അറബിയിലായിരുന്നത്‌ കൊണ്ടൂം ഞങ്ങൾക്കാകെ അറിയുന്നത്‌ മലയാളം ആയത്‌ കൊണ്ടും എല്ലാം മനസ്സിലായി എന്ന് എല്ലാവരും തലയാട്ടി സമ്മതിച്ചു..,( അതിനു പ്രത്യേക ഭാഷ വേണ്ടല്ലോ..!)

പിന്നീട്‌ കൂട്ടത്തിലുള്ള ഒരു മുൻപ്രവാസി ഇതിന്റെ പരിഭാഷയുടെ സംഗ്രഹം പറഞ്ഞു തന്നില്ലായിരുന്നെങ്കിൽ സുകുമാർ അഴീക്കോടിന്റെ പ്രസംഗം കേട്ട സ്കൂൾ കുട്ടികളുടെ അവസ്ഥയായിപ്പോയേനേ...യേത്‌ .. "ഒന്നുമേ തെരിയാത്‌"

സംഗതി ലളിതം..,(ആ ധാരണ പിന്നീട്‌ തിരുത്തേണ്ടി വന്നു)

ഇവിടെ ഘടിപ്പിച്ചിട്ടുള്ള ഓരോ കൗണ്ടറിനു മുന്നിലും ഈത്തപ്പഴം നിറച്ച ലോറികൾ വന്നു നിൽക്കും..,കൂടെ വരുന്ന തൊഴിലാളികൾ അതെല്ലാം താഴെ ഇറക്കി വെക്കും...,അതിന്റെ ജാതി,മതം, വർഗ്ഗം,എന്നിങ്ങനെ തരം തിരീച്ച്‌ ത്രാസിൽ വെച്ച്‌ തൂക്കാൻ വിധിക്കണം

എന്നിട്ടതിൽ നിന്നും ഇത്തിരി സാമ്പിളെടുത്ത്‌ കൗണ്ടറിനകത്ത്‌ കമ്പ്യൂട്ടറിനു മുന്നിൽ അടയിരിക്കുന്ന മിസ്‌രി ഉദ്യോഗസ്ഥനു കൈമാറണം..അവനത്‌ പ്രത്യേകം സജ്ജമാക്കിയ തട്ടിൽ കവടി നിരത്തുന്നത്‌ പോലെ നിരത്തി കൂട്ടിയും ഗുണീച്ചും പരിശോധിച്ച്‌ "ഗുഡ്‌,"  "മീഡിയം", "ലോ" എന്നിങ്ങനെ പറഞ്ഞ്‌ വില കണക്കാക്കും..,കമ്പ്യൂട്ടർ പ്രസവിക്കുന്ന സ്റ്റിക്കറെടുത്ത്പതിക്കപ്പെടൂന്നതോടേ ഈത്തപ്പഴ ട്രേകൾ ഫോർക്ക്‌ ലിഫ്റ്റിൽ കയറീ അകത്തെ ഫ്രീസർ റൂമിലേക്കും അവിടൂന്നങ്ങോട്ട്‌ ഫാക്ടറീക്കുള്ളിലേക്ക്‌ പോയി ജാം ,സിറപ്പ്‌, പേസ്റ്റ്‌ ....എന്ന് തുടങ്ങി എന്തൊക്കെയോ കുണ്ടാമണ്ടീകൾ ആയി രൂപാന്തരം പ്രാപിച്ചോളും..

ഹാവൂ...ഇത്രയുള്ളോ...പൊതുവെ മടിയന്മാരായ ചിലരുടെ മനസ്സിൽ മേടത്തിൽ പുതുമഴ പെയ്ത പ്രതീതി..,

ഒരോ കൗണ്ടറിലും നാലു പേരെയാണു നിശ്ചയിച്ചിരുന്നത്‌..,എന്റെ കൂടെ മംഗലാപുരക്കാരൻ ഉസ്മാനും ഇടപ്പള്ളിക്കാരൻ സാജു അച്ചായനും എന്റെ തന്നെ നാട്ടുകാരനായ മുഹമ്മദിക്കയും..,പിന്നെ കൗണ്ടറിനകത്ത്‌ പൂച്ചക്കണ്ണൻ മിസ്‌രി അയ്മനും..

താലികെട്ടിനു വരന്റെ സംഘത്തെ കാത്തുനിൽക്കുന്ന വധൂവീട്ടുകാരെപ്പോലെ കുറേ നേരം കാത്തിരുന്നിട്ടും (ഹൗ ജോലിയെടുക്കാനുള്ള ഉത്സാഹമേ...)അന്ന് ഞങ്ങൾക്ക്‌ ലോഡൊന്നും വന്നില്ല..,വന്ന വണ്ടികൾ തന്നെ അപ്പുറത്തും ഇപ്പുറത്തുമുള്ള കൗണ്ടറിൽ കയറി ലോഡിറക്കി മടങ്ങിപ്പോയി....,

പിന്നെയെതു ചെയ്യാൻ..സൊറപറഞ്ഞിരുന്നു..അത്ര തന്നെ..,

ഇത്തിരി അറബി ഭാഷ പഠിക്കാമല്ലോ എന്ന് കരുതി "നാരി നാരി......... നാരി മിൻ ക ലേലോ" പാടിയ ഹിസ്സാം അബ്ബാസിനെക്കുറിച്ചും (അങ്ങോരു മിസ്‌രിയാണ`..) പിരമിഡുകളെക്കുറിച്ചും ഒക്കെ ചോദിച്ചും പറഞ്ഞും ഒടുക്കം മിസ്‌രിയെ മലയാളം പഠിപ്പിക്കും എന്ന  അവസ്ഥയിലായി ...

രണ്ട്‌ മണിയായതോടേ അന്നത്തെ ഡ്യൂട്ടി കഴിഞ്ഞു..,പിന്നെ വീണ്ടും പഴയ ജോലി തന്നെ..യേത്‌..,ഉറക്കം..,



അങ്ങനെ അങ്ങനെ ദിവസങ്ങൾ കടന്ന് പോയി..,

ചിലദിവസങ്ങളിൽ ഒന്നോ രണ്ടോ ലോഡുകൾ വരും..,

ഗ്രഹണി പിടിച്ച പിള്ളേരു ചക്കക്കൂട്ടാൻ കണ്ട പോലെ ഞങ്ങളതിൽ കയ്യിട്ട്‌ വാരി കുറച്ച്‌ പോക്കറ്റിലും കുറച്ച്‌ വായിലും ബാക്കിവരുന്നത്‌ ത്രാസിലും വെച്ച്‌ തൂക്കി ഞങ്ങളുടെ ജോലിയങ്ങനെ തകൃതിയായി നടന്ന് പോന്നു..,

ഏകദേശം ഒരാഴ്ച്ച കഴിഞ്ഞതോടേ സംഗതിയുടെ കിടപ്പു വശം ആകെ മാറി മറിഞ്ഞു..,

ചൂട്‌ കൂടുകയും ഈത്തപ്പഴ സീസൺ ആരംഭിക്കുകയും ചെയ്തതോടെ ലോഡും കൊണ്ട്‌ വാഹനങ്ങൾ നിരനിരയായി പ്രവഹിക്കാൻ തുടങ്ങി..,

സീസൺ ചൂട്‌ പിടിച്ചതോടെ ദേശീയ സമ്മേളനത്തിനു പ്രവർത്തകരെ വഹിച്ച്‌ കൊണ്ട്‌ വരുന്ന പോലെ ആയിരക്കണക്കിനു വാഹനങ്ങൾ വന്ന് കാത്തു കെട്ടിക്കിടക്കാൻ തുടങ്ങി..,അതോടെ ഞങ്ങൾക്ക്‌ ഒരു നിമിഷം പോലും വിശ്രമമില്ലാത്ത ജോലിയായി...,(ശരിക്കും പണി കിട്ടി എന്നർത്ഥം..)

ഒരു വണ്ടിയെങ്കിലും വന്നിരുന്നെങ്കിൽ ഇത്തിരി ഈത്തപ്പഴം കഴിക്കാമായിരുന്നു എന്നാശിച്ച ഞങ്ങൾ ഇപ്പോൾ പൊടുന്നനെ ആ ആശകൾ തല്ലിക്കെടുത്തി വേറെ ചില ആശകൾ കാണാൻ തുടങ്ങി.(ചിലപ്പോൾ പ്രാർത്ഥനയുമായി..)

ഈ ത്രാസ്‌ ഒന്ന് കേടായെങ്കിൽ..അല്ലെങ്കിൽ ആ കമ്പ്യൂട്ടറൊന്ന് കേടായെങ്കിൽ...

വാഹനങ്ങളുടേ എണ്ണം ദിനം പ്രതി വർദ്ധിച്ച്‌ കൊണ്ടിരുന്നു..,ഒപ്പം ഞങ്ങളുടെ ജോലിഭാരവും..,

ഇത്രയും കാലം വെറുതെയിട്ട്‌ മൂന്ന് നേരം മ്രഷ്ടാന്ന ഭോജനവും തന്ന് സുഖിപ്പിച്ച്‌ കിടത്തിയ കമ്പനി പകരമായി ആകെ ഇത്തിരിയുള്ള ചോരയും നീരും മൊത്തമായി ഊറ്റിയെടുത്തിട്ടേ വിടൂ..എന്ന് സാജു അച്ചായൻ ഇടക്കിടക്ക്‌ പിറുപിറുക്കുന്നുണ്ട്‌..(അച്ചായാ..പിണങ്ങല്ലേ..)
എനിക്കും അങ്ങനെ തോന്നാതിരുന്നില്ല..,എങ്ങനെ തോന്നാതിരിക്കും..,

ചിരിച്ച്‌ കളിച്ച്‌ തുള്ളിച്ചാടി ജോലിക്ക്‌ വന്നിരുന്നവർ ഇപ്പോൾ ഊരയും താങ്ങിപ്പിടിച്ച്‌ കൊക്കിച്ചാടിയല്ലേ ജോലിക്ക്‌ വരുന്നത്‌..,

ആയിടക്കാണു മട്ടാഞ്ചേരിക്കാരനായ ഒരു സുഹൃത്ത്‌ (പേരു ഓർമയിൽ വരുന്നില്ല..)പുതിയ ഒരു കണ്ടു പിടുത്തം നടത്തുന്നത്‌..,

ഐസക്‌ ന്യൂട്ടന്റെ തലയിൽ ആപ്പിൾ വീണപ്പോൾ ഭൂഗുരുത്വാകർഷണബലം കണ്ട്‌ പിടിച്ചെങ്കിൽ ഇതിയാന്റെ കാലേൽ ഈത്തപ്പഴം നിറച്ച ട്രേ വീഴേണ്ടി വന്നു എന്ന് മാത്രം..,

യുറേക്കാ..യുറേക്കാ..എന്ന് വിളീച്ച്‌ നഗ്നനായി തെരുവിലൂടെ ഓടുന്നതിനു പകരം ഗുരു തന്റെ ഇഷ്ട ശിഷ്യനു ദിവ്യ മന്ത്രം ചൊല്ലിക്കൊടൂക്കുന്നത്‌ പോലെ അങ്ങേരുടെ പരിചയക്കാരുടെ ചെവിയിൽ അവൻ ഈ ദിവ്യമന്ത്രമോതി..,ആരിലൂടൊക്കെയോ കടന്ന് ആ ദിവ്യമന്ത്രങ്ങൾ എന്റെ ചെവിയിലുമെത്തി..,ജോലിയിൽ ഉണർവ്വ്വും ഉന്മേഷവും പ്രധാനം ചെയ്യുന്ന അത്ഭുതകരമായ ദിവ്യമന്ത്രം..,

ഗുഡ്‌ സർട്ടിഫിക്കറ്റ്‌ കിട്ടാൻ വേണ്ടി ട്രേയുടെ മുകൾ വശത്ത്‌ മാത്രം നല്ല ക്വാളീറ്റിയുള്ള ഈത്തപ്പഴവും താഴെ ചവറു ഈത്തപ്പഴവും നിറച്ച ഒരു ട്രേയാണു ലവന്റെ കാലിലോട്ട്‌ മറിഞ്ഞത്‌..,കാലു ഇത്തിരി നൊന്തു..,എന്നാലെന്താ..കള്ളത്തരം കയ്യോടെ പിടിച്ചില്ലേ..ഞാനിപ്പോൾ കൗണ്ടറിനകത്തിരിക്കുന്ന മിസ്‌രിയോട്‌ പറയുമെന്ന് അവൻ.,
പറയരുത്‌..നിനക്ക്‌ എന്തു വേണമെങ്കിലും തരാം..എന്ന് ലോറിക്കാരൻ..,എന്നാൽ എന്ത്‌ തരും എന്നായി..അവൻ...,ലോറിക്കാരൻ രഹസ്യമായി ഒരു നൂറൂ ദിർഹത്തിന്റെ നോട്ടെടുത്ത്‌ ചുരുട്ടി അവന്റെ കയ്യിൽ വെച്ച്‌ കൊടൂത്തു..,

ഹെന്റെ പൊന്നോ...നൂറു ദിർഹം എന്ന് വെച്ചാൽ ആയിരത്തി ഇരുന്നൂറു ഉരുവ..

അന്ന് തള്ളിയ കണ്ണ` പിന്നെ രണ്ട്‌ ദിവസം കഴിഞ്ഞാണത്രേ അകത്തോട്ട്‌ പോയത്‌..,

അതിനു ശേഷം ദിവ്യമന്ത്രങ്ങൾ അറിഞ്ഞ എല്ലാവരും മുന്നിലേക്ക്‌ വരുന്ന ഓരോ ട്രേയും കയ്യിട്ടും കാലിട്ടും ഇളക്കി മറിച്ച്‌ പരിശോധന തുടങ്ങി..,നിരവധി പെരുങ്കള്ളന്മാർ പലരുടേയും വലയിൽ കുടുങ്ങി..,പിന്നെ അവരോട്‌ വിലപേശലായി..,

ഒരുകിലോ ഗുഡ്‌ ക്വാളിട്ടി അടിക്കുന്ന ഈത്തപ്പഴത്തിനു 14 ദിർഹം വിലയിടൂന്നുവെങ്കിൽ ഒരു കിലോ ലോ ക്വാളിറ്റി ഈത്തപ്പഴത്തിനു വെരും ഒന്നര ദിർഹം മാത്രമാണു വിലയിടുന്നത്‌..,ഭീമാകാരങ്ങളായ ലോറികളിൽ വരുന്ന ടൺ കണക്കിനു ചവറു ഈത്തപ്പഴങ്ങൾ ഒറ്റയടിക്ക്‌ ഗുഡ്‌ ആക്കി വിടൂമ്പോൾ ലോറിക്കാരനു കിട്ടുന്നത്‌ ആയിരങ്ങളൂടെ ലാഭം..,അതിൽ നിന്നും വെറൂം തുച്ഛമായ മുന്നൂറോ അഞ്ഞൂറോ അല്ലേ ഞങ്ങൾ ചോദിക്കുന്നുള്ളൂ..സംഗതി ന്യായം..,ലോഡൂമായി വരുന്നവർക്കും പരാതിയില്ല..,പിന്നെ ആകെയുള്ള ദോഷം എന്താന്ന് വെച്ചാൽ കമ്പനി കുത്തുപാളയെടുക്കും..അതിനു കമ്പനി ഞമ്മന്റെ തറവാട്ടു വഹയൊന്നുമല്ലല്ലോ..!!..

അല്ലേലും നാലു കുരുത്തം കെട്ട മലയാളീസ്‌ കയറീയാൽ ഏതു കമ്പനിയാണൂ കുത്തുപാളയെടുക്കാത്തത്‌..,ഞമ്മന്റെ നാട്ടിലു ഒട്ടുമിക്ക ഫാക്ടറികളിലും ജോലിചെയ്യാൻ വല്ല തമിഴന്മാരെയോ ആന്ധ്രക്കാരെയോ നിർത്തുന്നത്‌ എന്തിനാന്നാ നിങ്ങൾ കരുത്തിയത്‌..,അവർക്കാണെങ്കിൽ സമരവുമില്ല..ധർണ്ണയുമില്ല..,പാർട്ടി പ്രവർത്തനവുമില്ല..കിട്ടുന്ന ശമ്പളം കൊണ്ട്‌ തൃപ്തിപ്പെട്ട്‌ മാനം മര്യാദയായി പണീയെടുത്തോളും..

പിന്നെ പിന്നെ ലോഡുമായി കൗണ്ടറീലേക്ക്‌ കടന്ന് വരുന്ന തൊഴിലാളികളോട്‌ ആദ്യത്തെ ചോദ്യം ഇതാണ`..,ഇതിലെ ഈത്തപ്പഴം മൊത്തം ഗുഡ്‌ ആക്കണോ..?

സ്വാഭാവികമായും അവർ പറയും ഗുഡ്‌ ആക്കണം..,

ഓകെ..എങ്കിൽ എത്ര തരും..

ചോദിച്ച പണം തരുന്നുവെങ്കിൽ എത്ര ചവറു ഈത്തപ്പഴമാണേങ്കിലും (ഇനി വല്ല കല്ലും മണ്ണും ആണെങ്കിൽ തന്നെയും..)നേരത്തെ കരുതി വെച്ച നല്ല ഈത്തപ്പഴം സാമ്പിൾ കോടുത്ത്‌ ഗുഡ്‌ സർട്ടിഫിക്കറ്റ്‌ അടിപ്പിക്കും..,ഞങ്ങളുടെ വിലപേശലിൽ വഴങ്ങുന്നില്ലെങ്കിൽ പിന്നെ എത്രെ നല്ല ഈത്തപ്പഴമാണെങ്കിലും ഒരു പക്ഷേ ലോ സർട്ടിഫിക്കറ്റ്‌ അടിച്ചെന്നുമിരിക്കും..

ആഹാ എന്തൊരു അഴിമതി. സർവ്വത്ര അഴിമതി...,ദൈവത്തിന്റെ സ്വന്തം നാട്ടുകാർക്ക്‌ ജന്മനാ കിട്ടുന്ന വരദാനമാണോ ഇത്‌..

അങ്ങനെ ഒരോ കൗണ്ടറിലും അതിഭയങ്കരങ്ങളായ കുംഭകോണിക്കലുകൾ, തിരിമറികൾ എന്നിവ പതിവായി..,(തിരിച്ച്‌ നാട്ടിൽ ചെന്നിട്ട്‌ രാഷ്ട്രീയത്തിൽ ഒരു കൈ നോക്കണമെന്ന് ഞാൻ ചിന്തിക്കാതിരുന്നില്ല)

ഓരോ ദിവസവും പതിവിലും ഉഷാറായി ഓരോരുത്തരും ജോലിക്കെത്താൻ തുടങ്ങി..,ഭൂമികുലുക്കമുണ്ടായാൽ പോലും എട്ടുമണിക്ക്‌ മുന്നേ എഴുന്നേറ്റ്‌ ശീലിക്കാത്തവർ ആറുമണിക്ക്‌ മുന്നേ എഴുന്നെറ്റ്‌ ജോലിക്ക്‌ പോകുന്നു..എന്റെ ദൈവമേ..ഇക്കണക്കിനു പോയാൽ കൊന്ന് കുഴിച്ച്‌ മൂടിയാലും ഇവന്മാരു കൃത്യസമയത്ത്‌ എണീറ്റ്‌ ജോലിക്ക്‌ പോകുമല്ലോ...

ഞങ്ങളുടെ ജോലിയിലെ ആത്മാർത്ഥതയും കൃത്യനിഷ്ഠയും കമ്പനി മുദീറീനു  (മാനേജറെന്നോ.. എം,ഡിയെന്നോ പറയാം)  വരേ നന്നേ ബോധിച്ചു..അങ്ങനെ അദ്ധേഹത്തിന്റെ വകയായി ഓരോ ദിവസവും പത്ത്‌ ദിർഹം വീതം ബോണസ്സായും കിട്ടാൻ തുടങ്ങി..,"ഫൂ പത്തിന്റെ ദിർഹം യാരിക്ക്‌ വേണം.".ഇവിടെ നൂറിന്റെ പെടക്കണ നോട്ടുകളല്ലേ കയ്യിൽ.. കൈനീട്ടി വാങ്ങുമ്പോൾ ഓരോരുത്തരുടെ മുഖത്ത്‌ വിരിയുന്ന ചിരിയുടെ അർത്ഥം ഇതാണെന്ന് മുദീറുണ്ടോ അറീയുന്നു...

പക്ഷേ പലനാൾ കള്ളൻ ഒരു നാൾ പിടിയിൽ എന്നാണല്ലോ പ്രണാമം...ഛേ തെറ്റിപ്പോയി .. പ്രമാണം

പിടിക്കപ്പെടുക തന്നെ ചെയ്തു..ഏതൊ ഒരു കുരുത്തം കെട്ടവൻ പരസ്യമായി പണം വാങ്ങുന്നത്‌ വേറൊരു കുരുത്തം കെട്ട മിസ്‌രി കണ്ട്‌ പിടിച്ചു..,രക്ഷപ്പെടാൻ വേണ്ടി അവനു ഷെയർ കൊടുക്കാമെന്നു അവൻ പറഞ്ഞത്രേ..അതോടെ തീയിൽ മണ്ണെണ്ണ ഒഴിച്ച കണക്കായിപ്പോയി..മിസ്‌രി അവനെ തൊണ്ടിസഹിതം മുദീറിനു മുന്നിൽ ഹാജരാക്കി..നീ എന്തിനു പണം വാങ്ങി..,? മുദീറിന്റെ വിചാരണ,..അയാൾ എനിക്കു വെറുതേ തന്നതാണൂ.. അവൻ നിന്നു വിറച്ചു..,

വെറുതേ തരാൻ അയാൾ നിന്റെ ആരാ..? (അമ്മായിയപ്പനാണോന്ന്..)
അയാൾ എനിക്കു "ഹദിയ" (ദാനം..) തന്നതാണു..,

,ഒന്നാമതേ അഴിമതിയെന്ന ലൂസ്‌ ബോള`...പോരത്തതിനു തോണ്ടിസഹിതം ഫുൾടോസുമായി..മുദീറവനെ സ്ഥാവരോം ജംഗമോം ചുരുട്ടിക്കൂട്ടി നാട്ടിലേക്ക്‌ സിക്സറടിക്കുമെന്ന് ഞങ്ങളേല്ലാവരും കരുതി..

"ഹദിയ" എന്ന ഒരൊറ്റ വാക്ക്‌ അവന്റെ നാവിൽ നിന്ന് വീണത്‌ കാരണം ആ ബോളിൽ മുദീർ ബൗൾഡായിപ്പോയി..,ഇസ്ലാം മത പ്രകാരം ഹദിയ(ദാനം..) കൊടുക്കുന്നതും വാങ്ങുന്നതും കുറ്റകരമല്ല..മാത്രമല്ല അത്‌ പ്രോത്സാഹിക്കപ്പെടുന്നതുമാണ`..

ഇനിമേലാൽ ഡ്യൂട്ടിസമയത്ത്‌ ആരിൽ നിന്നും പണം വാങ്ങരുത്‌ എന്ന വാണിംഗ്‌ കൊടുത്ത്‌ അവനെ വിട്ടയച്ചു..,



കഷ്ടകാലം വരുമ്പോൾ കൂട്ടത്തോടെ എന്ന് പറഞ്ഞപോലെ അന്ന് വേറൊരു സംഭവം കൂടി നടന്നു..,വേറൊരു കുരുത്തം കെട്ടവന്റെ ഫോർക്ക്‌ ലിഫ്റ്റ്‌ അട്ടിയായി അടുക്കി വെച്ചിരിക്കുന്ന ഈത്തപ്പഴ ട്രേകൾ തട്ടി മറിച്ചിട്ടു.പൂത്തിരി കത്തുന്നപോലെ ഈത്തപ്പഴങ്ങൾ ചിതറി ത്തെറിച്ചു..,.,അതു വഴി പോയ മുദീർ ഇതു കാണുവാനിടയായി..വന്ന് നോക്കുമ്പോൾ ഗുഡ്‌ സർട്ടിഫിക്കറ്റ്‌ അടിച്ച ഈത്തപ്പഴങ്ങൾക്കിടയിൽ ദേ കിടക്കുന്നു........ഒന്നിനും കൊള്ളാത്ത ചപ്പു ചവറു ഈത്തപ്പഴങ്ങൾ..,അതെങനെ വന്നു..,അദ്ധേഹം കൂടൂതൽ തലപുകക്കാൻ നിന്നില്ല..

ഉടൻ തന്നെ സകല കൗണ്ടറിലും പണിയെടുക്കുന്ന മിസ്‌രികളെ വിളിച്ച്‌ വട്ടത്തിൽ നിർത്തി ഒരു "തിരുവാതിര" അങ്ങ്‌ അരങ്ങേറി..തലകുനിച്ച്‌ നിൽക്കുന്ന മിസ്‌രികളെ കണ്ടാലറിയാം അഭിനന്ദനവർഷങ്ങളല്ല..നല്ല മുഴുത്ത്‌ പാകമായ ചീത്തകളും പച്ചത്തെറികളുമാണു ആ വട്ടനിർത്തി സമ്മേളനത്തിൽ അവതരിപ്പിക്കപ്പെടുന്നതെന്ന്..

ഇനിയെന്തും സംഭവിക്കും..,ഒന്നുകിൽ എല്ലാവരും ജയിലിൽ അല്ലെങ്കിൽ നാട്ടിൽ.., എല്ലാവരുടെ മുഖവും കർക്കിടകമാസത്തിലെ ആകാശം പോലെ ഇരുണ്ടു..,

പക്ഷേ അന്ന് പ്രത്യേകിച്ചൊന്നും സംഭവിച്ചില്ല..തിരുവാതിര കഴിഞ്ഞു ക്ഷീണീച്ച്‌ വന്ന അയ്മൻ മിസ്‌രി കൗണ്ടറിനകത്ത്‌ തലക്ക്‌ കൈയ്യും കൊടുത്ത്‌ ഇരിക്കുന്നത്‌ കണ്ടപ്പോൾ പാവം തോന്നി..,അങ്ങോരെന്ത്‌ പിഴച്ചു..(,പ്രശ്നക്കാർ ഞങ്ങളല്ലേ...)

പിറ്റേന്ന് ഡ്യൂട്ടിക്കെത്തിയ ഞങ്ങളെ എതിരേറ്റത്‌ മിന്നലേറ്റ്‌ കരിഞ്ഞു പോയ കവുങ്ങ്‌ കണക്കെയുള്ള എട്ട്‌ സുഡാനി സെക്യൂരിറ്റിക്കാരായിരുന്നു..,

ഞങ്ങളെ വാച്ച്‌ ചെയ്യാൻ ഓരോ രണ്ട്‌ കൗണ്ടറിനും ഓരോ സെക്യൂരിറ്റി വീതം.ഞങ്ങളുടെ കരുനീക്കങ്ങൾക്ക്‌ മുദീറിന്റെ വക സമർത്ഥമായ മറു നീക്കം..   "ചെക്ക്‌."
.വെച്ചത്‌ കാലാൾ പട കൊണ്ടും..

.,സേതു രാമയ്യർ സി,ബി,ഐ പോലെ അവരങ്ങനെ അങ്ങോട്ടും ഇങ്ങോട്ടും നടന്ന് വരാന്തയുടെ അളവെടുക്കുന്നു..അങ്ങനെ ഞങ്ങൾക്ക്‌ കുംഭകോണിക്കാനുള്ള എല്ലാ വഴികളും അതി സമർത്ഥമായി അടയ്ക്കപ്പെട്ടു.. ,പണം വാങ്ങുന്നത്‌ പോയിട്ട്‌ എന്തെങ്കിലും ചുമ്മാ ഒന്ന് സം സാരിക്കാൻ ശ്രമിച്ചാൽ തന്നെ ഇവന്മാരു കണ്ണുരുട്ടിക്കാണിക്കാൻ തുടങ്ങും..ആ ഉണ്ടക്കണ്ണുകൾ പിന്നീട്‌ പലരുടെയും സ്വപ്നങ്ങളിൽ പോലും കടന്ന് വന്നുവത്രേ..

പണം വാങ്ങുന്നത്‌ കണ്ട്‌ പിടിച്ച്‌ മുദീറിനോട്‌ ഒറ്റിക്കൊടുത്ത മിസ്‌രിയെ കടിച്ച്‌ കീറാനുള്ള ദേഷ്യമുണ്ട്‌ എല്ലാവർക്കും..പക്ഷെ എന്തു ചെയ്യാം..ഇപ്പോൾ അങ്ങനെ എന്തെങ്കിലും സംഭവിച്ചാൽ എരിതീയിൽ എണ്ണ ഒഴിക്കുന്നത്‌ പോലാവും..

അങ്ങനെയിരിക്കെ അതിനൊരു വഴി തെളിഞ്ഞു വന്നു..

അതെന്താണെന്ന് അടുത്ത ഭാഗത്തിൽ വിവരിക്കാം..

                                                                                                           
                                                                                                            തുടരും


ഇതൊക്കെ വെളിപ്പെടുത്തിയിട്ട്‌ ഇനിയെങ്ങാനും അബൂദാബിയിൽ ചെന്നിറങ്ങുമ്പോൾ എന്നോട്‌ സ്നേഹം കൂടിയിട്ട്‌ പിടിച്ച്‌ ജെയിലിനകത്ത്‌ ജോലി തന്ന് പെർമനന്റാക്കുമോ..എന്തോ..?

"ഈത്തപ്പഴങ്ങൾ" ചില മനോഹരമായ ദ്രശ്യങ്ങൾ കാണാൻ ഇവിടെ ക്ലിക്ക്‌ ചെയ്യുക...

....................................................................................................................................................................
Related Posts with Thumbnails

On 1 അഭിപ്രായ(ങ്ങള്‍)
Bookmark and Share

കണ്ണിനു കുളിർമ്മയേകുന്ന ഈത്തപ്പഴക്കുലകൾ...

അബൂദാബി ഡെയ്സ്‌ ഒന്ന്, രണ്ട്‌, മൂന്ന്, നാല`, അഞ്ച്‌ , എന്നീ ഭാഗങ്ങൾ വായിക്കാൻ ക്ലിക്ക്‌ ചെയ്യുക...















Related Posts with Thumbnails

On 2010, ഫെബ്രുവരി 16, ചൊവ്വാഴ്ച 11 അഭിപ്രായ(ങ്ങള്‍)
Bookmark and Share

അബൂദാബി ഡെയ്സ്‌: നാല`


അബൂദാബി ഡെയ്സ്‌ ഒന്ന്, രണ്ട്‌, മൂന്ന്, ഭാഗങ്ങൾക്ക്‌ ക്ലിക്ക്‌ ചെയ്യുക..


എന്തൊക്കെയോ ആലോചിച്ച്‌ കിടന്നതേ എനിക്കോർമയുള്ളൂ...ഇതിനിടയിലേപ്പോഴോ ഉറക്ക ദേവത എന്നെ പിടികൂടിയിരുന്നു..,പ്ഠേ...പ്ഠേ...വാതിലിൽ ആരോ മുട്ടുന്നത്‌ കേട്ടാണു കണ്ണു തുറന്നത്‌..,എ,സി യുടെ സൈഡിലെ വിടവിലൂടെ സൂര്യദേവൻ മുഖത്തേക്ക്‌ ടോർച്ചടിക്കുന്നുണ്ട്‌..,ഇങ്ങേർക്ക്‌ ഉറക്കവുമില്ലേ..,


പ്ഠേ...പ്ഠേ..വതിലിൽ പിന്നെയും മുട്ട്‌..,ആരാണ്ടപ്പാ വാതിലിൽ ചെണ്ട കൊട്ടിപ്പഠിക്കുന്നത്‌..,എനിക്കാകെ ചൊറിഞ്ഞ്‌ കയറി..,..,എല്ലാരും നല്ല ഉറക്കിലാണ`... പ്ഠേ...അടി കൊണ്ട്‌ വാതിൽ വീണ്ടും കരഞ്ഞു.., ഇവനെ ഞാനിന്നു. ....കസ്‌ പിസ്‌...ഗ്സ്‌...,..ദേഷ്യം ഞാൻ പോലുമറിയാതെ എന്നെ ഒറ്റക്കുതിപ്പിനങ്ങ` എണീപ്പിച്ചു..,
വാതിലങ്ങ്‌ വലിച്ചു തുറന്നു..,

കാത്തിരുന്ന ഇരയെ കിട്ടിയ സന്തോഷത്തിൽ ആയിരം സൂര്യന്മാർ ഒരുമിച്ചെന്റെ കണ്ണിലേക്ക്‌ ടോർച്ചടിച്ചു..,എന്റെമ്മോ...അറിയാതെ ഞാനങ്ങ്‌ വിളിച്ച്‌ പോയോ....?സൂര്യ ദേവാ ഈ യുള്ളവനെ ഇങ്ങനെ റാഗ്‌ ചെയ്യല്ലേ..

ചുറ്റും നല്ല വെയിൽ പരന്നിരിക്കുന്നു.., ഹൗ ഇത്ര പെട്ടെന്ന് നേരം വെളുത്തോ..?

"ഫുഡ്‌ വേണെങ്കിൽ വന്ന് മേടിച്ചോ.."

എന്നും പറഞ്ഞ്‌ വാതിൽക്കൽ ചെണ്ട കൊട്ടി പ്പഠിച്ച വിദ്വാൻ അപ്രത്യക്ഷ നായി..,അപ്പോൾ അതാണു കാര്യം..,

അർശ്ശസിന്റെ അസ്കിതയുള്ളവൻ ബാത്ത്‌ റൂമിൽ ഇരുന്ന് കാണിക്കുന്ന മുഖ ഭാവത്തോടെ ഞാൻ പുറത്തേക്ക്‌ നോക്കി..നേരം ഒൻപത്‌ മണിയെങ്കിലും കഴിഞ്ഞു കാണും..നല്ല ചുടു കാറ്റ്‌ വീശുന്നു..,
ഒരു വശത്ത്‌ വേലിക്കെട്ടിനപ്പുറം നോക്കെത്താ ദൂരത്ത്‌ മരുഭൂമിയങ്ങനെ പരന്ന് കിടക്കുകയാണ`..അവിടെ കടലിലെ ഓളങ്ങൾ കണക്കെ മണൽതിട്ടകൾ പറന്ന് നടക്കുന്നു..,ചെവിയോർത്തു നിന്നാൽ കേൾക്കാം അതിന്റെ മുരളൽ ..,അതിന്റെ പൊട്ടിച്ചിരികൾ.. എന്റെ ദൈവമേ..

,ഇതൊരുമാതിരി പന്ന ഏർപ്പാടായിപ്പോയി...എന്റെ സങ്കൽപത്തിലെ ഗൾഫ്‌ ഇതായിരുന്നോ..? ഞാൻ തലച്ചോറിൽ സെർച്ച്‌ ചെയ്തു നോക്കി....ഉറങ്ങി എണീറ്റ ഉടനെയായത്‌ കൊണ്ടോ.. എന്തോ..സെർച്ച്‌ എഞ്ചിൻ ശരിക്ക്‌ വർക്കൗട്ടാകുന്നില്ല.. ..ഏയ്‌ ..,അല്ല..ആകാശം മുട്ടി നിൽക്കുന്ന കെട്ടിടങ്ങളൂം അസ്ത്രവേഗത്തിൽ പായുന്ന വാഹനങ്ങളും അതിസുന്ദരന്മാരും സുന്ദരികളുമായ തദ്ദേശ വാശികളും ഒക്കെയായിരുന്നല്ലോ....

ഇതിപ്പോൾ ആകാശം മുട്ടെ ഉയരുന്ന പൊടിക്കാറ്റും.. അഗ്നിയുടെ അസ്ത്രങ്ങൾ എയ്യുന്ന പകലവനും അതിസുന്ദരന്മാരായ (?)ഞങ്ങളുടെ അതിസുന്ദരങ്ങളായ സ്വപ്നങ്ങൾ തന്നെ കരിച്ച്‌ കളയുമെന്നാ തോന്നുന്നേ...

ഞാൻ ചിന്തകളേ കൂടുതലായി കയറൂരി വിടാൻ നിന്നില്ല..,

"ദേണ്ടേ...എണീക്കെടാ..."

പൊറോട്ടക്ക്‌ മൈദ ഉരുട്ടുന്നത്‌ പോലെ രണ്ട്‌ ഉരുട്ടങ്ങ്‌ കൊടുത്തപ്പോൾ റഷീദ്‌ കണ്ണു തുറന്നു...,ഒച്ചയും ബഹളവും കേട്ട്‌ മംഗലാപുരക്കാരൻ ഇർഫാൻ കണ്ണു തുറന്നു..,
"ജാവ്‌ വന്ത്‌ ഏന്തിട്ടാ,," അവൻ മുറു മുറുത്തു..,

ഇതെന്തോന്ന് ഭാഷ..,ഞാൻ കണ്ണു മിഴിച്ചു..,(ഹിന്ദി,മലയാളം, തമിഴ്‌ എന്നിവയുടെ ഒരു മിക്സ്ചർ രൂപം ആണു ഇവർ സം സാരിക്കുന്നതെന്ന് എനിക്കു പിന്നീട്‌ പലപ്പോഴും തോന്നിയിട്ടുണ്ട്‌..ഒരു പക്ഷേ തുളു ആയിരിക്കാം..)

ഖാനാ..ഖാനാ..ഞാൻ കൈ കൊണ്ട്‌ ആംഗ്യം കാണീച്ചു.., വേണെൽ വന്ന് ഞണ്ണിക്കോ..

റാണി തേനീച്ചക്ക്‌ ചുറ്റും തേനീച്ചകൾ കൂട്ടം കൂടി നിൽക്കുന്നത്‌ പോലെ പുറത്ത്‌ ഒരു മിനി വാനും അതിനു ചുറ്റും പത്തുനൂറു ആളുകളും..,

കോഴിക്കോട്ടുകാരൻ അലിഭായി ആണു ഭക്ഷണം വിതരണം ചെയ്യുന്നത്‌..,

മൂപ്പർ ഇവിടെ ഒരു ഹോട്ടൽ നടത്തുന്നു..ഞങ്ങളെ ഇനിയങ്ങോട്ട്‌ തീറ്റിപ്പോറ്റാനുള്ള ചുമതല ഇയാളെയാണു ഞങ്ങളുടെ കമ്പനി ഏൽപിച്ചിരിക്കുന്നത്‌...

അബൂദാബിയിലെ മദീനത്ത്‌ സൈദ്‌ (ബദാ സൈദ്‌ ) എന്ന പ്രദേശത്തിനും ലിവ എന്ന പ്രദേശത്തിനും ഇടയിലുള്ള താണത്രേ വാദിൽഖൈർ എന്ന് പേരുള്ള ഈ സ്ഥലം..,
ഇവിടെ മസ്‌റകൾ (കൃഷിയിടങ്ങൾ...) മാത്രമേയുള്ളൂ..ആദ്യമായാണു ഇവിടെ ഒരു കമ്പനി തുടങ്ങുന്നത്‌..,എന്നൊക്കെ ഞങ്ങളോട്‌ അയാൾ വാചാലനായി..,എല്ലാവരും ആകാംക്ഷയോടേ കേട്ടിരുന്നു..,

തൊട്ടടുത്ത്‌ ഒരു കടയുള്ളത്‌ 20 കിലോമീറ്റർ അകലെ ലിവ ടൗണിൽ..അതു കൂടി കേട്ടതോടേ വാഴത്തണ്ടിനു ചൂട്‌ വെള്ളമൊഴിച്ച കണക്കെ എല്ലാവരുടെയും മുഖങ്ങൾ വാടിക്കരിഞ്ഞു..,

വരേണ്ടായിരുന്നു.....ഞാനപ്പഴേ പറഞ്ഞതാ...പലരും പലതും പറഞ്ഞ്‌ പിറു പിറുക്കുന്നു..

എനിക്കും അങ്ങനെ തോന്നതിരുന്നില്ല..,

ഏതായാലും വന്ന് പെട്ടു..ഇനിയിപ്പോൾ പറഞ്ഞിട്ടെന്തു കാര്യം...,
അല്ലെങ്കിലും പോയ ബസ്സിനു കൈ കാണിച്ചിട്ടെന്തു പ്രയോജനം..അതു പോയിക്കഴിഞ്ഞില്ലേ..

പാകിസ്ഥാനിൽ നിന്നും ഈജിപ്തിൽ നിന്നും ഇന്ത്യയിൽ നിന്നുമൊക്കെയായി ഏതാണ്ട്‌ മുന്നൂറോളം ആളുകളെ ഒന്നും കാണാതെ കമ്പനി കാശ്‌ മുടക്കി ഇവിടെ കൊണ്ട്‌ വന്ന് താമസിപ്പിക്കില്ലല്ലോ...? എല്ലാവരെയും ഒറ്റയടിക്കങ്ങ്‌ കളിപ്പിക്കാൻ പറ്റില്ലല്ലോ..എന്നൊക്കെയായിരുന്നു എന്റെ സമാധാനം.


കമ്പനിയുടേത്‌ നല്ല മാനേജ്‌മന്റാണെന്നും ഒരു ബുദ്ധിമുട്ടും നിങ്ങൾക്കുണ്ടാവില്ലെന്നും ഞങ്ങളൊക്കെയിവിടില്ലേയെന്നുമൊക്കെയുള്ള അലിഭായിയുടേ വാക്കുകൾ കൊടും ചൂടത്ത്‌ ഐസ്‌ വാട്ടർ കുടിക്കുന്നത്‌ പോലെ എല്ലാവരുടെയും ചിന്തകളെ തണുപ്പിച്ചു..,

ഏതായാലും വരുന്നിടത്ത്‌ വെച്ച്‌ കാണാം..എന്നും പറഞ്ഞ്‌ റൂമിലേക്ക്‌..,ഭക്ഷണപ്പൊതി തുറന്ന് നോക്കിയപ്പോയല്ലേ..ദേ............കെടക്കണു..

ലവൻ .........പൊറോട്ട ,ഈ ഗൾ ഫിലെത്തിയാലെങ്കിലും ഒരു മാറ്റം ഉണ്ടാകുമെന്നു കരുതി...,

ഇങ്ങേർക്ക്‌ വല്ല ഒട്ടകം പുഴുങ്ങിയതോ....അല്ലെങ്കിൽ .ആടിനെ നിർത്തിപ്പൊരിച്ചതോ കൊണ്ട്‌ തന്നൂടേ..... എനിക്ക്‌ ചൊറിഞ്ഞു കയറുന്നു..(ഈ യിടയായി എനിക്ക്‌ ചൊറിച്ചിൽ ഇത്തിരി കൂടുതലാണ`..)

എന്ത്‌ ചെയ്യാം....കൊച്ച്‌ കുഞ്ഞിനെപ്പോലെ വാശി പിടിച്ചോണ്ടിരിക്കാൻ ഇതെന്റെ വീടും അയാൾ തന്റെ അമ്മയുമല്ലല്ലോ..?   എന്ന് സ്വയം ആശ്വസിപ്പിച്ചു..,

കൂടുതൽ വളാ വളാന്ന് ചിലച്ചോണ്ടിരുന്നാൽ ഉള്ളതും കൂടി ഇല്ലാതാവും ..കുടിക്കണ വെള്ളത്തിൽ പ്രഷ്ടം കഴുകാൻ തൽക്കാലം ഞാനില്ല..,

കിട്ടിയതായി...ഞാൻ കൂടുതലൊന്നും ചിന്തിക്കാനും പറയാനും പോയില്ല..ആക്രമണം തുടങ്ങി..,,നല്ല വിശപ്പുണ്ടായിരുന്നത്‌ കൊണ്ട്‌ മൂപ്പർ യാതൊരു പരാതിയും കൂടാതെ വേഗത്തിലങ്ങ്‌ കയറിപ്പോയി..,

പൊറോട്ടയും മുന്നിൽ വെച്ച്‌ എവിടെ തുടങ്ങണം എങ്ങനെ തുടങ്ങണം എന്ന് ആലോചിച്ച്‌ കൊണ്ടിരുന്ന മംഗലാപുരം ബോയ്സ്‌ എന്റെ തീറ്റ കണ്ട്‌ കണ്ണ` മിഴിച്ചു..(ഇനിയെത്ര കണ്ണു മിഴിയാൻ ബാക്കി കിടക്കുന്നു..)

അല്ലെങ്കിലും പൊറോട്ട തിന്നാൻ മലപ്പുറം കാർക്ക്‌ പ്രത്യക കഴിവുണ്ട്‌..,കാരണം അവരുടെ ദേശീയ ഭക്ഷണമാണല്ലോ പൊറോട്ട എന്ന മൈദ ഷീറ്റ്‌..,രണ്ട്‌ പൊറോട്ടയും ബീഫ്‌ കറിയും ചേർത്ത്‌ ഒരു പിടി പിടിച്ച്‌ ഇത്തിരി വെള്ളവും കൂടിയങ്ങ്‌ കുടിച്ചാൽ വയറ്റിനകത്ത്‌ കോൺക്രീറ്റ്‌ വർത്തിട്ട പോലങ്ങ്‌ കിടന്നോളൂം..,പിന്നെ സമീപകാലത്ത്‌ വയറ്റിനകത്തേക്കൊന്നും ചെല്ലേണ്ട കാര്യമില്ല..പുറത്തോട്ടും പോവുമെന്ന് പേടിക്കേണ്ട.. ഇടക്കിടക്ക്‌ ഒന്നു നനച്ചു കൊടുത്താൽ മതി..

ഈ വിദ്യ അവന്മാർക്കറിയില്ലല്ലോ.....




അബൂദാബിയിലെ എന്റെ ആദ്യ ദിനം..

പൊറോട്ട കൊണ്ടുള്ള വാർക്കപ്പണികഴിഞ്ഞതോടെ എന്റെ ഉറക്കം എരുമേലി വഴി പമ്പ കടന്നു..,

പുറത്ത്‌ വെയിലിനു ശക്തിയാർജിച്ചു വരുന്നു..,ഒപ്പം ചൂടിനും..,

വയറു നിറഞ്ഞ സന്തോഷത്തിൽ റഷീദ്‌ പോയി കുളിച്ച്‌ ഉഷാറായി വരുന്നു..,
 "ഹൗ വെള്ളത്തിനെന്തൊരു ചൂടിഷ്ടാ..." അതു നന്നായി .നാട്ടിൽ കുളിക്കാൻ വെള്ളം ചൂടാക്കിക്കൊടുക്കാത്തതിനു ഭാര്യമാരോട്‌ പിണങ്ങി കുളിക്കാതെ നടക്കുന്നവർ ഇനിയെങ്കിലുമൊന്ന് കുളിച്ചോട്ടേ...

ഉണ്ടിട്ട്‌ കുളിക്കുന്നവനെ കണ്ടാൽ കുളിക്കണം എന്നാണല്ലോ ചൊല്ല്..,അതു കൊണ്ട്‌ ഞാനും കുളിക്കാൻ പോയി..,

വഴിയിൽ വെച്ച്‌ പല പല മുഖങ്ങളെ പരിചയപ്പെട്ടു..

കണ്ണൂർ സ്വദേശികളായ രാജേഷ്‌, ശ്രീജിത്തേട്ടൻ, സക്കറിയ,അലിക്ക... .

കോഴിക്കോട്ടുകാരായ കുട്ടൻ, രതീഷ്‌, റഹ്‌ മത്ത്‌,

മട്ടാഞ്ചേരിക്കാരനായ സഹീർ, എന്നിങ്ങനെ ഒരു പാട്‌ പുതിയ സുഹ്രത്തുക്കളെ ബാത്ത്‌ റൂമിലേക്കുള്ള ആ ഒരൊറ്റ യാത്രയിൽ എനിക്കു കിട്ടി..

കുളിച്ച്‌ ഫ്രഷായി..,

പിന്നെയങ്ങോട്ട്‌ പല പല റുമുകളിൽ കയറിയിറങ്ങി വെടികൾ പറഞ്ഞ്‌ സമയത്തെ നിഷക്കരുണം കൊന്നു തള്ളിക്കൊണ്ടിരിക്കലായിരുന്നു ഞങ്ങളുടെ പ്രധാന ജോലി..

അങ്ങനെ അങ്ങനെ ഓരോരോ ദിനങ്ങൾ കൊഴിഞ്ഞു പോയ്‌ കൊണ്ടിരുന്നു..,

കമ്പനി പ്രവർത്തനം ആരംഭിക്കാത്തത്‌ കൊണ്ട്‌ ഇങ്ങനെയൊക്കെ തന്നെയായിരുന്നു ഓരോ ദിവസത്തെയും ദിനചര്യകൾ..,

എന്നും രാവിലേയും വൈകുന്നേരവും രാത്രിയും ഹെയ്തിയിലേക്ക്‌ യു.എൻ. സഹായം വഹിച്ച്‌ കൊണ്ട്‌ വരുന്ന വാഹനം പോലെ അലി ഭായിയുടെ മിനിവാൻ പൊടി പറത്തി വന്നു നിൽക്കും..അഭയാർത്ഥികളെപ്പോലെ ഞങ്ങൾ ഓടിച്ചെന്ന് ചുറ്റിലും വളഞ്ഞ്‌ കിട്ടുന്നതും വാങ്ങിക്കൊണ്ട്‌ വന്ന് ഞണ്ണും.(ഐമീൻ... തിന്നുക, കഴിക്കുക).എന്നിട്ട്‌ പോയി കിടന്നുറങ്ങും ,വൈകുന്നേരങ്ങളീൽ മരുഭൂമിയിലൂടെ സാഹസികവും സാഹസികമല്ലാത്തതുമായ യത്രകൾ നടത്തും.., എന്നു വെച്ചാൽ തെണ്ടി നടക്കും , ചുറ്റു വട്ടത്തുള്ള തോട്ടങ്ങളീൽ പണീയെടുക്കുന്നവന്മാരുടെ വിശ്രമവേളകളിലേക്ക്‌ പൊടുന്നനെ വീട്ടിലേക്ക്‌ കക്കൂസ്‌ കഴുകാൻ വാതിൽ തുറന്ന് ഹാർപ്പിക്കുമായി കടന്ന് വരുന്ന സിനിമാ നടനെ പ്പോലെ കടന്ന് ചെന്ന് ഞങ്ങൾ അലങ്കോലമാക്കും.... വഴിയെ പോകുന്ന സകല വാഹനത്തിനും കൈ കാണിച്ച്‌ തൊട്ടടുത്ത്‌ ടൗണിലേക്ക്‌ കറങ്ങാൻ പോകും..മാനം മര്യാദയയി ആ പരിസര പ്രദേശങ്ങളീൽ ജീവിച്ച്‌ വന്നിരുന്ന സകല ഇന്ത്യക്കാർക്കും ഞങ്ങളാൽ കഴിയും വിധം ബുദ്ധിമുട്ടുകളൂം ചീത്തപ്പേരും ഉണ്ടാക്കിക്കൊടുത്തും .....രാത്രി കാലങ്ങളിൽ ക്യാമ്പിലെ പാകിസ്താനി തൊഴിലാളികളുമായി ചേർന്ന് ഇരു രാജ്യത്തെയും ക്രിക്കറ്റ്‌ ബോർഡുകൾ പോലുമറിയാത്ത ഇന്ത്യ -പാക്‌ ക്രിക്കറ്റ്‌ പരമ്പര കളിക്കും......അങ്ങനെ അങ്ങനെ തിന്നു കുടിച്ച്‌ ഉറങ്ങി അർമാദിച്ച്‌ കൊണ്ട്‌ ഓരോ ദിവസങ്ങളും കൊഴിഞ്ഞ്‌ പോയ്‌ കൊണ്ടിരുന്നു..,

സാക്ഷാൽ കുംഭകർണ്ണനെ പ്പോലും നാണിപ്പിക്കുന്ന രീതിയിൽ ആരോടോ ഉള്ള വാശി തീർക്കാനെന്ന വണ്ണം ഉറങ്ങുന്ന ചിലർക്ക്‌ സമയാ സമയങ്ങളിൽ എണീറ്റ്‌ ഭക്ഷണം കഴിക്കുക എന്നത്‌ തന്നെ വലിയ ബുദ്ധിമുട്ടുള്ള ജോലിയാണു എന്ന് അഭിപ്രായമില്ലാതില്ല..,

ഇതൊക്കെ കാണൂമ്പോൾ തോന്നും ഞങ്ങളുടേ വിസയടിച്ച വിദ്വാനു പിഴച്ചതായിരിക്കുമോ..?.. "ലേബർ വിസ "എന്നടിക്കേണ്ടയിടത്ത്‌ അങ്ങേരു  "ഉറക്ക വിസ " എന്നെങ്ങാനും അടിച്ചോ..?

ഒരു ദിവസം..അതിരാവിലെ തന്നെ വാതിക്കൽ ആരോ മുട്ടുന്നു..മുട്ടലിന്റെ ഇടവേളകളിൽ "ഭായ്‌ സാബ്‌ "എന്ന വിളിയും..,ഈ മരുഭൂമിയിലും പിച്ചക്കാരോ.. ഇവിടൊന്നുമില്ല... ഞാൻ എണീറ്റ്‌ വാതിൽ തുറന്നു..,ഞങ്ങളുടെ പാകിസ്താനി സൂപ്പർ വൈസർ ചാച്ചായാണ`.., "ആ ഒ‍ാ ഭായിസാബ്‌.,തോഡാ മദദ കരോ.".എന്താന്ന് എനിക്ക്‌ മിന്നിയില്ല..(അല്ലെങ്കിലും ട്യൂബ്‌ ലൈറ്റിനെപ്പോലെയാണ`..മിന്നിത്തെളിയാൻ സമയമെടുക്കും..)

..ചാച്ചാ മുകളിലേക്ക്‌ നോക്കി എന്തോ പറഞ്ഞു..ഞാൻ പുറത്തിറങ്ങി നോക്കി..

എന്റെ ഉള്ളൊന്നു കാളി..എന്റെ ദൈവമേ...ഞങ്ങളുടെ റൂമിനു മുകളീൽ വായുവിൽ വേറൊരു റൂം പൊങ്ങി നിൽക്കുന്നു.., വായുവിൽ പൊങ്ങി നിൽക്കുന്ന വീടോ..വല്ലാത്ത അതിശയം തന്നെ.. അദ്ഭുതങ്ങൾ സൃഷ്ടിക്കുന്ന നിർമ്മാണ പ്രവർത്തനങ്ങൾ ദുബായിലും യു.എ,ഇ.യിലും നടക്കാറുണ്ട്‌ എന്ന് കേട്ടിട്ടുണ്ട്‌..ഇത്രേം പ്രതീക്ഷിച്ചില്ല...,സൂക്ഷിച്ച്‌ നോക്കിയപ്പൊഴാണു മനസ്സിലായത്‌..,അതു വായുവിൽ പൊങ്ങി നിൽക്കുകയല്ല.. ഭീമാകാരനായ ഒരു ക്രയിൻ അതെടുത്തുയർത്തി നിൽക്കുകയാണ`. അതു ഞങ്ങളുടേ റൂമിനു തൊട്ട്‌ മുകളീൽ . 
എന്റെ കളരി പരമ്പരദൈവങ്ങളേ ..അതിന്റെ വടമെങ്ങാനും പൊട്ടിയാൽ താഴെ കിടക്കുന്ന ആറു ശരീരങ്ങൾ ചോറിൽ പപ്പടം കുഴച്ച പോലെ ഈ മണലിൽ കുഴഞ്ഞു പോകുമല്ലോ..

ഇങ്ങോർക്കതൊന്ന് മാറ്റിപ്പിടിച്ചൂടേ.., ചാച്ചാ എന്നോടെന്തൊക്കെയോ പറഞ്ഞു.., അ.. ആ..അത്രയുള്ളൂ..,ഞാൻ എല്ലാം മനസ്സിലായി എന്ന ഭാവത്തിൽ തലകുലുക്കി..സത്യത്തിൽ എനിക്കൊന്നും മനസ്സിലായില്ല ,ഇന്ത്യക്കാരനാണെന്ന് പറഞ്ഞിട്ടെന്താ എനിക്കുണ്ടോ ഹിന്ദി (ഉർദ്ദു..പറയുമ്പോൾ രണ്ടും ഒരു പോലെ തന്നെയല്ലേ..) അറിയുന്നു..,

ഞാൻ റൂമിലേക്ക്‌ കയറി ഇർഫാനെ രണ്ട്‌ ഉരുട്ടങ്ങ്‌ കൊടുത്തപ്പോൾ അവനുണർന്നു,അവനു ഹിന്ദി അറിയാം.. ഒച്ചയും ബഹളവും കേട്ട്‌ മറ്റുള്ളവരും..,

കണ്ണും തിരുമ്മി പുറത്തേക്ക്‌.., ഞങ്ങളുടെ റൂമിനു മുന്നിൽ ഒഴിഞ്ഞു കിടക്കുന്ന സ്ഥലത്ത്‌ പുതിയ റൂം ഫിറ്റ്‌ ചെയ്യണം..,അതിനു തറ എന്ന പേരിന` നാലു ഭാഗത്തും രണ്ടോ മൂന്നോ ഹോളോബ്രിക്സ്‌ കല്ലുകൾ കൃത്യമായി വെക്കണം ..,അതിനാണ` ചാച്ചാ ഞങ്ങളുടെ ഉറക്കമെന്ന ജോലിക്കിടയിൽ ശല്യമുണ്ടാക്കിയത്‌..,

അങ്ങനെ ഞങ്ങളെല്ലാവരും കൂടി കല്ലുകൾ പെറുക്കി ക്കൊണ്ട്‌ വന്നു.. വെറും അഞ്ചേ അഞ്ച്‌ മിനുട്ട്‌.. ഞങ്ങളുടെ റൂമിനു മുന്നിൽ മറ്റൊരു അതിമനോഹരമായ കെട്ടിടം ഉയർന്നു..  എന്നാ ഫാസ്റ്റാ കാര്യങ്ങൾ.. പൊടിയും തട്ടി വീണ്ടും...ജോലിയിലേക്ക്‌...ഉറക്ക വിസയിൽ വന്നവർ പിന്നെന്തു ചെയ്യാൻ....


തുടരും.....
Related Posts with Thumbnails

On 4 അഭിപ്രായ(ങ്ങള്‍)
Bookmark and Share

മരുഭൂമിയിലെ ചില ദ്രശ്യങ്ങൾ.....


അബൂ ദാബി ഡെയ്സ്‌ ഒന്ന്, രണ്ട്‌, മൂന്ന്, നാല` , ഭാഗങ്ങൾ വായിക്കാൻ ക്ലിക്ക്‌ ചെയ്യുക..


ഒട്ടകങ്ങൾ വരി വരി വരിയായ്‌.....




മണൽ കൊട്ടാരം




നിങ്ങൾക്കെന്താ ഇവിടെ കാര്യം..+



മണൽ തിരമാലകൾ



അറ്റമില്ലാത്ത യാത്രകൾക്കായ്‌..



ഞങ്ങളിവിടുണ്ടേ...

Related Posts with Thumbnails

On 6 അഭിപ്രായ(ങ്ങള്‍)
Bookmark and Share

മദീനത്ത്‌ സായ്ദ്‌ ചിത്രങ്ങൾ


അബൂദാബി ഡെയ്സ്‌ ഒന്ന്, രണ്ട്‌, മൂന്ന്, നാല`.ഭാഗങ്ങൾക്കായി ക്ലിക്ക്‌ ചെയ്യുക



















Related Posts with Thumbnails

On 4 അഭിപ്രായ(ങ്ങള്‍)
Bookmark and Share

ലിവ ചില ചിത്രങ്ങൾ

അബൂദാബിയിലെ ലിവ ടൗണിൽ നിന്നും പരിസര പ്രദേശങ്ങളിൽ നിന്നുമുള്ള ചില കാഴ്ചകൾ..

അബൂദാബി ഡെയ്സ്‌ ഒന്ന്രണ്ട്‌, മൂന്ന്, നാല` ഭാഗങ്ങൾക്കായി ക്ലിക്ക്‌ ചെയ്യുക..









Related Posts with Thumbnails

On 2010, ഫെബ്രുവരി 13, ശനിയാഴ്‌ച 11 അഭിപ്രായ(ങ്ങള്‍)
Bookmark and Share

അബൂദാബി ഡെയ്സ്‌: മൂന്ന്

"അബൂദാബി ഡെയ്സ്‌" ഒന്ന്, രണ്ട്‌, ഭാഗങ്ങൾക്ക്‌  ക്ലിക്കുക



മസ്ക്കറ്റിലെ എയർ പോർട്ട്‌.......
,വാച്ചിൽ എവിടത്തെയോ ഒരു ആറു മണി എന്നെ നോക്കി പല്ലിളിക്കുന്നു..,പുറത്താണെങ്കിലോ ഉച്ചയെന്നു തോന്നിപ്പിക്കുമാറു നല്ല വെയിലും...സമയ രേഖയോടൊപ്പം ഞങ്ങളുടെ സമയ ബോധവും കൂടി ഭേദിച്ചാണല്ലോ ഞങ്ങളുടെ വിമാനം ഇവിടെ പറന്ന്‌ വന്ന്‌ ലാന്റ്‌ ചെയ്തിരിക്കുന്നത്‌...,

ലോബിയിലെ മരവിക്കുന്ന തണുപ്പത്തിരിക്കുമ്പോഴും പുറത്ത്‌ ആളിക്കത്തുന്ന വെയിലിന്റെ തീക്ഷണത എന്നിൽ അസ്വസ്ഥതകൾ  സ്രഷ്ടിക്കുന്നത്‌ പോലെ...

ഞങ്ങളുടെ സംഘത്തിലെ കുറച്ച്‌ മുഖങ്ങളെ ഇവിടെ നിന്നു പരിചയപ്പെട്ടു..,ഇപ്പോൾ എന്റെ ഇടത്തും വലത്തുമായി എട്ടോ പത്തോ പേർ കാണും,ഞങ്ങളെല്ലാവരും ഒരേ കമ്പനിയിൽ ഒരേ ജോലിക്ക്‌ വന്നവരാണ`..,ഇനിയുമുണ്ട്‌..,ബാക്കിയുള്ളവർ ഇവിടെ ക്കാണുന്ന ആൾക്കൂട്ടങ്ങൾക്കിടയിൽ എവിടെയെങ്കിലും കാണുമായിരിക്കും..,

"ദാ ഇപ്പ വരൂന്ന്‌"   പറഞ്ഞ ഫ്ലൈറ്റ്‌ രണ്ട്‌ മണിക്കൂറായിട്ടും കാണുന്നില്ല..,

എന്നാൽ പിന്നെ വെറുതെയിരിക്കേണ്ട എന്നു കരുതി വഴിയേ പോകുന്ന സകലതിനെയും (പ്രത്യേകിച്ച്‌ ലലനാമണികളെ..) സേൻസർ  (ഓരോ ഭാഗവും പ്രത്യേകം പ്രത്യേകം പരിശോധിച്ച്‌ ഗുണനിലവാരം ഉറപ്പ്‌ വരുത്തുന്ന പരിപാടിയേ...) ചെയ്തു കൊണ്ട്‌ ഞങ്ങളിരുന്നു..,

കൂട്ടത്തിൽ ചിലരുടെ നോട്ടം കണ്ടാൽ ആ നോട്ടം കൊണ്ട്‌ മാത്രം ലലനാമണികൾ ഗർഭിണിയായിപ്പോകുമോ.. എന്ന്‌ തോന്നിപ്പോകും..,

ഞാൻ അതിലൊന്നും ശ്രദ്ധിക്കാതെ.. (പെരും നുണ. വിശ്വസിക്കണേ...) എങ്ങാണ്ടെക്കെയോ നോക്കിയിരുന്നു..,

റൺ വേയിൽ വിമാനങ്ങൾ വന്നിറങ്ങുന്നതും പൊങ്ങുന്നതും ഇവിടിരുന്നാൽ യഥേഷ്ടം കാണാം...

ഒന്ന്‌ രണ്ട്‌ മണിക്കൂറുകൾ കൂടി കഴിഞ്ഞപ്പോൾ ഞങ്ങളെ കൊണ്ട്‌ പോകാമെന്നേറ്റയാൾ  (ഗൾഫ്‌ എയർ വിമാനമേ..) ഉടൻ എത്തിച്ചേരുന്നു എന്ന്‌ കിളിനാദം അശരീരിയായി മുഴങ്ങി..

ഞങ്ങൾ എണീറ്റു..കളിക്കാൻ വിട്ട കുട്ടികൾ നേരം വൈകി വീട്ടിലേക്ക്‌ വരുന്നത്‌ കണ്ട്‌ ഉമ്മറത്ത്‌ വടിയുമായി കാത്ത്‌ നിൽക്കുന്ന അച്ഛനെ പ്പോലെ ഞാൻ കാത്ത്‌ നിന്നു..

"പറഞ്ഞ നേരത്ത്‌ വന്നൂടേ..ഇങ്ങ്‌ വാ... നിനക്ക്‌ ഞാൻ വെച്ചിട്ടുണ്ട്‌.."എന്നഭാവത്തിൽ..

വിമാനം എത്തിച്ചേർന്നു..മേയാൻ വിട്ട പശു തിരിച്ച്‌ വരുമ്പോൾ ബക്കറ്റിൽ കാടിവെള്ളം വെച്ച്‌ കൊടുക്കുന്നത്‌ പോലെ വിചിത്രരൂപികളായ വാഹനങ്ങൾ എങ്ങു നിന്നൊക്കെയോ ഓടി വന്ന്‌ അതിന്റെ മുന്നിലും പിന്നിലും സൈഡിലും ഒക്കെയായി എന്തൊക്കെയോ കുണ്ടാമണ്ടികൾ കൊണ്ട്‌ വെച്ചു..(ഗോവണിയോ...ലഗേജ്‌ കാരിയറോ..?ആ ...എനിക്കറിയമ്പാടില്ല..)

ഏതാനും മിനുട്ടുകൾ കഴിഞ്ഞപ്പോൾ ഞങ്ങളെ ക്ഷണിക്കാനായി (കല്ല്യാണത്തിനല്ല..) കോട്ടും സ്യൂട്ടുമിട്ട ഒരു മാന്യൻ അവതരിച്ചു..,

അയാൾ പറഞ്ഞതനുസരിച്ച്‌ ഒരു ഗൈറ്റിലൂടെ കടന്ന്‌ ഞങ്ങൾ താഴേക്കിറങ്ങി..

ഞങ്ങളെക്കാത്ത്‌ ഒരു ലോ ഫ്ലോർ ബസ്സ്‌ , അതിൽക്കയറി വിമാനത്തിനടുത്തേക്ക്‌..,

മാലോകരേ കണ്ടൊളൂ.. അങ്ങനെ ഞാൻ രണ്ടാമതും വിമാനയാത്ര ചെയ്യാൻ പോകുന്നു..,ഷർട്ടിന്റെ കോളർ ഇത്തിരി പൊക്കി വെച്ച്‌..അഭിമാനത്തോടെ..(അതോ അഹങ്കാരമോ..?) ഉറക്കെ വിളിച്ച്‌ പറഞ്ഞാലോ എന്ന്‌ എനിക്ക്‌ തോന്നി..,

ആഹ്ലാദത്തോടേ അകത്തേക്ക്‌..,

അകത്ത്‌ കയറിയപ്പോയല്ലേ.... പുകില`

ഇപ്രാവശ്യം ഗൾഫ്‌ എയർ ദേവത എന്നെ ശരിക്കും കൈയ്യൊഴിഞ്ഞു...

എനിക്കു ജാലകത്തിനരുകിലല്ല സീറ്റ്‌...റഷീദിനും വേറെങ്ങാണ്ടോ ആണു സീറ്റ്‌ .., കുഴഞ്ഞല്ലോ ദൈവമേ...

ഞങ്ങളുടെ കൂട്ടത്തിലെ ചിലർക്ക്‌ ജാലകത്തിനടുത്ത്‌ സീറ്റ്‌ കിട്ടിയിട്ടുണ്ട്‌..അതിലൊരുത്തനോട്‌ ഞാൻ ചോദിച്ച്‌ ഞാനവിടെയിരിക്കട്ടേന്ന്‌..!

ങേ...ഹെ, അവൻ തല റൈറ്റേ..ലെഫ്റ്റേ...എന്ന്‌ തിരിച്ചു.,ഒരു തൊപ്പിക്കുട നിറയെ സ്വർണ്ണം തന്നാലും ഞാനിതു വിട്ടു തരില്ല എന്ന ഭാവത്തിൽ..,

ഞാൻ വാലു മടക്കി...തിരിച്ച്‌ എന്റെ സീറ്റിൽ തന്നെ വന്നിരുന്നു..,

ജാലകത്തിനടുത്തിരിക്കുന്നവർ പുറത്തേക്ക്‌ വിരൽ ചൂണ്ടി.."ദേ അങ്ങട്‌ നോക്കടാ..ഇങ്ങട്‌ നോക്കടാ..." എന്നൊക്കെ പറഞ്ഞ വള  വളാന്ന്‌  ചിരിക്കുന്ന്‌..,

എനിക്കത്‌ കണ്ടിട്ട്‌ സഹിക്കുന്നില്ലെങ്കിലും "നമ്മളിതെത്ര കണ്ടിരിക്കുന്നു..അവർ പയ്യൻസ്‌..ആദ്യമായി കാണുകയല്ലേ..." എന്ന ഭാവത്തിൽ ഗൗരവം നടിച്ച്‌ ഇരുന്നു.., (അല്ലേലും തോണി മറിഞ്ഞാൽ പിന്നെ പുറമാണല്ലോ നല്ലത്‌..)

എന്റെ ഇടത്‌ വശത്തെ സീറ്റിൽ ഒരു മാന്യൻ ഇരിക്കുന്നുണ്ട്‌..ഞാൻ ഭയങ്കര ഗൗരവത്തിലാണ`..എന്നെ ആരും ശല്യപ്പെടുത്തരുത്‌ എന്ന്‌ ആ മുഖത്ത്‌ എഴുതി വെച്ചിട്ടുണ്ടോ എന്ന്‌ തോന്നിപ്പോകും..,ആൾ എങ്ങാണ്ടൊ ഒരു മല മറിക്കാൻ പോകുകയായിരിക്കും...ഞാൻ ശല്യപ്പെടുത്താൻ പോയില്ല..(അപൂർവ്വമായേ അങ്ങനെ സംഭവിക്കാറിള്ളൂ....)

എനിക്കു ഇരിക്കപ്പൊറുതി കിട്ടുന്നില്ല...

ഛേയ്‌ ...ഇതൊരു ചടപ്പ്‌ കേസായിപ്പോയി..യാത്രയിലാദ്യമായി ഒറ്റപ്പെടലിന്റെ സുഖം ഞാനറിഞ്ഞു..,

അങ്ങനെ ഓരോന്ന്‌ ചിന്തിച്ചിരിക്കവെ...

ദെ വരുന്നു ഒരു താടക..,ഇടവഴിയിലൂടെ കയ്യിൽ ബോർഡിംഗ്‌ പാസ്സും പിടിച്ച്‌ ഒരു കൂതറ സാധനം...,വലിയ വട്ടത്തിലുള്ള സൺഗ്ലാസ്സും മുടി മോളിലോട്ട്‌ ഉയർത്തിക്കെട്ടി അതിനു മുകളിലൂടെ ടാർ പായ വിരിച്ചതു പോലെ ഒരു തട്ടവും ചുറ്റി, ഒരു ബ്രോയിലർ  മാംസപിണ്ടം.. നാട്ടിലെ ഇടവഴിയിലൂടെ വൈക്കോൽ കയറ്റിയ അശോക്‌ ലൈലാന്റ്‌ ലോറി ഞെങ്ങി ഞെരുങ്ങി കടന്ന്‌ വരുന്നതാണു പെട്ടെന്നെനിക്കോർമ്മ വന്നത്‌.

തോട്ടിലെ ഇത്തിരി വെള്ളത്തിലൂടെ ശവം ഒലിച്ച്‌ വരുന്നത്‌ പോലെ അവിടേയൊന്ന്‌ തട്ടി ..ഇവിടെയൊന്ന്‌ നിന്ന്‌ അതങ്ങനെ ഉരുണ്ടുരുണ്ട്‌ വന്ന്‌ എന്റെ സീറ്റിനടുത്ത്‌ നിന്നു..ദൈവമേ.........അല്ലെങ്കിലേ ഇടി വെട്ടേറ്റിരിക്കുകയാണു ഞാൻ അതിനിടയിൽ പാമ്പും കൂടി..............,എന്റെ വലത്‌ വശത്താണെങ്കിൽ ഒരു സീറ്റ്‌ കാലിയുമുണ്ട്‌..,അവിടെങ്ങാനും ഇരിക്കുമോ......? ഇരിക്കല്ലേന്ന്‌ ഞാൻ ആത്മാർത്ഥമായി പ്രാർത്ഥിച്ചു..,എന്റെ ആത്മാർത്ഥത ഇത്തിരികൂടിപ്പോയത്‌ കൊണ്ടോ...എന്തോ...?

എന്റെ പ്രാർത്ഥന ദൈവം കേട്ടു..,അവർ കയ്യിലിരുന്ന ബോർഡിംഗ്‌ പാസ്സിലേക്കും സീറ്റ്‌ നമ്പറിലേക്കും മാറി മാറി നോക്കി എന്റെ വലത്‌ വശത്തെ സീറ്റിലേക്ക്‌ പഴഞ്ചക്ക കൂനിടിഞ്ഞ്‌ വീഴുന്നത്‌ പോലെ ഒറ്റയിരുപ്പ്‌,  ഹൗ......ഫ്ലൈറ്റ്‌ ഒന്നുലഞ്ഞുവോ,,?

അവർ കയ്യിലിരുന്ന ബാഗെടുത്ത്‌ മടയിൽ.......ഛേ...മടിയിൽ വെച്ചു..,

.ഞാൻ മുഖം നേരെ പിടിച്ച്‌ ഒറ്റയിരുപ്പങ്ങ്‌ ഇരുന്നു.ഇതിലും മേലെ ഇനിയെന്ത്‌ സംഭവിക്കാൻ....ചെകുത്താനും കടലിനും നടുവിൽ എന്ന്‌ പറഞ്ഞ്‌ കേട്ടിട്ടേയുള്ളൂ....

മുഖം തിരിക്കാതെ തന്നെ ഞാൻ അവരെ ഇടക്കിടക്ക്‌ നോക്കിക്കൊണ്ടിരുന്നു..,തെറ്റിദ്ധരിക്കരുത്‌.,വേറൊന്നിനുമല്ല..,അവരെങ്ങാനും അറിയാതെ എന്റെ മേലോട്ട്‌ ചരിയുകയോ..ചായുകയോ..ചെയ്താൽ ലോറിക്കടിയിൽ പെട്ട തവളയെപ്പോലാകും ഞാൻ...അതു കൊണ്ട്‌ ഒരു മുൻ കരുതൽ..സൂക്ഷിച്ചാൽ ദുഃഖിക്കേണ്ടാന്ന്‌ മഹാ കവി കലാഭവൻ മണി ഏതോ ഒരു ആൽബത്തിൽ പാടിയിട്ടുണ്ടല്ലോ..

(ഈ യാത്രക്ക്‌ ശേഷം എന്റെ കണ്ണുകൾ ഇത്തിരി വലത്തോട്ട്‌ ചരിഞ്ഞ്‌ ഒരു കോങ്കണ്ണ` സ്റ്റൈൽ രൂപപ്പെട്ടോ എന്ന്‌ തോന്നാതിരുന്നിട്ടില്ല..)

അങ്ങനെ ഞങ്ങളെയും വയറ്റിനകത്താക്കി ഗൾഫ്‌ എയറിന്റെ ഗരുഡ കേസരി പറന്നുയരാൻ പോകുകയാണ`..

നേരത്തേതിനേക്കാളും കുറച്ച്‌ കൂടി ഭംഗിയുള്ള യക്ഷികൾ (എയർ ഹോസ്റ്റ്സേ..) സേഫ്റ്റി ഡമോൻഷ്ട്രേഷൻ അവതരിപ്പിക്കുന്നു..,അഞ്ചു വയസ്സുള്ള ഒരു കുട്ടിയുടെ ജാക്കറ്റ്‌, ഒന്ന്‌ രണ്ടു പൈപ്പുകൾ,കവറുകൾ...എന്നിവ ഉയർത്തിക്കാണിച്ച്‌ എന്തൊക്കെയോ കാണിക്കുന്നു..(സേഫ്റ്റിക്ക്‌ ഈ കുണ്ടാമണ്ടികൾ മതിയാകും എന്ന് എനിക്ക്‌ തോന്നുന്നില്ല )

പോകുന്ന വഴിക്ക്‌ വല്ല അപകടവും പറ്റുകയാണെങ്കിൽ വീട്ടുകാർക്ക്‌ നെഞ്ചത്തടി,കൂട്ടക്കരച്ചിൽ,അന്ത്യകർമ്മങ്ങൾ...നാട്ടുകാർക്ക്‌ പൊതു ദർശനം,വട്ടം കൂടി കുശു കുശുക്കൽ..എന്നീ കലാപരിപാടികൾ അവതരിപ്പിക്കാൻ ശവമെങ്കിലും സുരക്ഷിതമായി താഴെയെത്തിക്കേണ്ട രൂപമാണവർ വിശദീകരിക്കുന്നത്‌.,

,മജീഷ്യൻ മുതുകാടിന്റെ മാജിക്‌ അക്കാദമിയിൽ എയർ ഹോസ്റ്റസ്‌ പരിശീലനവും ആരംഭിച്ചോ..? ...കണ്ടാൽ മുതുകാടിന്റെ ശിഷ്യന്മാരാണോന്ന്‌ തോന്നിപ്പോകും...,

ഗരുഡ കേസരി ചലിച്ച്‌ തുടങ്ങി..,

മുന്നോട്ട്‌ നീങ്ങിത്തുടങ്ങിയ കേസരി ഒന്ന്‌ വട്ടം ചുറ്റി വന്ന്‌ വീണ്ടും നിന്നു...എന്തു പറ്റി..?

എണ്ണ തീർന്നു പോയോ..?

എയർ യക്ഷികൾ ഓടി നടന്ന്‌ തലക്ക്‌ മുകളിലുള്ള കാബിനുകൾ വലിച്ച്‌ തുറന്ന്‌ അവിടുന്ന്‌ ഇങ്ങോട്ടും ഇവിടുന്ന്‌ അങ്ങോട്ടും എന്ന രീതിയിൽ ബാഗേജുകൾ മാറ്റിക്കൊണ്ടിരുന്നു..,ഇതെന്താ ബാഗേജ്‌ മാറ്റിക്കളിയോ....പല വിധ കളികൾ ഒരു പാട്‌ കണ്ടിട്ടുണ്ട്‌..ഇതൊരു പുതിയ തരം കളിയാണല്ലോ..

പത്തിരുപത്‌ മിനുട്ട്‌ കഴിഞ്ഞിട്ടും വിമാനം പോകുന്നില്ല..

എന്തേ ...പെട്രോൾ വാങ്ങാൻ കാനുമായി പോയ ആൾ ഇതുവരെ വന്നില്ലേ..?

ഇനി അഥവാ ഡ്രൈവർക്ക്‌ വല്ല മുഷിവും...അങ്ങെനെയെങ്കിൽ പേടിക്കേണ്ട..ഞാനിവിടില്ലേ... ഞാനോടിച്ചോളാം...എനിക്കാണെങ്കിൽ നാട്ടിൽ ഓട്ടോയോടിച്ച്‌ നല്ല പരിചയമല്ലേ....

അൽപസമയം കൂടി കഴിഞ്ഞ്‌ കാണും ,ഗരുഡകേസരിക്ക്‌ പറന്നുയരാനുള്ള നിർദ്ദേശം കണ്ട്രോൾ റൂമിൽ നിന്നും കിട്ടിക്കാണണം..,അതു നിലത്ത്‌ കൂടെ ഒന്ന്‌ ഓടി ചിറക്‌ വിരിച്ച്‌ ഉയരത്തിലേക്ക്‌ കുത്തനെ ഉയർന്നു..,



അണ്ടിയല്ല അണ്ടിത്തോട്ടം തന്നെ കളഞ്ഞ്‌ പോയ അണ്ണാനെ പ്പോലെ ഞാനിരുന്നു..

കഴിഞ്ഞ യാത്രയിൽ എന്തായിരുന്നു പുകിൽ..,ഇതിപ്പോ മരണവീട്ടിൽ ചെന്നിരിക്കുന്നത്‌ പോലെയായി..,

ഇടക്ക്‌ ഭക്ഷണങ്ങൾ വരുന്നുണ്ട്‌...ടി.വി.യിൽ നല്ല സിനിമ (?) ഓടിക്കൊണ്ടിരിക്കുന്നു..,എനിക്കൊന്നിലും ഒരു രസവും തോന്നിയില്ല..,എന്തു സൗകര്യമുണ്ടായിട്ടെന്താ..അതു ഉപയോഗിക്കുന്ന സാഹചര്യം കൂടി അനുകൂലമായെങ്കിലല്ലേ.....അത്‌ ആസ്വാദ്യകരമാക്കാൻ പറ്റൂ... (ശരിയല്ലേന്ന്..)

എന്റെ വലത്‌ വശത്തിരിക്കുന്ന മഹതി എപ്പോഴോ ഉറക്കത്തിലേക്ക്‌ ഊളിയിട്ടിരുന്നു..,അവരുടെ ശരീരപ്രകൃതി വെച്ച്‌ ആ  ഊളിയിടൽ  അങ്ങ്‌ ആഴത്തട്ടിൽ ചെന്ന്‌ തിരിച്ച്‌ വന്ന്‌ ഉണരുമ്പോഴേക്കും ക്ലോക്കിലെ സൂചി നിന്നിടത്ത്‌ നിന്ന്‌ മൂന്ന്‌ വട്ടം കറങ്ങി ത്തിരിച്ച്‌ വന്നിട്ടുണ്ടാകും

.ഊളിയിടുന്നതൊക്കെ കൊള്ളാം...ഒരു ഡൈവ്‌ ഇതു വഴിയെങ്ങാൻ വന്നാൽ എന്റെ കാര്യം കട്ടപ്പൊക.....!  ഞാൻ ജാഗ്രതയോടെയിരുന്നു.,

.അല്ലാ...ഞാനെന്തിനവരെ കളിയാക്കണം.(എനിക്ക്‌ ഇത്തിരി കൂടുന്നുണ്ട്‌..).ദൈവം ഓരോരുത്തർക്ക്‌ ഓരോരോ ശരീര പ്രകൃതി നൽകിയിരിക്കുന്നു..,ചിലർക്കുള്ളത്‌ ചിലർക്കുണ്ടാകില്ല..അവർക്കുള്ളത്‌ മറ്റു ചിലർക്കുണ്ടാകില്ല....എല്ലാം തികഞ്ഞവരായി ലോകത്താരുണ്ട്‌..

ഇടത്‌ വശത്തിരിക്കുന്ന മാന്യനാണെങ്കിൽ തനിക്ക്‌ ചുറ്റിലും ഇടിഞ്ഞു വീഴുകയാണെങ്കിൽ തന്നെ എനിക്കൊരു ചുക്കുമില്ല.. എന്ന മട്ടിൽ മുഖം കനപ്പിച്ചു പിടിച്ചിരിക്കുന്നു..ഇങ്ങോർക്കൊന്ന്‌ വാ തുറന്നാലെന്താ.. മുത്തുകൾ പൊഴിഞ്ഞ്‌ വീണു പോകുമോ....?

എന്ത്‌ ചെയ്യാം...

ഒരു ദീർഘനിശ്വാസം വിട്ട്‌ ഞാൻ ഹെഡ്‌ സേറ്റ്‌ ഫിറ്റ്‌ ചെയ്തു..ട്യൂൺ ചെയ്ത്‌ ഏതൊക്കെയോ ഭാഷകളിലുള്ള എന്തൊക്കെയോ ബഹളങ്ങൾ (പാട്ട്‌ എന്ന്‌ പറയാൻ ഒരു വിഷമം.)കേട്ട്‌ കൊണ്ട്‌ ഇരുന്നു..

അതു മുഴുവനായിട്ട്‌ കേട്ട്‌ കൊണ്ടിരുന്നാൽ ഒരു പക്ഷേ ക്ഷമക്കുള്ള ദേശീയ അവാർഡ്‌ എനിക്ക്‌ കിട്ടിയേക്കും..എനിക്ക്‌ അവാർഡിൽ താൽപര്യമില്ലാത്തത്‌ കൊണ്ട്‌ ഞാനത്‌ ഓഫ്‌ ചെയ്തു..,

എന്തൊക്കെയോ ചിന്തിച്ച്‌ ഞാനങ്ങനെ ഇരുന്നു...

സമയം ആരെയും കാത്തു നിൽക്കാതങ്ങനെ കടന്ന്‌ പോയ്ക്കൊണ്ടിരുന്നു...ഒപ്പം ഏതൊക്കെയോ പ്രദേശങ്ങൾ കടന്ന്‌ ഞങ്ങളുടെ വിമാനവും..,

രാത്രി ഏറെ വൈകിക്കാണും.. ഞങ്ങളുടെ വിമാനം അബൂദാബിയിലെ റൺ വേയിൽ ചിറക്‌ പരത്തി പറന്നിറങ്ങി...ഉറക്കച്ചടവോടെ തട്ടിപ്പിടഞ്ഞെഴുന്നേറ്റ്‌ എല്ലാവരും പുറത്തേക്ക്‌..,



ഒരു ഭീമാകരനായ ഞണ്ടിന്റെ ആകൃതിയിലാണു അബൂദാബി എയർപ്പോർട്ട്‌ ടെർമിനലിന്റെ കിടപ്പ്‌..,അതിന്റെ ഓരോ കാലുകൾക്ക്‌ സമീപവും വിമാനങ്ങൾ ചേർന്നു കിടക്കുന്നു..,ആ കാലുകളിലൂടെയാണു യാത്രക്കാർ അകത്തോട്ട്‌ കയറുന്നതും ഇറങ്ങുന്നതും...(ഗോവണിയും താങ്ങിപ്പിടിച്ച്‌ ഓടി വരുന്ന വാഹനങ്ങളെ പ്രതീക്ഷിക്കേണ്ടാ...എന്നർത്ഥം.)

അങ്ങനെ ഒരു കാലിലൂടെ ഞങ്ങൾ വിശാലമായ ലോബിയിലേക്ക്‌..,

ഞാനൊന്ന്‌ കണ്ണു തിരുമ്മി നോക്കി..ഫ്ലൈറ്റ്‌ വഴി തെറ്റി പാരീസിലെ ഡിസ്നി ലാന്റിലാണോ ഇറങ്ങിയത്‌...അത്രക്ക്‌ മനോഹരമായ ലോബി...




അതങ്ങനെ രണ്ട്‌ നിലകളിലായി പരന്ന്‌ കിടക്കുകാണ`...നിരനിരയായി ഡ്യൂട്ടി ഫ്രീ ഷോപ്പുകൾ.എനിക്കവിടെയൊക്കെ ചുറ്റിക്കറങ്ങിയാൽ കൊള്ളാമെന്നുണ്ട്‌..,പക്ഷേ അതിനു പറ്റിയ സമയമല്ല..ഞങ്ങളെയും കാത്ത്‌ കമ്പനിയുടെ ആളുകൾ പുറത്ത്‌ കാത്തു നിൽക്കുന്നുണ്ടാകും..,എത്രയും പെട്ടെന്ന്‌ പുറത്ത്‌ കടക്കണം..,കൂട്ടത്തിൽ പലരും ഉറക്കം തൂങ്ങിത്തുടങ്ങി..,എമിഗ്രേഷൻ പരിശോധനയും കണ്ണിന്റെ അകത്തളങ്ങളുടെ ഫോട്ടോയെടുപ്പ്‌ കലാപരിപാടികളും  (വിരലടയാളത്തിനു പകരം കണ്ണിന്റെ റെറ്റിനയുടെ ഫോട്ടോയാണു ഇവിടെ തിരിച്ചറിയാൻ വേണ്ടീ കമ്പൂട്ടറിൽ ഫീഡ്‌ ചെയ്യുന്നത്‌,,)  കഴിഞ്ഞപ്പോഴേക്കും എല്ലാവരും നന്നെ ക്ഷീണിച്ചവശരായിരുന്നു.., ഞങ്ങളുടെ അംഗ സംഖ്യ ഇപ്പോൾ ഏകദേശം നാൽപതായിട്ടുണ്ടാവും..,

അങ്ങനെ ഞങ്ങളിതാ പൊന്ന്‌ വിളയുന്ന ,ഈന്തപ്പനകൾ വളരുന്ന ,തലയിൽ കറുത്ത വട്ട്‌ ചുറ്റിയ മാലാഖമാർ വസിക്കുന്ന ഗൾഫി ലെത്തിയിരിക്കുന്നു.. അങ്ങനെ ഞാനും ഒരു ഗൾഫ്‌ കാരനായിരിക്കുന്നു..,(ഫൂ..ഗൾപ്പേ..)

 ഇനിയങ്ങോട്ട്‌‌  എനിക്ക്‌ തിരിഞ്ഞ്‌ നോക്കേണ്ടി വരില്ല, കയ്യിൽ ഇഷ്ടം പോലെ പണം, കൊട്ടാരസദ്രശ്യമായ വീട്‌, കാറുകൾ,...എന്നിങ്ങനെ ഓരോരോ സ്വപ്നങ്ങളിൽ എല്ലാവരെയും പോലെ ഞാനും മുഴുകി..,(അതിനു പ്രത്യേക ലൈസൻസെടുക്കുകയോ ടാക്സ്‌ അടക്കുകയോ വേണ്ടല്ലോ..?)

വിശാലമായ ഹാളിലൂടെ പുറത്തേക്ക്‌,

പുറത്തിറങ്ങിയതേ..ഓർമയുള്ളൂ...തിരിച്ച്‌ അകത്തോട്ട്‌ തന്നെ ഓടിപ്പോയാലോന്ന്‌ തോന്നിപ്പോയി..എന്റെമ്മോ...എന്തൊരു ചൂട്‌., ബേക്കറിക്കടയിൽ അടുപ്പത്തിരിക്കുന്നത്‌ പോലെ...ഹൗ,

അധിക സമയം പുറത്ത്‌ നിന്നാൽ ആവിയിൽ പഴം പഴുങ്ങിയത്‌ പോലാകും. ഇങ്ങനെയാണെങ്കിൽ എനിക്ക്‌ കൊട്ടാരവും വേണ്ട..കാറും വേണ്ട...എന്നെ തിരിച്ച്‌ നാട്ടിലേക്ക്‌ കയറ്റിവിട്ടാൽ മതി എന്നു പറഞ്ഞാലോന്ന്‌  തോന്നിപ്പോയി..,(ആ ചൂടിന്റെ ശക്തിയിൽ എന്റെ സ്വപ്നങ്ങൾ പോലും കരിഞ്ഞു പോയീന്നർത്ഥം..)

അതു നടപ്പില്ലെന്നെനിക്കറിയാം..

നാടൊട്ടുക്ക്‌ പരസ്യം ചെയ്ത്‌ ആളെക്കൂട്ടി. .ഇന്റർവ്വ്യൂ  മാമാങ്കം നടത്തി ....കാശ്‌ മുടക്കി..ഞങ്ങളെയെല്ലാവരെയും ഇങ്ങോട്ട്‌ കെട്ടിയെടുത്ത്‌ കൊണ്ട്‌ വന്ന ക്ഷീണം തീരുന്നതിനു മുമ്പ്‌ എനിക്ക്‌ തിരിച്ച്‌ പോകണം എന്ന്‌ പറഞ്ഞങ്ങോട്ട്‌ ചെന്നാൽ....എത്ര വലിയ ഗാന്ധിയൻ ആദർശമുള്ള മുതലാളിയാണെങ്കിൽ പോലും കരണക്കുറ്റിക്കൊന്ന്‌ വലിച്ച്‌ പൊട്ടിക്കും...

ഞങ്ങളുടേ കമ്പനിയാണേങ്കിൽ ഒരു ലേബർ സപ്ലൈ കമ്പനി, അതും ഒരു ലബനീസ്‌ കമ്പനി...ലബനാനിലൊന്നും ഗാന്ധിയൻ ആദർശങ്ങൾക്ക്‌ അത്ര പ്രചാരമുണ്ടായിക്കൊള്ളണമെന്നില്ല....അതിനാൽ മിണ്ടാതിരിക്കുന്നതാണു ആര്യോഗ്യത്തിനു നല്ലത്‌.,

എന്റെ അബൂദാബി വാസം ഇവിടെ ആരംഭിക്കുകയാണ`..

ഞങ്ങളെയും വഹിച്ച്‌ കമ്പനിയുടെ ബസ്സ്‌ ചീറിപ്പായുകയാണ`..പുറത്ത്‌ നല്ല ഇരുട്ടായത്‌ കൊണ്ട്‌ ഒന്നു വ്യക്തമല്ല..(വെളിച്ചമുണ്ടായിരുന്നെങ്കിൽ സ്ഥലങ്ങളൊക്കെ നിനക്കറിയുമായിരുന്നോ എന്ന്‌ ചോദിക്കരുത്‌..)

ഒരു പാട്‌ യാത്ര ചെയ്തു കാണും.പന്തീരായിരം മീറ്റർ ഓടി വന്ന അത്‌ലറ്റ്‌ ഫിനിഷിംഗ്‌ ലൈനും കടന്ന്‌ കിതച്ച്‌ കിതച്ച്‌ നിക്കുന്നത്‌ പോലെ ബസ്സ്‌ ഒരിടത്ത്‌ നിന്നു ..

കണ്ണിനെ മൂടാൻ തക്കം പാർത്തിരിക്കുന്ന ഉറക്ക ദേവതയോട്‌ പോയിട്ട്‌ പിന്നെ വരാൻ പറഞ്ഞ്‌ ഞങ്ങൾ ഓരോരുത്തരായി പുറത്തേക്കിറങ്ങി..,

നിര നിരയായി ഒരു പാട്‌ റൂമുകൾ..,അവിടവിടെയായി മങ്ങിയ നിറത്തിൽ ലൈറ്റുകൾ മിന്നുന്നു..,രാത്രി ഏറെ വൈകിയതു കൊണ്ടാവും ..പുറത്തൊന്നും ആരെയും കാണുന്നില്ല..,പ്രണയിനി നടന്ന്‌ പോകുന്നത്‌ കണ്ട കൂട്ടിലെ പശു കരയുന്നത്‌ പോലെ ബസ്സ്‌ മൂന്ന്‌ നാലു പ്രാവശ്യം ഹോണടിച്ച്‌ തേങ്ങിക്കരഞ്ഞപ്പോൾ  റൂമുകൾക്കിടയിൽ  നിന്നും ഒരു അവതാരം പിറവിയെടുത്തു..,മുറിക്കയ്യൻ ബനിയനും നരച്ച പാന്റുമുടുത്ത ഒരു ആജാനു ബാഹു..

പിൽക്കാലത്ത്‌ ഞങ്ങൾ ചാച്ചാ എന്ന്‌ വിളിപ്പേരു ചാർത്തിക്കൊടുത്ത പാകിസ്താൻ സ്വദേശി..,

ഞങ്ങളോടൊപ്പമുണ്ടായിരുന്ന കമ്പനി പ്രതിനിധി അയാളോട്‌ എന്തൊക്കെയോ പറഞ്ഞു..,അയാൾ ഞങ്ങളെ ആനയിച്ച്‌ കൊണ്ട്‌ പോയി മുറികൾ കാണിച്ച്‌ തന്നു..,

നല്ല ഭംഗിയുള്ള മുറികൾ. പക്ഷേ എല്ലാം റെഡിമെയ്ഡ്‌ ആണ`..,

തറയില്ലാതെ നാലു ഭാഗത്തും രണ്ടോ മൂന്നോ കല്ലുകൾ വെച്ച്‌ അതിന്മേൽ ആണു ഓരോ മുറികളും കയറ്റിവെച്ചിരിക്കുന്നത്‌.., ഓരോ റൂമിലും ആറൂ പേർക്കായിട്ടണൂ സൗകര്യങ്ങൾ ഒരുക്കിയിരിക്കുന്നത്‌..,

ഞങ്ങൾ ആറു പേർ ഒരു മുറിയിൽ കയറി..,കണ്ണൂർ സ്വദേശിയും എന്റെ സന്തത്ത സഹചാരിയുമായിരുന്ന റഷീദ്‌,ബാക്കിയുള്ളവർ മംഗലാപുരം ബന്തർ സ്വദേശികളാണ`,..ഇർഫാൻ, റഫീക്ക്‌,ഉസ്മാൻ ബാഷ, മോയ്തീൻ,.എന്നിങ്ങനെ..,

(പരിചയപ്പെട്ടത്‌ പിറ്റേന്നാണു കെട്ടോ..)

ഈ റൂം പുതുതായി ഫിറ്റ്‌ ചെയ്തിട്ടേയുള്ളൂ..ബൾബ്‌ ഇട്ടിട്ടില്ല.., പോരാത്തതിനു റൂമിൽ കട്ടിലും സജ്ജീകരിച്ചിട്ടില്ല..

ഇരുട്ടത്ത്‌ തപ്പിത്തടഞ്ഞ്‌ ബാഗുകൾ ഒരു മൂലയിൽ വെച്ചു.., പാകിസ്ഥാനി കൊണ്ട്‌ തന്ന (ഇങ്ങേരാണു ഞങ്ങളുടെ സൂപ്പർ വൈസർ)  ബെഡ്ഡുകൾ നിലത്ത്‌ മൊത്തമായി അങ്ങ്‌ വിരിച്ചിട്ട്‌ ആറു ശരീരങ്ങൾ ആയിരം പ്രതീക്ഷകളും വേറൊരു ആയിരം സ്വപ്നങ്ങളും (മൊത്തം രണ്ടായിരം. ഇന്നത്ര മതി.) കണ്ട്‌ അതിലേക്ക്‌ ചാഞ്ഞു...

തുടരും..
Related Posts with Thumbnails

On 2010, ഫെബ്രുവരി 10, ബുധനാഴ്‌ച 13 അഭിപ്രായ(ങ്ങള്‍)
Bookmark and Share

അബൂദാബി ഡെയ്സ്‌:രണ്ട്‌

ഓരോ യാത്രയും ഓരോ അനുഭവങ്ങളാണു നമുക്ക്‌ സമ്മാനിക്കുന്നത്‌  .,അതു ഓട്ടോറിക്ഷയിലായാലും ബസ്സിലായാലും ട്രയിനിലായാലും....ആദ്യമായി വിമാനം കയറുന്ന ഒരാളുടെ കാര്യം പിന്നെ പറയണോ..?


"ആദ്യരാത്രി "ഓർമകളെപ്പോലെ എന്നും കൂട്ടിനുണ്ടാകും അത്തരം അനുഭവങ്ങൾ അല്ലേ...



അങ്ങനെ ഞങ്ങളെയും വഹിച്ച്‌ കൊണ്ടുള്ള ഗൾഫ്‌ എയറിന്റെ കൂറ്റൻ വിമാനം നെടുമ്പാശ്ശേരി എയർ പോർട്ടിൽ നിന്നും പറന്നുയർന്നു..

പതിനാറുകാരിയുടെ മാറു പോലെ പച്ച പുതച്ച്‌ ഉയർന്ന് നിൽക്കുന്ന മലനിരകളും,  അവക്കിടയിലൂടെ വെള്ളിയരഞ്ഞാണം കെട്ടിയ പോലെ നദികളും , കൊച്ച്‌ കുഞ്ഞ്‌ സ്ലേറ്റിൽ കുത്തിക്കുറിച്ച പോലെ തലങ്ങനെയും വിലങ്ങനെയും കിടക്കുന്ന റോഡുകളും , അവക്കിടയിൽ ചിതറിക്കിടക്കുന്ന കെട്ടിടങ്ങളും .....

എല്ലാം ഭൂമിയിടിഞ്ഞ്‌ പോകുന്നത്‌ പോലെ താഴേക്ക്‌ പതിച്ച്‌ അകന്നകന്ന് പോകുന്നു.

ചില്ലുജാലകത്തിലൂടെ ഞാൻ ഇമവെട്ടാതെ നോക്കി നിന്നു....,

എത്ര നയനാനന്ദകരമായ കാഴ്ച്ചകൾ..

നിമിഷ നേരങ്ങൾ കൊണ്ട്‌ എന്റെ കണ്ണുകൾ ഒരായിരം ഫോട്ടോകളെടുത്ത്‌ പ്രിന്റെടുത്ത്‌ ഫ്രേയിം ചെയ്ത്‌ മനസ്സിന്റെ അറക്കുള്ളിൽ എങ്ങാണ്ടോ ഭദ്രമായി വെച്ചു പൂട്ടി..

കാഴ്ചകൾ താഴ്‌ന്ന് താഴ്‌ന്ന് പോയി ഒടുക്കം മേഘപടലങ്ങൾക്കിടയിലെവിടെയോ ആവിയായി മറഞ്ഞു..,ഇപ്പോൾ എങ്ങും തൂവെള്ള പഞ്ഞിക്കെട്ടുകൾ പോലെ മേഘങ്ങൾ മാത്രം..അവയ്ക്ക്‌ ഷേക്ക്‌ ഹാൻഡ്‌ കൊടുത്ത്‌ മുട്ടിയുരുമ്മി ഇടക്ക്‌ തള്ളി മാറ്റി ഞങ്ങളുടെ വിമാനം കുതിക്കുകയാണ`...,ഒമാന്റെ തലസ്ഥാനമായ മസ്കറ്റിലേക്കാണാ യാത്ര.(കണക്ഷൻ ഫ്ലൈറ്റാ..ചുമ്മാ അവിടൊന്നിറങ്ങി കയറിപ്പോകാമന്നേ...)




ഫ്ലൈറ്റിൽ അങ്ങോട്ടും ഇങ്ങോട്ടും എയർ ഹോസ്റ്റസുമാർ ഓടി നടക്കുന്നു..,(നാട്ടിലാണെങ്കിൽ ഹോസ്പിറ്റലിലെ പ്രസവ റൂമിനു പരിസരത്തൂടെ ഇതു പോലെയുള്ള രൂപങ്ങൾ ഓടിനടക്കുന്നത്‌ കാണാം..) അവരുടെ ജോലിയിലുള്ള ആത്മാർത്ഥതയും സ്നേഹസമ്പൂർണ്ണമായ പെരുമാറ്റവും പ്രശം സനീയം തന്നെ..

എന്തു സഹിക്കാം

അവരുടെ മുഖത്ത്‌ വാരിത്തേച്ച അര ടിൻ പൗഡറും ക്രീമും , ചുണ്ടിൽ തേച്ച ചുവന്ന പെയിന്റും മേലാകെ പൂശിയ നാലഞ്ച്‌ ഫ്ലേവർ സുഗന്ധദ്രവ്യങ്ങളും എല്ലാം കൂടി ചേരുമ്പോൾ ഉണ്ടാകുന്ന ഒരു പ്രത്യേക സുഗന്ധമുണ്ടല്ലോ (?) അതാണു സഹിച്ച്‌ കൂടാത്തത്‌..,

...എന്റമ്മോ...മൂക്ക്‌ തുളച്ച്‌ കയറുന്ന ഗന്ധം...

പാലമരച്ചുവട്ടിൽ ഓഫീസ്‌ തുറന്ന് പുരുഷൻ മാരെ ഹോൾ സെയിലായി (വിത്ത്‌ ഔട്ട്‌ പല്ല്, നഖം ,മുടി...) റിക്രൂട്ട്‌ ചെയ്യാൻ കരാറെടുത്തിരിക്കുന്ന യക്ഷികൾ പോലും തോറ്റു പോകും...അടുത്തൂടെ പോകുമ്പോൾ തലകറക്കം വരുന്നു..(അത്‌ എന്റെ കുഴപ്പമാണോ ...ആവോ..)

എന്ത്‌ തന്നെയായാലും അവർ കൊണ്ട്‌ തരുന്ന അന്നപാനീയങ്ങൾ ഇരു കയ്യും നീട്ടി സ്വീകരിച്ച്‌ വെട്ടി വിഴുങ്ങാൻ ഇതൊന്നും തടസ്സമായില്ലാട്ടോ...

ചെവിയിൽ ഹെഡ്‌ ഫോൺ കുത്തിത്തിരുകി നല്ല ഹിന്ദി ഗാനങ്ങൾ ആസ്വദിച്ച്‌ കൊണ്ട്‌ ഓരോന്നോരോന്ന് ഓർഡർ ചെയ്ത്‌ ജാറം (ഐ മീൻ കുമ്പ,വയർ,,പള്ള..ഇതിലേതെങ്കിലുമൊന്ന് ) ഫുള്ളാക്കിക്കൊണ്ടിരുന്നു...(അല്ലേലും ഓസിനു കിട്ടിയാൽ ആസിഡും അടിക്കണ പർട്ടിയല്ലേ...)




ജ്യൂസ്‌, ബിയർ,സാന്റ്വിച്ചുകൾ, സലാഡുകൾ എന്നിങ്ങനെ പേരറിയുന്നതും അറിയാത്തതുമായ വിഭവങ്ങൾ എത്ര എടുത്താലും തീരാത്ത അക്ഷയപാത്രം തുറന്ന് വെച്ച പോലെ മുന്നിൽ വന്നു നിറയുന്നു..

ഞങ്ങളുടെ പരാക്രമങ്ങൾ കണ്ടാൽ കേരളത്തിൽ നിന്നല്ല വല്ല ഹെയ്തിൽ നിന്നോ ഉഗാണ്ടയിൽ നിന്നോ വരുന്നവരാണോ എന്നു തോന്നിപ്പോകും ...

ഇതൊക്കെ കണ്ടും കേട്ടും നിൽക്കുന്ന എയർ യക്ഷി ഒന്ന് പ്രാകിയോ...

പെട്ടെന്ന് വയറിനൊരു വശപ്പിശക്‌..,ഒപ്പം മൂത്ര ശങ്കയും..,

ഞാൻ വല്ലാതായി..,അവസാനം കുടിച്ച ബിയർ മാമൻ അകത്ത്‌ കടന്ന് തനിക്ക്‌ മുമ്പേ കുടിയേറിയവരെ കുടിഴോയിപ്പിക്കാൻ ശ്രമിക്കുന്നുണ്ടോ എന്നൊരു സംശയം..

ഞാൻ അടുത്തിരുന്ന റഷീദിനൊട്‌ കാര്യം പറഞ്ഞു..

അവനുണ്ടോ അറിയുന്നു.. ഫ്ലൈറ്റ്‌ തന്നെ ജീവിതത്തിൽ ആദ്യമായി കാണുന്നത്‌ പോലെയാണു അവന്റെ ഇരുപ്പ്‌.(ഞാൻ ഫ്ലൈറ്റിൽ യാത്ര ചെയ്യുകയാണു എന്ന യാതാർത്ഥ്യം ഉൾക്കൊള്ളാൻ അവനു ഇപ്പോഴും കഴിഞ്ഞിട്ടില്ല.)

ഇവിടെ ആകെ നാശ കൊശമാകുമോ...?

ഈ മാനത്ത്‌ വെച്ച്‌ എന്റെ മാനം പോകുമോ...?

എനിക്കാകെ പേടിയായി.

മടിച്ച്‌ മടിച്ചാണെങ്കിലും എതിരെ വന്ന യക്ഷിയെ ഞാൻ വിളിച്ചു..

" അമ്മച്ചീ..."ഒരു കാര്യം ചോദിക്കാണുണ്ട്‌...."

"വാട്ട്‌ യു വാൻഡ്‌ ടു ഡു.."

അതുശരി ഇഗ്ലീഷാല്ലേ..

എനിക്കാകെ അറിയുന്നത്‌ മലയാളവും പിന്നെ......മലയാളവും..,

"ബാത്ത്‌ റൂം" എന്റെ പരുങ്ങിക്കളിക്കിടയിൽ എങ്ങനെയോ ആ വാക്ക്‌ പുറത്ത്ചാടി..

അവർ ചെറുതായി മന്ദഹസിച്ച്‌ കൊണ്ട്‌ പുറകിലേക്ക്‌ വിരൽ ചൂണ്ടി..,

ഞാനെഴുന്നേറ്റു..,രണ്ട്‌ സൈഡിലും കേമൻ മാരും കേമികളും അങ്ങനെ നിരന്ന് നിരന്ന് ഇരിക്കുന്നു..അവർക്കിടയിലൂടെ ഗാർഡ്‌ ഓഫ്‌ ഓണർ പരിശോധിക്കുന്ന വിശിഷ്ടാതിഥിയെപ്പോലെ ഞാൻ നടന്ന് നീങ്ങി..

ആകാശത്തെ എന്റെ ആദ്യത്തെ നടത്തം..(അധികം ഞെളിയണ്ടാ... വിമാനത്തിനുള്ളിലല്ലേ..)

കുറെ പുറകിലായി ഒരു ചെറിയ കാബിൻ..,അതിന്റെ നടുക്ക്‌ പുഷ്‌ എന്നെഴുതി വെച്ച ഭാഗത്ത്‌ ഒറ്റ ത്തള്ള്‌..,(പുഷ്‌ എന്നാൽ തള്ളുക എന്നാണെന്ന് എനിക്കറിയാമേ..)

അകത്ത്‌ കയറി..

ആകാശത്തിലെ എന്റെ ആദ്യത്തെ.....(ഛേ..നാണമില്ലാത്തവൻ..,അതൊക്കെ വിളിച്ച്‌ കൂവാമോ..)

സ്വാഗതവും ആദ്ധ്യക്ഷവും ഉദ്ഘാടനവുംതുടങ്ങി എല്ലാ ചടങ്ങുകളൂം ഒറ്റക്ക്‌ നിർവ്വഹിച്ച്‌ ആശ്വാസത്തോടെ ഞാൻ എണീറ്റു..,

നന്നയൊന്ന് മുഖം കഴുകി, മുടിയൊക്കെയൊന്ന് ചീകി.,

കയ്യും വീശി പുറത്തിറങ്ങാൻ നേരം "ദേ കെട്ക്കണു മുണ്ടീം മക്കളും. "വാതിലു തുറക്കാൻ കഴിയുന്നില്ല..

ഹുക്കെവിടെ, കൊളുത്തെവിടേ..ഞാനാകെ പരതി ..,നോ രക്ഷ..,

വാതിലുമാമൻ കനിയുന്നില്ല..ചുറ്റിലും ഫ്ലൈറ്റിന്റെ ഇരമ്പം മാത്രം..,ഒന്ന് ഒച്ചയിട്ടാൽ പോലും പുറത്ത്‌ കേൾക്കുമെന്ന് തോന്നുന്നില്ല..,

കടലു ചാടിക്കടന്ന് വന്നവൻ അരുവി ചാടിക്കടന്നപ്പോൾ വെള്ളത്തിൽ വീണു എന്ന അവസ്ഥയിലായിപ്പോയി ഞാൻ..,വാതിലു മാമൻ എന്റെ മാനം കെടുത്തിയേ അടങ്ങൂ.... (അതിനു .....ലതുണ്ടോ....?)

പതിനെട്ടടവും പയറ്റി പത്തൊൻപതാമത്തെ അടവ്‌ ഞാനെടുത്തു..,(ഇൻസ്റ്റാൾ മെന്റിനു സാധനം വാങ്ങി മാസാന്ത തിരിച്ചടവ്‌ തെറ്റുമ്പോൾ പിരിച്ചെടുക്കാൻ വരുന്നവന്മാരു ഉമ്മറത്ത്‌ വന്ന് കാണിക്കുന്ന അടവുണ്ടല്ലോ..ആ.അടവ്‌..) ഞാനും കൊടുത്തു വാതിലിനു നാലു ചവിട്ട്‌, പിന്നെ ഒരു തൊഴി, പിന്നെ എന്തൊക്കെയ്യാണെന്നു ഞാനെണ്ണിയില്ല..,

ബാത്ത്‌ റൂമിൽ നിന്നു ബഹളം കേട്ടിട്ട്‌ യക്ഷികൾ ഓടി വന്നു..,വല്ല ആദംഗ വാദിയോ (തീവ്രവാദിയേ...) മറ്റോ.. ആണോ..?

എന്തായാലും നേരിടുക തന്നെ.

എന്തിനും തയ്യാറായി അവളിലൊരുത്തി വാതിലിൽ എന്തൊക്കെയോ വിക്രിയകൾ കാണിച്ചു കാണണം..,

വീണ്ടാമതൊരു ചവിട്ട്‌ കൊടുക്കേണ്ട താമസം  സ്റ്റണ്ട്‌ സീനിൽ ചിരഞ്ചീവി വാതിൽ ചവിട്ടിപ്പൊളിച്ച്‌ നൂറു നൂറ` കഷ്ണങ്ങളായി പറത്തുന്നത്‌ പോലെ..(ഇത്തിരി ഓവറായോ...)വാതിൽ മൂന്നോ നാലോ പീസുകളായി മടങ്ങി ഇരു വശത്തേക്കും മാറി..,

പുറത്ത്‌ എന്നെ തുറിച്ച്‌ നോക്കിക്കൊണ്ടിരിക്കുന്ന ഒരു പാട്‌ യക്ഷികൾ.,ഞാൻ വെളുക്കെ ചിരിച്ചു..ഹ്‌..ഹു..ഹൂ

അവരും ഒരുപാട്‌ വളിച്ച ചിരികൾ പായ്ക്ക്‌ ചെയ്തു എനിക്കു തന്നു..,( വിവരമില്ലാത്ത ബ്ല്ഡി റാസ്കൽ എന്ന ഒരു പര്യായം ആ ചിരികൾക്കുണ്ടായിരുന്നോ..)

തിരിച്ച്‌ സീറ്റിലെത്തിയപ്പോൾ എന്നെക്കണാതിരുന്നത്‌ കൊണ്ട്‌ റഷീദ്‌ ആകെ പരിഭ്രാന്തനായിരിക്കുകയാണ`..

"എവിടെയായിരുന്നടാ.." നടന്നതും ഇനി നടക്കാനുള്ളതുമെല്ലാം അവനോട്‌ പറയണമെന്ന് ഞാൻ ഏഗ്രിമന്റൊന്നും എഴുതിയിട്ടില്ലല്ലോ..

"ഞാൻ ചുമ്മ ഒന്നു കറങ്ങി നടന്നു.." ഞാൻ തട്ടി വിട്ടു..,( പിന്നേ പൂരപ്പറമ്പല്ലേ...കറങ്ങി നടക്കാൻ..,)

യാത്ര തുടരുകയാണു..,ഇടക്കെപ്പോഴോ ഒന്ന് മയങ്ങിയെന്ന് തോന്നുന്നു..

ആരോ തട്ടി വിളിക്കുന്നത്‌ പോലെ തോന്നിയപ്പോൾ കണ്ണു തുറന്നു..എന്റമ്മോ..യക്ഷി..(ക്ഷമിക്കണം .എയർ ഹോസ്റ്റസ്‌..)

ഉണർന്ന് സീറ്റ്‌ ബെൽറ്റിടാൻ പറയുകയാണവർ..ഫ്ലൈറ്റ്‌ മസ്കറ്റിലേക്കടുത്ത്‌ കൊണ്ടിരിക്കുന്നു..ചൂണ്ടയിൽ ഇര കോർക്കുന്നത്‌ പോലെ ഞാൻ സീറ്റ്‌ ബെൽറ്റിൽ എന്നെ കോർത്തു..,

ചില്ലു ജാലകത്തിലൂടെ പുറത്തേക്ക്‌ നോക്കി..,ഇപ്പോൾ കാഴ്ച്ചകൾ വ്യക്തമാകുന്നു....

താഴെ കടലിൽ നീല പശ്ചാത്തലത്തിൽ വെളുത്ത ഒരു വര വരച്ച്‌ കൊണ്ടെന്ന പോലെ എന്തോ ഒന്ന് നീങ്ങുന്നു..,കപ്പലായിരിക്കാം..

വിമാനം താഴ്‌ന്നു തുടങ്ങി..,ഇപ്പോൾ നീല പശ്ചാത്തലത്തിൽ തലങ്ങനെയും വിലങ്ങനെയും ഒരു പാട്‌ വെളുത്ത വരകൾ പായുന്നു..

ഫ്ലൈറ്റ്‌ മസ്കറ്റിലേക്കടുക്കുന്ന് എന്നതിന്റെ അനൗൺസ്‌ മെന്റ്‌ മുഴങ്ങി..എന്തൊക്കെയോ ചള പളാന്ന് പറയുന്നു.., എനിക്ക്‌ നന്നായി ഇഗ്ലീഷ്‌ അറിയാവുന്നത്‌ കൊണ്ട്‌ ഒന്നും മനസ്സിലാകുന്നില്ല..

താഴെ ഭൂമി നീലത്തുണി മാറ്റി ചാര നിറമുള്ള ഒരു തുണി ചുറ്റി., അതിൽ ചിത്രപ്പണികൾ പോലെ ചെറിയ ചെറിയ പൊട്ടുകളും വരകളുമായി കെട്ടിടങ്ങളും റോഡുകളും അങ്ങിങ്ങായി കിടക്കുന്നു...,

പറന്ന് പറന്ന് ഭൂമിയുടെ മാറത്തെത്തിയെന്നു തോന്നുന്നു..,

നിരന്ന് കിടക്കുന്ന കൂറ്റൻ കരിമ്പാറ മലകൾ,.

എന്റമ്മോ...ഇപ്പോഴെങ്ങാനും ഈ വിമാനത്തിന്റെ എണ്ണ തീർന്നു പോയാൽ..അല്ലെങ്കിൽ ബ്രേക്ക്‌ ഡൗണായാൽ....മൂക്ക്‌ കുത്തി ഈ പാറക്കെട്ടിലേക്ക്‌...പിന്നെ ഒഴുക്കി ക്കളയാൻ ഭസ്മം പോലും ബാക്കി കിട്ടുമോ..?
എത്ര ഭീതിത്മായ കാഴ്ച്ച ,താഴെത്തൊന്നും മരുന്നിനു പോലും ഒരു പച്ചപ്പ്‌ കാണുന്നില്ല ..എന്റെ ശബരിമല മുരാ...എന്തൊരു നാട്‌

നെടുമ്പാശ്ശേരിയിൽ നിന്ന് ഫ്ലൈറ്റ്‌ പൊങ്ങി വരുമ്പോൾ ഞാൻ കണ്ട കാഴ്ച്ചയും ഇവിടെ കണ്ട കാഴ്ച്ചയും ഞാനൊന്നു താരതമ്യം ചെയ്തു നോക്കി...ദൈവത്തിന്റെ സ്വന്തം നാട്‌ ( ഗോഡ്സ്‌ ഓന്റെ കണ്ട്രി..) എന്ന് വെറുതയല്ല പറയുന്നത്‌

കാഴ്ച്ചകളെ സൂം ചെയ്തു കൊണ്ട്‌ വിമാനം താഴേക്ക്‌.. കറുത്ത വരകൾ റോഡുകളായി മാറുന്നു..റോഡിലൂടേ വാഹനങ്ങൾ ചീറിപ്പായുന്നു..തീപ്പെട്ടിക്കൂടുകൾ കൂറ്റൻ ബിൽഡിംഗുകളായി മാറുന്നു..

കാഴ്ച്ചകളുടെ വിത്യസ്തങ്ങളായ രൂപ പരിണാമങ്ങൾ...

എല്ലാം ആവാഹിച്ചെടുക്കാൻ എന്റെ രണ്ട്‌ കണ്ണു മതിയാകാത്ത പോലേ..

താഴ്‌ന്ന് താഴ്‌ന്ന് വിമാനം റൺ വേയിൽ തൊട്ടു..,വെകിളി പിടിച്ച കാളയെ പ്പോലെ എങ്ങാണ്ടൊക്കെയോ പരക്കം പാഞ്ഞ്‌ കറങ്ങിത്തിരിഞ്ഞ്‌ വന്ന് കിതച്ച്‌ കിതച്ച്‌ ഒരിടത്ത്വന്ന് നിന്നു..,

എല്ലാരും സടകുടഞ്ഞേണീറ്റു...കുട്ടീം...ചട്ടീം...തള്ളേം....പിള്ളേം എല്ലാരും എല്ലാം തപ്പിയെടുത്ത്‌ പുറത്തേക്ക്‌...,ഓരോരുത്തരായി ആ ഭീമൻ വിമാനം മസ്കറ്റിലെ മരുഭൂമിയിൽ ആ കൊടും ചൂടത്ത്‌ പ്രസവിച്ചിട്ടു..

അങ്ങനെ മസ്കറ്റിൽ ഞങ്ങൾ എത്തിച്ചേർന്നിരിക്കുന്നു...



അബൂദാബിയിലേക്കുള്ള ഞങ്ങളുടെ യാത്ര തുടങ്ങാനിരിക്കുന്നതേയുള്ളൂ....
                                                                                   
                                                                                               തുടരും...........




"അബൂദാബി ഡെയ്സ്‌ "ഒന്നാം ഭാഗം വായിക്കാൻ ഇവിടെ ക്ലിക്കുക
Related Posts with Thumbnails

On 2010, ഫെബ്രുവരി 8, തിങ്കളാഴ്‌ച 9 അഭിപ്രായ(ങ്ങള്‍)
Bookmark and Share

എന്റെ അബുദാബി വാസക്കാലത്തെ ചില സുന്ദര നിമിഷങ്ങളിലേക്കു ഒരിക്കൽ കൂടി ചുമ്മാ ഒന്ന് പോയി കറങ്ങി ത്തിരിച്ചു വരാൻ ശ്രമിക്കുകയാണിവിടെ..

കാമ്പും കഴമ്പും ഒന്നും ഒന്നുംകണ്ടെന്നു വരില്ല..

ഒരു സാധാരണക്കാരന്റെ ആദ്യത്തെ ഗൾഫ്‌ യാത്ര, അവൻ കാണുവാനിടയുള്ള പുതുമയുള്ള കാഴ്ച്ചകൾ, പുതുമയുള്ള അനുഭവങ്ങൾ,അങ്ങനെ കണ്ടാൽ മതി...

മനസ്സിൽ ഒരു ഡയറിക്കുറിപ്പ്‌ പോലെ കോറിയിട്ടതിൽ ചിലത്‌ കോപ്പി ആന്റ്‌ പേസ്റ്റ്‌ ചെയ്യുകയാണിവിടെ...

....................................................................................................................................................................





നെടുമ്പാശ്ശേരി എയർ പോർട്ട്‌,...

എമിഗ്രേഷൻ ക്ലിയറൻസും ബോർഡിംഗ്‌ പാസ്സും എടുത്ത്‌ ലോബിയിലേക്ക്‌ കടക്കുവാൻ വീണ്ടുമൊരു പരിശോധന..,ഒരു ലൈനിൽ ഞാനും ഇടം പിടിച്ചു..,തൊട്ടടുത്ത ലൈനിൽ ഞങ്ങളുടെ സംഘത്തിലെ എനിക്ക്‌ പരിചയമുള്ള ഏക മുഖം തളിപ്പറമ്പ്‌ സ്വദേശി റഷീദും..,

അബൂദാബി എമിറേറ്റ്സ്‌ ഡേറ്റസ്‌ (ഈത്തപ്പഴമേ..) ഫാക്റ്ററിക്ക്‌ വേണ്ടി സീസൺ വർക്കിന` അബൂദാബിയിലേക്കു പറക്കാനെത്തിയ ഇരുന്നൂറോളംവരുന്ന ഒരു സംഘത്തിലെ കണ്ണികളാണു ഞങ്ങൾ..,

ജീവിതത്തിലെ ആദ്യ വിമാനയാത്രക്ക്‌ ആകാംക്ഷ ഭരിതമായ മനസ്സോടെ കാത്തിരിക്കുകയാണു ഞങ്ങൾ,

അധികം തിരക്കൊന്നുമില്ല..

തോക്കും പിടിച്ച്‌ തൊട്ടപ്പുറത്ത്‌ നിൽക്കുന്ന ഉത്തരേന്ത്യക്കാരനായ പോലീസുദ്യോഗസ്ഥന്റെ കുടവയറിലും താടിയെല്ലിന്റെ തൊട്ട്‌ മേലെയുള്ള കറുത്ത മറുകിലുമൊക്കെ വെറുതെ എന്റെ കണ്ണുകൾ കറങ്ങി നടക്കുകയായിരുന്നു..,അപ്പോഴാണു എന്റെ മൊബെയിൽ റിംഗ്‌ ചെയ്തത്‌..

ആരാണപ്പാ..ഈ നേരത്ത്‌ എന്നു കരുതി ഫോണെടുത്ത്‌ നോക്കി.. തൊട്ടടുത്ത ലൈനിൽ നിൽക്കുന്ന റഷീദാണ`..

നേരിട്ട്‌ സം സാരിക്കാൻ തക്ക അകലത്തിൽ നിൽക്കുന്ന അവനെന്തിനു കോൾ ചെയ്യണം.,ഞാൻ അവനെ നോക്കി..,

ഫോൺ അറ്റന്റ്‌ ചെയ്യാൻ ആംഗ്യ ഭാഷയിൽ കാണിക്കുന്നു..ഇവന്റെയൊരു കാര്യം..

ഞാൻ ഫോണെടുത്ത്‌ ചെവിയിൽ വെച്ചതും പതിഞ്ഞ സ്വരത്തിൽ അവൻ പറഞ്ഞു

"നീ നിന്റെ പുറകിലേക്കൊന്നു നോക്ക്‌" ഞാൻ ഒഴുക്കൻ മട്ടിൽ പുറകിലേക്കൊന്നു തിരിഞ്ഞു നോക്കി..,നല്ല അടിപൊളിയൊരു ചരക്ക്‌..ടൈറ്റ്‌ ഫിറ്റ്‌ ജീൻസും ടീഷർട്ടുംധരിച്ച്‌ അവളങ്ങനെ വളഞ്ഞു പുളഞ്ഞു പോസ്‌ ചെയ്തു നിൽക്കുന്നു,.

ഒറ്റ യാത്ര കൊണ്ട്‌ സകല മാന പ്രദേശങ്ങളിലും പര്യടനം നടത്തി എന്റെ കണ്ണുകൾ യഥാസ്ഥാനത്ത്‌ തിരിച്ചു വന്നു..

എറണാകുളത്ത്‌ ചെന്നാൽ വിശേഷിച്ച്‌ കൊച്ചിയിൽ ഇത്തരം കാഴ്ചകൾ അത്ര പുതുമയുള്ളതൊന്നുമല്ല..

"എടാ ഇതു പറയാനാണോ വെറുതെ മൊബെയിലിലെ റുപ്പീസ്‌ കത്തിച്ചു കളഞ്ഞത്‌..,"

"നിനക്കെന്തിന്റെ സൂക്കേടാ..ഒരു പെണ്ണിനെ പോലും വെറുതെ വിടൂല്ലാല്ലേ.."

ഞാൻ സ്വരം കനപ്പിച്ച്‌ വല്ല്യ പുണ്യാളനായി..

"എടാ അതല്ല കമ്പറേ..അതാരാണെന്നു മനസ്സിലായോ നിനക്ക്‌..എടാ... അതാണു നമ്മുടെ ചിങ്ങമാസം..."

"ഏത്‌ ചിങ്ങമാസം".. എനിക്കു മിന്നിയില്ല..

"എടാ ...പൊട്ടാ.. മീശമാധവനിൽ ദിലീപിന്റെ കൂടെ ..ഡാൻസ്‌ ..ഓർമയില്ലേ.."

"ഓ.. ആ...ചിങ്ങമാസം..''എനിക്കു ഇപ്പോൾ മിന്നി...





ദിലീപിന്റെ മീശമാധവനിൽ ഒരു ഡാൻസ്‌ അവതരിപ്പിച്ച്‌ മലയാളികളുടെ മനസ്സിൽ ഇടം നേടിയ സാക്ഷാൽ ജ്യോതിർമയി ആണു എന്റെ തൊട്ടു പിറകിൽ നിൽക്കുന്നത്‌..,

മനപ്പൂർവ്വമല്ലെന്ന് തോന്നിക്കുമാറ` ഒന്നു പുറകോട്ട്‌ തിരിഞ്ഞു , ഹാന്റ്‌ ബാഗ്‌ വെറുതെ നിലത്ത്‌ വെച്ച്‌ കുനിഞ്ഞ്‌ എടുക്കാൻ, മറ്റാരെയോ തിരയുന്നപോലെ ....അങ്ങനെ രണ്ട്‌ മൂന്ന് നോട്ടങ്ങൾ ഞാൻ പിറകിലേക്ക്‌ പാസാക്കി..സംഗതി സത്യം തന്നെ..

അവർക്ക്‌ എന്റെ കോപ്രായങ്ങൾ പിടികിട്ടിക്കാണണം..

നാലാമതൊന്ന് നോക്കാൻ ശ്രമിക്കവേ അവരെന്നെ പിടികൂടി..അവരെന്റെ മുഖത്തേക്ക്‌ നോക്കി..,ഞാൻ പെട്ടെന്ന് മുഖം തിരിച്ചു...അയ്യേ.. അവരെന്തു കരുതിക്കാണും..എനിക്കാകെ വല്ലാതായി..

എന്തു കരുതാൻ.. പിന്നേ.. സിനിമാ നടിയായാൽ എല്ലാവരു നോക്കും അതിലെന്താ ഇത്ര വലിയ തറ്റ്‌.. എന്നു സ്വയം ആശ്വസിപ്പിച്ചു.. വീണ്ടും ഒന്നു കൂടെ നോക്കുക തന്നെ..അങ്ങനെ തീരുമാനിച്ചുറപ്പിച്ച്‌ ചുളുവിൽ ഒന്ന് തലതിരിച്ചതേയുള്ളൂ...

അവരെന്നെ നോക്കി..കണ്ണുകൾ തമ്മിലുടക്കി..,അതിന്റെ നക്ഷത്രത്തിളക്കത്തിൽ എന്റെ കണ്ണ` മഞ്ഞളിച്ച്‌ പോയോന്നൊരു സംശയം..,

ചുണ്ടുകളിൽ ചെറിയ ഒരു മന്ദഹാസം വിരിഞ്ഞു.,കവിളിൽ ചെറിയ ഒരു നുണക്കുഴിയും...പിന്നെ വാക്കുകൾ മെല്ലെ പുറത്തേക്ക്‌ വന്നു..

ഹലോ...

എന്റെ ദൈവമേ.. ജീവിതത്തിലാദ്യമായി ഒരു സിനിമാ നടി എന്റെ മുഖത്ത്‌ നോക്കി എന്നോട്‌ ഹലോ എന്നു പറയുന്നു..എനിക്കിനി ചത്താലും വേണ്ടീല്ല എന്ന അവസ്ഥയിലായി പ്പോയി ഞാൻ..,

ഞാനും പറഞ്ഞു ഹലോ...

എങ്ങോട്ട്‌ പോകുന്നു ഉടനെ ഞാനൊരു ചോദ്യവുമെറിഞ്ഞു...

ചെന്നൈ..അവർ മനോഹരമായി ചിരിച്ചു (എന്തിനാണാവോ....?)

കൂടെയാരുമില്ലേ..ഞാൻ ചികഞ്ഞ്‌ കയറാൻ നോക്കി

''യെസ്‌ ഇവറുണ്ട്‌ '' അതും പറഞ്ഞ്‌ പുറകിൽ നിൽക്കുന്ന സ്ത്രീയെ നോക്കി..,

അതാരാണെന്ന് ചോദിക്കണമെന്ന് വിജാരിച്ചു..പിന്നെ തോന്നി വേണ്ടാന്ന് കൂടുതൽ കുത്തി കുത്തി ചോദിച്ചാൽ അതവർക്കിഷ്ടപ്പെട്ടില്ലങ്കിലോ..അമ്മയായിരിക്കാം..

മീശമാധവൻ ഞാൻ കണ്ടെന്നും അതിലെ ഡാൻസ്‌ രംഗം മനോഹരമായെന്നും തുടങ്ങി എന്തൊക്കെയോ ഒക്കെ ഒറ്റ ശ്വാസത്തിൽ ഞാൻ പറഞ്ഞു തീർത്തു..,

താങ്ക്സ്‌... അവർ വീണ്ടും ചിരിച്ചു..

ഞങ്ങളുടെ സംസാരം അപ്പുറത്തും ഇപ്പുറത്തും ലൈനിൽ നിൽക്കുന്നവരൊക്കെ ശ്രദ്ധിക്കുന്നുണ്ടെന്ന് എനിക്കു മനസ്സിലായി.റഷീദിനാണെങ്കിൽ ലൈനിൽ നിന്നിട്ട്‌ ഇരിപ്പുറക്കുന്നില്ല... അവനു ഈ ലൈനിലോട്ട്‌ ചാടണം

പുറകിൽ നിൽക്കുന്നവരോ പോലീസോ കൊങക്ക്‌ പിടിച്ചാലോ എന്നു കരുതിയാണു ആ ആഗ്രഹം വേണ്ടാന്ന് വെച്ചിരിക്കുന്നതെന്ന് അവന്റെ മുഖം കണ്ടാലറിയാം..

ഞങ്ങൾ പരിശോധന കഴിഞ്ഞ്‌ ലോബിയിലേക്ക്‌ കയറി., ഫ്ലൈറ്റ്‌ വരാൻ ഇനിയും സമയമെടുക്കും..അവർ വിശാലമായ ലോബിയിലൂടെ മുന്നോട്ട്‌ നടന്നു..കൂടെ ഞാനും...

ഒരു സിനിമാ നടിയിതാ വരുന്നു...ലോബിയിലിരിക്കുന്ന എല്ലാവരും ശ്രദ്ധിക്കുന്നുണ്ട്‌.., ജ്യോതിർമയിയെ എല്ലാവർക്കുമറിയാം..പക്ഷേ കൂടെ നടന്നു വരുന്നതാര`..,ഭർത്താവോ ..?അതോ...കമുകനോ..? (എന്റെ ഓരോ ആശകളേ...)ഛേയ്‌....ഈ നരുന്ത്‌ പയ്യനോ...ചിലർ നെറ്റി ചുളിച്ചു..,

ഞാൻ തെല്ല് ഗൗരവം അഭിനയിച്ച്‌ നടത്തത്തിനൊരു എക്സിക്യൂട്ടീവ്‌ ശൈലിയൊക്കെ വരുത്തി..,( കാണുന്നവർക്കൊരു ചന്തം തോന്നിക്കോട്ടേന്ന് ...)

എന്തു ശെയ്യുന്നു..?നടത്തത്തിനിടയിൽ അവരെന്നോട്‌ ചോദിച്ചു..

അബൂദാബി ശൈഖിന്റെ വലം കൈ,ഇടം കൈ, ഇതിലേതെങ്കിലും ഒന്നു പറഞ്ഞാലോ...ഞാൻ ശങ്കിച്ചു..,വേണ്ട നുണയാണെങ്കിലും കൊക്കിലൊതുങ്ങുന്നതേ പറയാവൂ എന്നാണല്ലോ ചൊല്ല് ( ഉണ്ടോ..ആവോ..)

ആർക്കും ദോശമുണ്ടാക്കാത്ത മറ്റൊരു പെരും നുണ ഞാനങ്ങു പൊട്ടിച്ചു.

.ഞാൻ അബൂദാബി എമിരെറ്റ്സ്‌ ഡേറ്റസ്‌ ഫാക്ടറിയിലെ മാനേജരാണ`..(അവിടത്തെ ഒരു സാധാ തൊഴിലാളിയാണു ഞാൻ എന്നത്‌ എങ്ങനെ പറയും...ഓ..പിന്നെ മാനേജരും ഒരു തൊഴിലാളി തന്നെയല്ലേ..)

അവർ വിശ്വസിച്ചോ എന്തോ.. ഞാൻ ഇടം കണ്ണിട്ട്‌ നോക്കി..പ്രത്യേകിചൊരു ഭാവമാറ്റവും കാണുന്നില്ല..(ഇതല്ല ,,ഇതിലപ്പുറവും കേട്ട്‌ തഴമ്പിച്ചതാണെന്നുള്ള ഒരു പുഛ ഭാവം ആ മുഖത്തുണ്ടോ..?)

അപ്പോഴതാ സ്വർഗ്ഗത്തിലെ കട്ടുറുമ്പായി അനൗൺസ്‌മന്റ്‌..,

ചെന്നൈയിലേക്കുള്ള ഇന്ത്യൻ എയർ ലൈൻസ്‌ വിമാനം പുറപ്പെടാൻ റെഡിയായി നിൽക്കുന്നു..,

ഈ ഇന്ത്യൻ എയർ ലൈൻസുകാരെ കൊണ്ട്‌ തോറ്റു..

അല്ലാത്ത സമയങ്ങളിൽ മൂന്നും നാലും മണിക്കൂർ ലേറ്റാകുന്നതാണു.. ഇന്നതാ കുരുത്തം കെട്ടവൻ കൃത്യ സമയത്ത്‌ തന്നെ വന്നിരിക്കുന്നു..എനിക്കാകെ ചൊറിഞ്ഞു കയറി..അതിന്റെ ടയറൊന്നു പഞ്ചറായെങ്കിൽ എന്നു ഞാൻ അറിയാതെ പ്രാർത്ഥിച്ചു പോയി..

ഓ..കെ.സീ..യു എന്ന് പറഞ്ഞ്‌ അവർ എന്റെ നേരെ കൈ നീട്ടി..

ഞാനും കൈ നീട്ടി..

മൃദുലമായ കൈകൽ എന്റെ ഉള്ളം കൈയ്യിൽ നിന്നു പിടച്ചുവോ...

ഓ..കേ...ബൈ.. സീ..യു

എന്റെയുള്ളിൽ ഭയങ്കരമായ ഇടിവെട്ടി...മിന്നെറിഞ്ഞു....മഴപെയ്തു...

ഞാനെന്റെ കയ്യിലേക്ക്‌ നോക്കി...,സിനിമാ നടി ജ്യോതിർമയിക്ക്‌ ഷേക്ക്‌ ഹാൻഡ്‌ കൊടുത്ത എന്റെ വലം കൈ..

വെട്ടിയെടുത്ത്‌ ഫ്രെയിം ചെയ്ത്‌ പെട്ടിയിൽ  പൂട്ടി സൂക്ഷിച്ചാലോ..എന്നേനിക്കു തോന്നി

അല്ലെങ്കിൽ വേണ്ട ഉണ്ണാൻ നേരം കൈ കണ്ടില്ലേൽ അമ്മ വഴക്കു പറഞ്ഞാലോ.....

അവരും കൂടെ വന്ന എസ്കോർട്ട്‌ ചേച്ചിയും നടന്ന് നീങ്ങി...

അണ്ടി പോയ അണ്ണാനെ പ്പോലെ ഞാൻ നിന്നു..

ക്ലിയറൻസും കഴിഞ്ഞ്‌ ഓടിക്കിതച്ച്‌ റഷീദ്‌ എന്റെ അടുത്തെത്തി ചോദിച്ചു..

നിനക്കവരെ നേരത്തെ പരിജയമുണ്ടോ..?( ങ്ങേ..എന്റെ അമ്മായിയുടെ മോളല്ലേ നേരത്തേ പരിചയം കാണാൻ..ഒന്നു പോടാപ്പാ....)

എന്തിനാ അവനെ നിരാശപ്പെടുത്തുന്നത്‌..

"അറിയാം.'.ഞാൻ പറഞ്ഞു

മറ്റൊരു നുണ ബോംബ്‌ അവനും ഇരിക്കട്ടെ..

''എങ്ങനെ.''.അവനു ആകാംക്ഷയായി

അതിനു മറുപടി പറയണമെങ്കിൽ ഭയങ്കരങ്ങളായ വേറെയും നുണകൾ ഉണ്ടാക്കിയെടുക്കണം.അതിനു ഇത്തിരി സമയമെടുക്കും...

''അതൊക്കെയുണ്ട്‌ മോനേ..'''.വളരെ വലിയ കഥയാണു.. ഇപ്പോൾ സമയമില്ല.. നിനക്ക്‌ ഞാൻ പിന്നെ പറഞ്ഞു തരാം....''

അവനെന്നെ നിർത്തിപ്പൊരിക്കാൻ തുടങ്ങുന്നതിനു മുമ്പ്‌ ഞാൻ അടവ്‌ പയറ്റി തടിയൂരി..

(അവന്റെ ശല്യം സഹിക്ക വയ്യാതെ ഒടുക്കം ഉണ്ടായ സംഭവമൊക്കെ പറഞ്ഞ്‌ നാണം കെടുത്തല്ലെന്ന് പറഞ്ഞ്‌ കാൽക്കൽ വീണത്‌ പിന്നത്തെ കഥ..)

ലോബിയിലെ സോഫയിൽ ചെന്നിരുന്നു..ആളുകൾ എന്നെ ശ്രദ്ധിക്കുന്നു.ഞാൻ ഗമയോടെ ഒന്നമർന്നിരുന്നു..

ആളുകൾ എന്തും വിചാരിക്കട്ടെ..

ഒറ്റ നിമിഷം കൊണ്ട്‌ സീറോയിൽ നിന്ന് ഹീറോയിലേക്കെത്തുന്നതിന്റെ സുഖം ആസ്വദിച്ചു കൊണ്ട്‌ ഞാനിരുന്നു..

വഴിയിൽ വെച്ച്‌ കണ്ട ഏതോ ഒരു വായി നോക്കിയെ ആരാധകനെന്നു കരുതി ഒരു കുശല സംഭാഷണം നടത്തുന്നു.. അതും കേവലം അഞ്ചോ പത്തോ മിനുട്ട്‌... എന്നതിൽ കവിഞ്ഞ്‌ ഞാനും ജ്യോതിർ മയിയും തമ്മിൽ ഒരു ബന്ധവുമില്ലാന്ന് ഈ മണ്ട കുശ്മാണ്ടികൾക്കറിയില്ലാല്ലോ....

അബൂദാബിയിലേക്കുള്ള എന്റെ യാത്ര ഇവിടെ തുടങ്ങുന്നു...



അബൂദാബി ഡെയ്സ്‌ ബാക്കി ഭാഗങ്ങൾ ഉടൻ പ്രതീക്ഷിക്കാം....
Related Posts with Thumbnails

On 1 അഭിപ്രായ(ങ്ങള്‍)
Bookmark and Share




പുൽത്തലപ്പുകൾ ചത്തു മലച്ച്‌

വരണ്ടുണങ്ങിയ പാടത്ത്‌

പുതുമഴയായ്‌ പെയ്ത

ബൂ ലോകം...

നിലയില്ലാക്കടലിൽ

മുങ്ങിത്താഴും നേരം

കച്ചിത്തുരുമ്പായ്‌

ബൂലോകം....

കൽത്തുറുങ്കിലടക്കപ്പെട്ട്‌

ജീവച്ഛവമായ്‌ വിലപിച്ച നേരം

പൊട്ടി വിടർന്ന സ്വാതന്ത്രം

ബൂ ലോകം.....

അക്ഷരക്കൂട്ടങ്ങൾക്കിടയിൽ

വഴി തെറ്റിയലഞ്ഞപ്പോൾ

വഴികാട്ടിയായ്‌ വന്ന

ബൂ ലോകം......

നെറ്റിൽ തപ്പി തപ്പി നടന്ന്

തട്ടിത്തടഞ്ഞ്‌ വീണപ്പോൾ

തൊട്ടെഴുന്നേൽപിച്ച

ബൂ ലോകം.....

ഇത്തിരി സ്ഥലം കൊടുത്തപ്പോൾ

ചിന്തയിലും,ഹ്രദയത്തിലും

ഒത്തിരി സ്ഥലം കൈയേറിയ

ബൂ ലോകം......

തെറ്റിപ്പിരിഞ്ഞാലും

തല്ലിയോടിച്ചാലും

വിട്ടൊഴിയാതെ

ബൂ ലോകം.....

ഇത്തിരി നേരം കൊടുത്തപ്പോൾ

കുളിക്കാനും,ഞണ്ണാനും,ഉറങ്ങാനുമുള്ള നേരം

കട്ടോണ്ടു പോയ

ബൂ ലോകം........

ഒരു പാട്‌ കരയിപ്പിക്കുന്ന

ഒരു പാട്‌ ചിരിപ്പിക്കുന്ന

ഒരു പാട്‌ ചിന്തിപ്പിക്കുന്ന

ബൂ ലോകം........

ഇന്നലെ ഞാനൊരു ഭോഗി

ഇന്ന് ഞാനൊരു ബ്ലോഗി

ഒന്നാം പ്രതിയാരു

ബൂ ലോകം...
 
 
 

Related Posts with Thumbnails

On 2010, ഫെബ്രുവരി 6, ശനിയാഴ്‌ച 1 അഭിപ്രായ(ങ്ങള്‍)
Bookmark and Share

''ഇന്നലെ , ഇന്ന്, നാളെ''



ഇന്നലേകളിലെ ഭാര്യ...




ഇന്നത്തെ ഭാര്യ....

നാളെത്തെ ഭാര്യ....

Posted by Picasa
Related Posts with Thumbnails

Related Posts with Thumbnails