ബ്ലോഗര്‍ സൂത്രം മെനു ബാര്‍
On 2017, ഡിസംബർ 20, ബുധനാഴ്‌ച 0 അഭിപ്രായ(ങ്ങള്‍)
Bookmark and Share



മക്കത്താണു പൊറുതി, ഹറം കണ്ടിട്ടുണ്ടോ ....ആവോ..,?

ചിലപ്പോ ഒരു കാഴ്ചബംഗ്ലാവു കാണുന്ന ചേലിൽ പോയിക്കണ്ടിട്ടുണ്ടാവാം...മുസ്ലിം കുടുംബത്തിൽ ജനിച്ച ഒന്നാന്തരമൊരു മുസ്ലിം പേരുകാരൻ തന്നെ..പക്ഷെ ഭയങ്കരനായ നിരീശ്വരവാദി, ഏത് സമയവും തർക്കിക്കും..ഞാനൊഴിഞ്ഞ് പോകാറാണു പതിവ്.., അല്ലെങ്കിൽ തന്നെ ദീനി കാര്യങ്ങൾ സംസാരിക്കാൻ അറിവ്കെട്ടവനായ ഈ ഞാനാരു...നീണ്ട താടി വെച്ച് നടക്കുന്നവരെ കണ്ടാൽ പള്ളിയിലേക്ക് നിസ്കാരത്തിനായി പോകുന്നവരെ കണ്ടാൽ  ഉ‌മ്ര നിർവഹിക്കാൻ വരുന്നവരെ കണ്ടാൽ ഒക്കെ മൂപ്പർക്ക് കലിപ്പാണു..ഒരു കാര്യവുമില്ലാത്ത കാര്യങ്ങളാണു അവയെല്ലാം എന്ന് പറഞ്ഞ് പുച്ഛിക്കുക മാത്രമല്ല..അവർ പോയ തക്കത്തിൽ കാറിത്തുപ്പുക വരെ ചെയ്യും..

ഒരു ദിവസം രാത്രി രണ്ട് രണ്ടര നേരത്ത് മൊബൈൽ ഫോൺ കിടന്ന് നിലവിളിക്കുന്നു....കണ്ണുകളുടെ ഷട്ടറുകൾ അടച്ചിട്ടേയുണ്ടായിരുന്നുള്ളൂ....താഴിട്ടിട്ടില്ല... ആരാ ഈ അൽകുൽത്ത് നേരത്ത്.....

ഫോണെടുത്തു ചെവിയിൽ വെച്ചു...
അങ്ങേതലക്കൽ പരിചിതമായ ശബ്ദം..മേല്പറഞ്ഞ കക്ഷിയാണൂ..പുള്ളിക്കാരനു നല്ല സുഖമില്ല..ഒന്ന് അർജന്റായി ഹോസ്പിറ്റൽ വരെ പോവണം, അയിനാണു..ഞാൻ സടകുടഞ്ഞെഴുന്നേറ്റ് ഡ്രസ്സ് ചെയ്ത് പുറത്തിറങ്ങി,,താഴെ ആലിലപോലെ വിറച്ച് കൊണ്ട് അതിയാൻ നിൽക്കുന്നു..

"ഏയ്,,എന്താ പ്രശ്നം."

"പനിയാണു..ഹോസ്പിറ്റലിൽ പോകണം, നീ വണ്ടിയെടുക്ക്.."

പാവം ...നല്ല തകർപ്പൻ പനിയാണു..വിറയലോട് വിറയൽ..,എന്തൊക്കെയോ പിറുപിറുക്കുന്നു... ധ്രുതിയിൽ വണ്ടി ഹോസ്പിറ്റലിലേക്ക് പറന്നു..

ഡോക്ടറുടെ റൂമിനു മുന്നിൽ തിരക്കൊഴിഞ്ഞിട്ടില്ല, അവിടെക്കിടന്ന കസേരകളിൽ ഞങ്ങൾ ഇടം പിടിച്ചു..പുള്ളിക്കാരൻ ഇപ്പോഴും നല്ല വിറയലിൽ തന്നെ..പിറുപിറുക്കളുംകേൾക്കുന്നുണ്ട്..ഇടക്ക് എന്നെ ഞെട്ടിച്ച് കൊണ്ട് ചില വാക്കുകൾ...അതോ നേരത്തെ ഉണ്ടായിരുന്നോ ...ആവോ,,ഞാനിപ്പോഴാണു ശ്രദ്ധിക്കുന്നത്..

"അള്ളാ..അള്ളാ....യാ..റബ്ബീ.."

എന്നൊക്കെയാണു ഇപ്പോൾ എനിക്ക് കേൾക്കാൻ കഴിയുന്നത്...

ഞാനാകെ അമ്പരന്നു..സദാസമയവും അള്ളാനെയും റസൂലിനെയും കളിയാക്കി നടക്കുന്നവൻ ഉന്തിത്തള്ളിയിട്ടാൽ പോലും പടിഞ്ഞാറോട്ട് വീഴാത്തവൻ വെള്ളിഴായ്ച ജുമുഅ എന്നൊരു പരിപാടി ഉണ്ട് എന്ന് പോലുമറിയാത്തവൻ.....ഇപ്പോഴിതാ...അള്ളാ..അള്ളാ..എന്ന് പിറുപിറുക്കുന്നു...ഇപ്പോഴെങ്കിലും വിളിക്കാൻ തോന്നിയല്ലോ.....കള്ള ബടുവ..

ഞാനൊന്നും പറയാൻ പോയില്ല, ആളു റിലേ പോയി നിക്കണ നേരമാണു, അമ്മാതിരി സാഹചര്യങ്ങളിൽ വിമർശനങ്ങൾ, കളിയാക്കലുകൾ,തമാശകൾ,എന്നിങ്ങനെയുള്ളവകൾ  ഈസ് ഇഞ്ചൂറിയസ് ടു ഹെൽത്ത്....ഞാൻ വിട്ടു..

ഇമ്മാതിരി നാലു സൂക്കേട് അടിക്കടി വന്നാൽ തീരുന്ന സൂക്കേടേ ഇവനുള്ളൂ.. ഇവനെപ്പോലെയുള്ളവർക്കും അതൊക്കെത്തന്നെ  കാണൂ..

എന്ത് ജാഡകാണിച്ചാലും എന്ത് പോക്രിത്തരം വിളമ്പിയാലും സ്വശരീരത്തിനു ഏൽക്കുമ്പോ സ്രുഷ്ടിച്ചവരെയും സ്രുഷ്ടാവിനെയുമൊക്കെ താനെ ഓർമ്മവരും..

അത് കൊണ്ടാണല്ലോ പൊടുന്നനെ അടികിട്ടുമ്പോ..കാലു തെന്നി വീഴുമ്പോ..ഒക്കെ.." അമ്മേ" എന്നും "അള്ളാ" എന്നും ഒക്കെ ഉടനടി വായിൽക്കൂടി വരുന്നത്...

ഏവർക്കും  നല്ലൊരു ദിനം ആശംസിക്കുന്നു...


Related Posts with Thumbnails

On 2017, ഡിസംബർ 18, തിങ്കളാഴ്‌ച 0 അഭിപ്രായ(ങ്ങള്‍)
Bookmark and Share



കൊച്ച് വെളുപ്പാൻ കാലത്ത് കുത്തിപ്പൊക്കി എണീറ്റ് കയ്യും കാലും മുഖവും കഴുകിയെന്ന് വരുത്തി ശടപടേന്ന് കിട്ടിയ തുണിയും വാരിചുറ്റി ഒരു ഓട്ടമുണ്ട്...മദ്രസ്സയിലേക്ക്..  മനമില്ലാമനമോടെ   ഉറക്കവും തൂങ്ങി മുതുവത്തുമ്മൽ ഹയ്യാത്തുൽ ഇസ്ലാം മദ്രസ്സയിലെ കാലിളകിയ ബെഞ്ചിൽ ഇരുന്ന് കോട്ടുവായിടുകയായിരുന്നു ഞ്യാൻ.....അപ്പോഴാണു ബഷീർ മുസ്ല്യാരുടെ ഒച്ച കാതിലലച്ചത്...
.
"കും....കും.."

 കണ്ണ് മിഴിച്ച് ചുറ്റിലും നോക്കി...എല്ലാരും എന്നെത്തന്നെ നോക്കി നിൽക്കുന്നു...
.
" അന്തം വിട്ട പെരുച്ചാഴി മാതിരി നോക്കണ്ട...അന്നോട് തന്നെ...കും..."
( എണീക്കാനാണു..)
.
ഞാനെണീറ്റു..
.
"പറ.."
.
"ഫഅല" ഒന്ന് സർഫാക്കിക്കേ...
.
പറ്റിച്ചല്ലോ പടച്ചോനെ...ഈ ചങ്ങായിന്റൊരു സർഫ് നഹ്‌വ്..
.
"എന്തേ മുണ്ടാട്ടം ഇല്ല്യേ.."ഫഅല" ബേം പറ..."
.
അയാളെപ്പോലെ തന്നെയിരിക്കുന്ന കുറിയ ചൂരൽ വടി കയ്യിലിട്ട് കറക്കി ബഷീർ മുസ്ല്യാർ..."
.
"ഫഅല, ....ഫഅലാ...ഫഅലീ.."
.
"ലീ..അല്ല..ഫഅലൂ...ഉം...ഉം..ബാക്കി പറ..ബേം.."
.
"ഫഅൽത...ഫഅൽത...ഫലൂത.."
.
"ഫലൂഡ ല്ല..ഫ്രൂട്ട് സലാഡ്.." മുണങ്ങണ കാര്യം മാത്രേള്ളൂ..."

 " ഫഅൽത......."

".ബാക്കി ..ല്ല്യേ..."
.
"ണ്ട്...അത്...അത്...അത് ഞാൻ മറന്ന് പോയി..."
.
"ആഹാ...ഇജ്ജ് മറന്ന് പോയല്ലേ....അങ്ങനെ മറക്കാൻ പറ്റൂലല്ലോ....".
.
"ക്ലാസ്സെടുക്കണ നേരം അന്തം ബുട്ടങ്ങനെ ഇരിക്കും..അനക്ക് മറവിക്കുള്ള നല്ല ഒരു മരുന്ന് എന്റെട്ത്ത് ഉണ്ട്,...നല്ല ഒന്നാന്തരം കഷായം...ചൂരൽ കഷായം..ആ..കയ്യൊന്ന് നീട്ടിക്കേ..."

"അയ്യോ...ഉസ്താദെ..ഞാൻ പഠിച്ചോളാം..."
.
"കയ്യ് നീട്ടടാ..."
.
ഉയർന്ന് പൊങ്ങിയ ചൂരൽ ...
ഉള്ളൻ കയ്യിൽ തിണർത്ത് പൊങ്ങി...
ഉടഞ്ഞ് പോയ ഉക്തികൾ..
ഉരുണ്ട് കൂടിയ കണ്ണീർത്തുള്ളികൾ..
ഉള്ളം വിങ്ങിയ തേങ്ങലുകൾ...
ഉചിതമായ പാകപ്പെടുത്തലുകൾ..
ഉള്ളിലുറച്ച ഉച്ചാരണങ്ങൾ..
ഉദ്ധീപിപ്പിച്ച ഉദ്യമങ്ങൾ..

ഒന്നും മറന്നിട്ടില്ല...മറക്കുകയുമില്ല...എത്ര തല്ലിയാലും ശാസിച്ചാലും വെറുപ്പിന്റെ ഒരംശം പോലും എന്നിലില്ലായിരുന്നു..അതെല്ലാം    എന്നിലെ എന്നെ വാർത്തെടുക്കാനുള്ള മഹത്കർമ്മമായിരുന്നു എന്ന് ഇന്ന് ഞാൻ മനസ്സിലാക്കുന്നു...


.
ഉള്ളത് പറയാലോ.ഇപ്പോൾ ഈ സൗദി അറേബ്യയിൽ അറബികളോടൊപ്പം നാലഞ്ചാണ്ടുകൾ കഴിഞ്ഞിട്ടും....അന്ന് കലക്കി കുടിച്ച സർഫും നഹ്‌വും...അതിനു വേണ്ടി കൊണ്ട അടികൾ...അതൊക്കെ എന്നാത്തിനായിരുന്നു എന്ന് ഇന്നും  ഒരു പിടിയും കിട്ടുന്നില്ല...
.
അതൊക്കെ പോട്ടെ..
.
 ഇന്ന് ലോക അറബിഭാഷാ ദിനമാണത്രേ...അപ്പോ ഒരു പഴയ ഓർമ്മ പങ്ക് വെച്ചൂന്ന് മാത്രം...




Related Posts with Thumbnails

On 2017, ഡിസംബർ 17, ഞായറാഴ്‌ച 0 അഭിപ്രായ(ങ്ങള്‍)
Bookmark and Share



"അല്ല...സാറെ..ഒരു സംശയം.."

"ങേ...എന്താപ്പോ...നിനക്ക് ഇത്രവലിയ സംശയം"

"അത്..പിന്നെ..ഈ എയ്ഡ്സ് ബോധവത്കരണോം... കമ്മൽ കട്ട ഡാൻസും ..എനിക്ക് അതങ്ങ്ട്ട് മനസ്സിലാവണില്ല..."

"അതിൽ എന്താ നിനക്ക് മനസ്സിലാകാത്തത്..ഒന്ന് തെളിച്ച് പറ"

" അതല്ല ..സാറെ, റോഡിലിറങ്ങി ഡാൻസ് കളിച്ചാ അതെങ്ങനെ എയ്ഡ്സ് ബോധവത്കരണമാവും.....ന്നാ...."

"ഹ..ഹ...ഹ.. എട പൊട്ട..അതാണു ഫ്ലാഷ് മോബ്.."

"എന്ന് വെച്ചാ.."

" അതായത്..ഫ്ലാഷ്മോബുകളുടെ ഉദ്ധേശ്യം എന്തെന്നാൽ  സാമൂഹിക പ്രസക്തിയുള്ള എന്തെങ്കിലും വിഷയം അല്ലെങ്കിൽ  സന്ദേശം വളരെ പെട്ടന്ന് ജനങ്ങളുടെ ശ്രദ്ധയാകര്‍ഷിപ്പിച്ച് അവരിലേക്ക് എത്തിക്കുക എന്നതാണ് "

"ആ..ഹാ.."

"രക്തദാനം, അവയവദാനം, സ്ത്രീ സുരക്ഷ, വനസംരക്ഷണം...etc തുടങ്ങിയ ആശയങ്ങൾ,സന്ദേശങ്ങൾ സമൂഹത്തിലേക്ക് എത്തിക്കുക എന്ന ആശയത്തിൽ ഊന്നി നിന്നാണ് ഫ്‌ളാഷ് മോബുകള്‍ സാധാരണ ഉണ്ടാകുന്നത്..ചില വിദേശ രാജ്യങ്ങളിൽ വിവാഹ‌- പ്രണയാഭ്യർത്ഥനകൾ വരെ ഇപ്പോ ഇങ്ങനെ ആയിട്ടുണ്ട്.."

"അയിനെന്തിനാ റോട്ടീക്കിടന്ന് ഡാൻസ് കളിക്കണത്.."

" നീ ..ധ്രുതി വെക്കല്ലേ,,ഞാൻ പറയട്ടേ...

  അപ്രതീക്ഷിതമായി ആള്‍കൂട്ടത്തിനിടയില്‍ നിന്നും കുറച്ചു ആളുകള്‍ കടന്നു വന്നു സംഗീതത്തിന്റെ അകമ്പടിയോടെ നൃത്തം ചെയ്യുക എന്നതിന്റെ ഉദ്ധേശ്യം ആൾക്കൂട്ടത്തിന്റെ ശ്രദ്ധ വളരെ പെട്ടെന്ന് കേന്ദ്രീകരിക്കുക എന്നത് മാത്രമാണു...ആ ന്രുത്തങ്ങൾക്ക് പുറകേ ലഖുലേഖ വിതരണം, പ്രസംഗങ്ങൾ, മറ്റ് പ്രദർശനങ്ങൾ എന്നിവ ഉണ്ടായെന്നും ഇല്ലെന്നും വരാം...മൊത്തത്തിൽ സംഘാടകർ മുന്നോട്ട് വെക്കുന്ന ആശയത്തിലേക്ക് സന്ദേശത്തിലേക്ക് ആൾക്കൂട്ടത്തെ പെട്ടെന്ന് ആകർഷിപ്പിക്കാനും അല്പനേരമെങ്കിലും അവരെ പിടിച്ച് നിർത്തുവാനും ലോകമെങ്ങും ഇന്ന് പ്രചാരത്തിലുള്ള ഒരു അവതരണ ശൈലിയാണു ഫ്ലാഷ്മോബുകൾ... കേരളത്തില്‍ പണ്ട് ശക്തമായിരുന്ന തെരുവുനാടകങ്ങളുടെ മറ്റൊരു രൂപം തന്നെയാണ് ഫ്‌ളാഷ് മോബുകള്‍ എന്നും പറയാം..."

" ഓ..ഹോ..അപ്പ ..അതാണു ഫ്ലാഷ് മോബ്..ല്ലെ.."

" അതെ..നിനക്ക് ഇപ്പം കാര്യം മനസ്സിലായല്ലോ...അത്രേയുള്ളു... "

" അപ്പം..സാറെ ,,ഞമ്മക്ക് ഒരു ഫ്ലാഷ് മോബ് വെച്ചാലോ..മലപ്പൊറത്ത് ടൗണിൽ തന്നെ.."

" അതെന്തിനാ ഇപ്പൊ ഒരു ഫ്ലാഷ് മോബ്"

" അല്ല...വർദ്ധിച്ച് വരുന്ന ഫ്ലാഷ് മോബുകൾക്കെതിരെ പ്രതിഷേധിച്ച് കൊണ്ട് ഒരു ഫ്ലാഷ് മോബ്.."

" പൊയ്ക്കോ..അവിടുന്ന്,..കാര്യം പറഞ്ഞ് തന്നപ്പോ ആളെ കളിയാക്കുന്നോ.."

"ഹ..ഹ...ചൂടാവണ്ട..സാറെ,..ഞാൻ ചുമ്മാ ഒരു തമാസ പറഞ്ഞതല്ലേ.."

"ഉം..ഉം...എനിക്ക് മനസ്സിലായി, നടക്കട്ടെ...നടക്കട്ടെ.."


Related Posts with Thumbnails

On 2017, ഡിസംബർ 15, വെള്ളിയാഴ്‌ച 0 അഭിപ്രായ(ങ്ങള്‍)
Bookmark and Share





ബഹുമാനപ്പെട്ട മുഖ്യമന്ത്രി,
താങ്കളുടെ പിഴ...
......................................................
താങ്കളുടെ മാത്രം വലിയ പിഴ...
'അത്യാധുനിക ഇന്ത്യയുടെ' ഒരു സംസ്ഥാനത്തെ ഭരണാധികാരി ആയി ഇരിക്കാൻ താങ്കൾ ഒരിക്കലും യോഗ്യൻ അല്ല.
ഇത്രയും വലിയ ഒരു ദുരന്തം ഉണ്ടാകുമ്പോൾ താങ്കൾ താങ്കളുടെ രണ്ടു മന്ത്രിമാരെ മുഴുവൻ സമയ രക്ഷാ പ്രവർത്തനത്തിന് നിയോഗിച്ചു. അവർ ആ കടമ ഭംഗിയോടെ നിർവഹിക്കുന്നു, താങ്കളുടെ വലിയ പിഴ.
ഭരണ കർത്താവെന്ന നിലയിലുള്ള സകല തിരക്കിനിടയിലും താങ്കൾ രക്ഷാ പ്രവർത്തനം ഏകോപിപ്പിക്കാനും സ്ഥിതിഗതികൾ വിലയിരുത്താനും നിരന്തരം സമയം പാഴാക്കുന്നു. താങ്കളുടെ വലിയ പിഴ.
താങ്കളുടെ ഈ തിരക്ക് പിടിച്ച സമയത്തിൽ ഒരിത്തിരി മാറ്റി വച്ചാൽ മതിയായിരുന്നു. വെറും ഒന്നോ രണ്ടോ മണിക്കൂർ മാറ്റി വച്ച് ഒരു 5 മാധ്യമ ക്യാമെറകളെയും കൊണ്ട് പോയി ആ കടൽ തീരത്തു നിന്ന് ഒന്ന് പോസ് ചെയ്‌താൽ മതിയായിരുന്നു. മുണ്ട് മടക്കി കുത്തി മുട്ടോളം കടൽ വെള്ളത്തിൽ നിന്ന് ദൂരേക്ക്‌ കൈ ചൂണ്ടി നിൽക്കുന്ന ഒരു പോസ്. തീരത്തു നിന്ന് കരയുന്ന ഒരു അമ്മയെ കെട്ടിപ്പിടിച്ചു മറ്റൊരു പോസ്. പിന്നെയും സമയം ഉണ്ടായിരുന്നെങ്കിൽ ഒരു ഹെലികോപ്റ്റർ യാത്ര. ഇത്രയും മതിയായിരുന്നു. പക്ഷെ താങ്കൾ അത് ചെയ്തില്ല. പകരം നാവിക വ്യോമസേനാ ഉദ്യോഗസ്ഥരുമായി നിരന്തര ചര്ച്ചകള് ചെയ്തു രക്ഷാ പ്രവർത്തനം ഏകോപിപ്പിക്കുന്നതിൽ വ്യാപൃതനായി സമയം പാഴാക്കി. താങ്കളുടെ വലിയ പിഴ.
'അത്യാധുനിക ഇന്ത്യയുടെ' മറ്റു സംസ്ഥാന മുഖ്യമന്ത്രിമാരെ കണ്ടു താങ്കൾ പഠിക്കേണ്ടിയിരിക്കുന്നു. ട്വീറ്റുകളും റീട്വീറ്റുകളുമായി കളം നിറഞ്ഞു കളിക്കേണ്ട ഗോൾഡൻ ഹവറിൽ താങ്കൾ കളക്ടര്മാരുടെ അടുത്ത് പുരോഗതി വിലയിരുത്താനും ദുരിതാശ്വാസ ധനം തീരുമാനിക്കാനും പ്രഖ്യാപിക്കാനും ഒക്കെ സമയം പാഴാക്കി. ഓരോ മണിക്കൂറിലും പത്ര സമ്മേളനം നടത്താനും മാധ്യമങ്ങളുടെ ഇടപെടലിനെ പുകഴ്ത്താനും താങ്കൾക്കു സമയം കിട്ടാതെ പോയി. താങ്കളുടെ പിഴ.
ഇത്രയും വലിയ ദുരന്തം ഏറ്റു വാങ്ങികൊണ്ടിരിക്കുന്ന ഓരോ മൽസ്യ തൊഴിലാളിയും, ട്വിറ്ററിലും ഫേസ്ബുക്കിലും നോക്കി കൊണ്ട് ഇരിക്കുകയാണെന്ന സാമാന്യ ബോധം താങ്കൾക്കു വേണമായിരുന്നു. ഒരു ട്വീറ്റിന് കണ്ണിൽ എണ്ണയൊഴിച്ചു കാത്തിരിക്കുകയാണെന്ന് അറിയണമായിരുന്നു.
പുര കത്തുമ്പോൾ ഉള്ള വാഴ വെട്ടൽ കണ്ടിട്ടും അതിൽ നിന്ന് ഒരു കഴുക്കോൽ എങ്കിലും ഊരിയെടുക്കാൻ ശ്രമിക്കാത്ത ഈ ആത്മാര്ഥതയില്ലായ്മ. താങ്കളുടെ ഈ ആത്മാർഥത ഇല്ലായ്മ ആണ് താങ്കളെ ഇന്ന് പ്രതിക്കൂട്ടിൽ നിർത്തിയിരിക്കുന്നത്.
ഇത്തിരി വൈകിയെങ്കിലും, ഇനിയെങ്കിലും ഉണരുക. തട്ടേൽ കയറി ആ നാടകത്തിന്റെ കർട്ടൻ ഉയർത്തുക. നിറഞ്ഞാടുക,
ഇല്ലെങ്കിൽ ഈ 'അത്യാധുനിക ഇന്ത്യയുടെ' ഒരു സംസ്ഥാനത്തെ ഭരണാധികാരി ആയി ഇരിക്കാൻ താങ്കൾ ഒരിക്കലും യോഗ്യൻ അല്ല...
( കടപ്പാട്: സാമാന്യബോധത്തോടെ കാര്യങ്ങളെ നിരീക്ഷിച്ച ഏതോനല്ല മനസിന്.)
Related Posts with Thumbnails

On 2017, ഡിസംബർ 12, ചൊവ്വാഴ്ച 0 അഭിപ്രായ(ങ്ങള്‍)
Bookmark and Share



"ഇവിടൊരു എയ്ഡ്സ് ദിനോം ഡാൻസുകളീം ഒത്തുവന്നതും
ചിലരുടെ മുഖം മൂടികീറിപ്പോയകാര്യം ഓർത്തുപോകവേ
കുരുപൊട്ടിയ കാക്കമാർക്ക് ഓതിക്കൊടുത്ത് പാട് പെട്ട് പോയ്...
ഇവിടെല്ലാരും സദാചാരസേനാപതി...വീരാ പടു കാമലോലുപാ
എന്റമ്മേടെ വ്യക്തിസ്വാതന്ത്ര്യം ആരാണ്ടൊക്കെ കട്ടോണ്ടുപോയേ
എന്റ ദീനിന്റെ സകലകുലാവി എന്റമ്മോ ഒലിച്ച് പോയേ....
ലലലാാ....ലാ...ലലലാാാ.ലലലാ...ലാാാലാാ..ലലലാാ..ലാലാാ..."



വീട്ടിലിരുന്ന് ടി.വി നെറച്ചും റിയാലിറ്റി ഷോ കാണാം..സിനിമ കാണാം...യുവജനോത്സവങ്ങളിലും കലാമേളകളിലുമൊക്കെ ഏത് കൂതറ ഡാൻസും കളിക്കാം.. കാണാം..കല്ല്യാണങ്ങളിലും മറ്റ് പ്രോഗ്രാമുകളിലുമൊക്കെ ആണും പെണ്ണും കൂടിക്കുഴഞ്ഞ് വിരാചിക്കാം...റോട്ടിമ്മെക്കൂടി പോകണ സകല ലലനാമണികളെയും വായ്നോക്കിയിരിക്കാം...സൈറ്റടിക്കാം...അയിനൊന്നും ഞമ്മക്കൊരു കൊയപ്പവുമില്ല...അയിനൊന്നും ഞമ്മളു പ്രതികരിക്കൂല...
ഇതിപ്പോ ഞമ്മടെ മലപ്പൊറത്തങ്ങാടീ വെച്ച് ജിമിക്കിയും കമ്മലും കളിക്കേ....ഹേയ്...ഞമ്മളു സമ്മതിക്കൂല...ഞമ്മടെ ദീനു സമ്മതിക്കൂല...ഹറാാാമ്....
ആ പെങ്കുട്ട്യോളു ഡാൻസ് കളിച്ചത് എയ്ഡ്സ് ബോധവത്കരണത്തിന്റെ പേരിൽ...
അതിനു ആ പെങ്ക്യുട്ട്യോളെ തന്തക്കും തള്ളക്കും കേട്ടാലറക്കുന്ന തെറികളും വിളിച്ചത് ദീനും ഇസ്ലാമിന്റെ പേരിൽ...
അടിപൊളി....ബാ...പൂവാം..
നോട്ട് ദ പോയന്റ്;
ഞമ്മക്ക് ആരെയും വിമർശിക്കാം..പക്ഷേങ്കിലും ഞമ്മളെ ആരും വിമർശിക്കാൻ പറ്റൂല..അയിനും ഞമ്മളു സമ്മതിക്കൂല...അത് ഇഞ്ഞി ഏത് കൊമ്പത്തെ റേഡിയോ ജോക്കി ആയാലും..
#ആർ.ജെ,സൂരജിനൊപ്പം...
Related Posts with Thumbnails

On 2017, ഡിസംബർ 8, വെള്ളിയാഴ്‌ച 0 അഭിപ്രായ(ങ്ങള്‍)
Bookmark and Share





 തന്റെ കവിതാ രചനയുടെ വസന്ത കാലത്തിൽ ഒട്ടും സൗകര്യമില്ലാത്ത  ഒറ്റ മുറി വീട്ടിലാണ് ഇഖ്ബാൽ താമസിച്ചിരുന്നത് , കവിതകൾ രചിക്കാൻ ഒരു തരത്തിലും യോജിക്കാത്ത അന്തരീക്ഷമായിരുന്നു അവിടം , ഒരു ബാസാറിന് അടുത്തായത് കൊണ്ട് രാത്രികളിൽ പോലും ബഹള മയമുള്ള ചുറ്റുപാട്

പല പ്രമുഖരും തങ്ങളുടെ പ്രസിദ്ധീകരണങ്ങൾക്ക് വേണ്ടിയുള്ള രചനകൾ എഴുതി വാങ്ങാൻ അദ്ദേഹത്തെ സന്ദർശിച്ചത് ആ വീട്ടിലായിരുന്നു , ഒരിക്കൽ അവിടം സന്ദർശിച്ച ഒരാൾ അത്ഭുതപ്പെട്ടു കൊണ്ട് ചോദിച്ചു

' അങ്ങ് ഇവിടെ ഇരുന്ന് എങ്ങിനെ എഴുതുന്നു ? എന്തൊരു ശബ്ദ മുഖരിതമാണ് ഇവിടം , ഈ ബാസാറിന് നടുവിൽ നിന്നാണോ അങ്ങ് ഇത്ര സുന്ദരമായി കവിത രചിക്കുന്നത് ? അങ്ങേക്ക് നല്ലൊരു വീട് ഞാൻ തരപ്പെടുത്താം , എന്തിന് ഇവിടെ കിടന്ന് താങ്കൾ ബുദ്ധിമുട്ടുന്നു ?

ഇത് കേട്ട് നേർത്ത പുഞ്ചിരിയോടെ അല്ലാമാ ഇഖ്ബാൽ പറഞ്ഞു , എനിക്ക് എല്ലാ അർത്ഥത്തിലും ഇവിടെ സുഖകരം ആയത് കൊണ്ടല്ല ഞാൻ ഈ വീട്ടിൽ ജീവിക്കുന്നത് , ഈ വീടിന് ഞാൻ മാസം നൽകുന്ന ചെറിയ വാടക കൊണ്ട് രണ്ട് അനാഥ കുഞ്ഞുങ്ങളെ സ്‌കൂൾ ഫീസ് നൽകുന്നുണ്ട് , അച്ഛനും അമ്മയും ചെറുപ്പത്തിലെ മരണപ്പെട്ട ആ കുഞ്ഞുങ്ങളെ വീടാണ് ഇത് , അവരെ ബന്ധുക്കൾ നോക്കുന്നു ഞാൻ ഇവിടെ നിന്ന് പോയാൽ ഈ വീട് പിന്നെ അത്ര പെട്ടെന്ന്  ആരും വാടകക്ക് എടുക്കില്ല , അത് മൂലം അവരെ പഠിത്തം നിൽക്കും അത് കൊണ്ട് കഴിയുന്ന കാലം ഞാൻ ഈ വീട്ടിൽ തന്നെ താമസിക്കും '


അല്ലാമ ഇഖ്ബാൽ എന്ന മനുഷ്യസ്നേഹിയായ കവിയുടെ ജീവിതത്തിൽ നിന്ന് ഒരേട്....

ഇഖ്ബാൽ പാടി..ഇങ്ങനെ..

"ചില നേരം, അനർഹരുടെ കരങ്ങളി വന്നു ചേരും
അധികാരം.
രത്നസമാനരായവ
നിന്ദ്യരായും കാണപ്പെടും...

അതിന്റെയൊക്കെ നടപടികളി
വല്ല യുക്തിയും മറഞ്ഞിരിപ്പുണ്ടാകാം...
എന്നാൽ, പ്രത്യക്ഷ യുക്തി അനുസരിച്ചല്ല
വിധിയുടെ വ്യാപാരം.

എങ്കിലും,
സമൂഹങ്ങളുടെ ചരിത്രം വെളുപ്പെടുത്തിത്തരുന്നൊരു യാഥാർത്ഥ്യം
എല്ലാവർക്കുമറിയാം-

'വിധിയുടെ കണ്ണുകളെപ്പോഴും ആളുകളുടെ പ്രവർത്തനങ്ങളിലാണ്.
അവയാകട്ടെ, മൂർച്ചയേറിയ ഖഡ്ഗം പോലെയും.."


Related Posts with Thumbnails

On 2017, ഡിസംബർ 6, ബുധനാഴ്‌ച 0 അഭിപ്രായ(ങ്ങള്‍)
Bookmark and Share



ഇന്ത്യൻ ഭരണഘടനയുടെ ആമുഖം ആരംഭിക്കുന്നത് വളരെ പ്രൗഡമായ ഒരു പ്രസ്താവനയോടെയാണു...അതിങ്ങനെയാണു.
"ഭാരതത്തിലെ ജനങ്ങളായ നാം ഭാരതത്തെ ഒരു പരമാധികാര സ്ഥിതി സമത്വ മതേതര ജനാധിപത്യ റിപ്പബ്ലിക്കായി സംവിധാനം ചെയ്യുവാനും അതിലെ പൗരന്മാർക്കെല്ലാം സാമൂഹ്യവും സാമ്പത്തികവും രാഷ്ട്രീയവും ആയ നീതിയും ചിന്തയ്ക്കും ആശയപ്രകടനത്തിനും വിശ്വാസത്തിനും മതനിഷ്ഠക്കും ആരാധനക്കും ഉള്ള സ്വാന്തന്ത്ര്യവും പദവിയിലും അവസരത്തിലും സമത്വവും സം പ്രാപതമാക്കുവാനും അവർക്കെല്ലാമിടയിൽ വ്യക്തിയുടെ അന്തസ്സും രാഷ്ട്രത്തിന്റെ ഐക്യവും അഖണ്ഡതയും ഉറപ്പ് വരുത്തിക്കൊണ്ട് സാഹോദര്യം പുലർത്തുവാനും സഗൗരവം തീരുമാനിച്ചിരിക്കയാൽ നമ്മുടെ ഭരണഘടനാ നിർമ്മാണസഭയിൽ ഈ 1949 നവമ്പർ ഇരുപത്താറാം ദിവസം ഇതിനാൽ ഈ ഭരണഘടനയെ സ്വീകരിക്കുകയും നിയമമാക്കുകയും നമുക്ക് തന്നെ പ്രദാനം ചെയ്യുകയും ചെയ്യുന്നു..."
ഒന്നുല്ല്യ..ഇന്ന് ഡിസംബർ ആറു ഒക്കെയല്ലേ..... വെർതെ ഒന്ന് ഓർമ്മപ്പെടുത്തുന്നു.......എന്നെയും നിങ്ങളെയും...അത്ര മാത്രം...
Related Posts with Thumbnails

On 2017, ഡിസംബർ 2, ശനിയാഴ്‌ച 0 അഭിപ്രായ(ങ്ങള്‍)
Bookmark and Share



"പുലിവാലു പിടിക്കുക" എന്ന് കേട്ടിട്ടേയുള്ളു..വാലേന്ന് വിട്ടാലും ഇല്ലേലും പണി ഒറപ്പാ...അമ്മാതിരി ഏടാകൂടത്തിലാ കൊച്ചി മെട്രോ ചെന്ന് ചാടിയത്..
മെട്രോയുടെ ചിഹ്നമായ കുഞ്ഞൻ ആനക്കുട്ടിക്ക് ഒരു നാമം നിർദ്ധേശിക്കാനാണു ഫേസ്ബുക്കിലൊരു പോസ്റ്റിട്ടത്..ആർക്കും പേർ നിർദ്ധേശിക്കാം..ഏറ്റവും കൂടുതൽ ലൈക്ക് ലഭിക്കുന്ന ആദ്യ മൂന്ന് പേരുകളിൽ നിന്ന് ഒന്ന് അവർ തിരഞ്ഞെടുക്കും....

സംഗതി കിടിലൻ..

പക്ഷേ ട്രോളന്മാർ പണിപറ്റിച്ചു..

ലിജോവർഗ്ഗീസ് എന്നയാൾ ഒരു പേരു നിർദ്ധേശിച്ചു..അതിനെയെല്ലാവരും കൂടിയങ്ങ് ലൈക്ക് ചെയ്ത് ഒന്നാം നമ്പറാക്കി...ആ പേരേതാണെന്ന് അറിയോ..

അതാാണു " കുമ്മനാന" , 

കൊച്ചി മെട്രോയുടെ ആനക്കുട്ടിക്ക് ഇടാൻ പറ്റിയ അസ്സൽ പേരു തന്നെ..ഹ..ഹ..ഹ,

വേറെ ചിലർ നിർദ്ധേശിച്ചത് " കണ്ണന്താന", നല്ലതള്ളലും പുള്ളിംഗും കൂടുമത്രേ..ഹ..ഹ...ചിരിച്ച് ചിരിച്ച് ഒരു വഴിക്കായി..

കൊച്ചി മെട്രോ അധികാരികൾ ഇപ്പോ പിടിച്ചതാണു അസ്സൽ പുലിവാലു.." കുമ്മനാന" .എന്തായിത്തീരുമോ..എന്തോ..കാത്തിരുന്ന് കാണാം..

ഐ സപ്പോർട്ട് "കുമ്മനാന"

 ലിങ്ക് ദാ താഴെ.............

https://www.facebook.com/KochiMetroRail/posts/1690612327626941


Related Posts with Thumbnails

Bookmark and Share



ഇന്ത്യാക്കാരനായ ആദ്യത്തെ ഇന്റർ നാഷണൽ നടൻ ആരാണെന്നറിയാമോ..?
അധികമാർക്കും അറിയാൻ വഴിയില്ല...
ദ ഗ്രേറ്റ് ഇന്ത്യൻ ആക്റ്റർ സാബു ദസ്തഗിർ..
മൈസൂരിനടുത്തെ കാരപൂരിൽ ഒരു ആനപ്പാപ്പാന്റെ മകനായി ജനിക്കുകയും ബാല്യത്തിൽ തന്നെ അതേ തൊഴിൽ സ്വീകരിക്കുകയും ചെയ്ത സാബു വാണു പിന്നീട് ഹോളിവുഡ് സിനിമകളിലെ സൂപ്പർ നടന്മാരിൽ ഒരാളായി മാറിയത്...
അതിശയകരമായ ഒരു കഥയാണത്....സ്വല്പം പഴയതാണു..എന്ന് വെച്ചാൽ 1934ൽ വിഖ്യാത ബ്രിട്ടീഷ് സംവിധായകൻ റോബർട്ട് ജെ,ഫ്ലഹെർട്ട് ഒരു പടം പിടിക്കാൻ തീരുമാനിക്കുന്നു..ചിത്രത്തിലെ പ്രധാന കഥാപാത്രത്തിനു അനുയോജ്യനായ ഒരു ബാലതാരത്തെ അന്വേഷിച്ച് നടക്കുകയായിരുന്നു ഫ്ലഹെർട്ട്...അപ്പോഴാണു സാബുവിനെ കാണുന്നത്...കാണുക എന്ന് വെച്ചാൽ അത് വെറുമൊരു കാണലല്ല,..
മൈസൂർ രാജാവിന്റെ ആനപ്പാപ്പാന്മാരിൽ ഒരാളായിരുന്നു സാബിവിന്റെ അച്ഛൻ,വളരെ ചെറുപ്പത്തിൽ തന്നെ സാബുവിന്റെ മാതാവ് മരണപ്പെട്ടു..സാബൂവിനു  ഒമ്പതോ പത്തോ വയസ്സുള്ളപ്പോൾ  പിതാവും മരണപ്പെട്ടു..അനാഥനായ സാബു വളരെ ചെറുപ്രായത്തിൽ തന്നെ പിതാവിന്റെ ജോലി ഏറ്റെടുക്കുകയായിരുന്നു..അങ്ങനെ ആനയെയും തെളിച്ച് കൊണ്ട് വരുന്ന ആ കാഴ്ചയാണു നമ്മുടെ സംവിധായകൻ കാണുന്നത്..തന്റെ കഥാപാത്രത്തിനു അനുയോജ്യമാണു ആ ബാലൻ എന്ന് മനസ്സിലാക്കിയ സംവിധായകൻ സാബുവിനെ തന്റെ സിനിമയുടെ ലോകത്തേക്ക് കൈപിടിച്ചുയർത്തുകയായിരുന്നു..അങ്ങനെയാണു " ദ എലഫന്റ് ബോയ് " എന്ന ക്ലാസിക് സിനിമ ഇറങ്ങുന്നത്..ആ പടത്തിൽ അഭിനയിക്കുമ്പോൾ സാബുവിനു വയസ്സ് വെറും പതിനൊന്ന്..
ആ ചിത്രം അങ്ങ് ഹിറ്റായി..പാശ്ചാത്യ താരങ്ങൾ അടക്കി വാണ ബ്രിട്ടീഷ് സിനിമകളിലേക്ക് ഒരു ഇന്ത്യൻ ബാലന്റെ രംഗപ്രവേശം ഏറെ ചർച്ച ചെയ്യപ്പെട്ടു.അതിനാൽ തന്നെ ഏറെ ആരാധകരും ഉണ്ടായിരുന്നു...ചിത്രത്തിന്റെ പ്രചാരണത്തിന്റെ ഭാഗമായി സാബു ലണ്ടനിലെത്തി..അതോടെ സിനിമാ ആസ്വാദകരുടെ ഇഷ്ടതാരമായി സാബു മാറി,.സാബുവിന്റെ മികച്ച പ്രകടനം എലഫന്റെ ബോയി എന്ന സിനിമക്ക് ഒട്ടേറേ പുരസ്കാരങ്ങൾ നേടിക്കൊടുത്തു..
ആദ്യ ചിത്രത്തിന്റെ തരംഗം കെട്ടടങ്ങും മുമ്പ്‌ സാബുവിനെത്തേടി അടുത്ത അവസരമെത്തി. സുൽത്താൻ കോർദ എ.ഇ മാൻസന്റെ നോവലിനെ ആധാരമാക്കി ഒരുക്കിയദ ഡ്രം ആയിരുന്നു ചിത്രം. ഈ ചിത്രത്തിന്റെ പ്രചാരണ പരിപാടികളുടെ ഭാഗമായാണ്‌ സാബു ആദ്യം അമേരിക്കയിലെത്തുന്നത്‌.
മൂന്നാമത്തെ ചിത്രമായ ദ തീഫ്‌ ഓഫ്‌ ബഗ്ദാദ്‌ സാബുവിന്റെ അഭിനയ ജീവിതത്തിലെ നാഴികക്കല്ലായി മാറി. എക്കാലത്തെയും മികച്ച കൽപ്പിത കഥാ ചിത്രങ്ങളിലൊന്നായി പരിഗണിക്കപ്പെടുന്ന ഇത്‌ സംവിധാനം ചെയ്തത്‌ ലുഡ്‌വിഗ്‌ ബെർഗർ, മൈക്കൽ പവൽ, ടിം വെലൻ എന്നിവർ ചേർന്നാണ്‌. പ്രധാന കഥാപാത്രമായ അബുവിനെയാണ്‌ സാബു അവതരിപ്പിച്ചത്‌.. രണ്ടാം ലോക മഹായുദ്ധം ആരംഭിച്ചതിനെ തുടർന്ന്‌ തടസപ്പെട്ട ചിത്രീകരണവും അനുബന്ധ ജോലികളും ഇടക്ക്‌ ഹോളിവുഡിലേക്ക്‌ മാറ്റേണ്ടിവന്നു. ഈ കാലതാസമത്തിനിടെ ആർ.കെ.ഒയുടെ ഗുംഗ ഡിൻ എന്ന ചിത്രത്തിൽ സാബു വേഷമിട്ടു.
1940ലെ ക്രിസ്മസ്‌ ദിനത്തിൽ പുറത്തിറങ്ങിയ ദ തീഫ്‌ ഓഫ്‌ ബഗ്ദാദ്‌ ഗംഭീര വിജയമായിരുന്നു. വർണ ചിത്രങ്ങളുടെ വിഭാഗത്തിൽ ഛായാഗ്രഹണം, കലാസംവിധാനം, ദൃശ്യ, ശബ്ദ മികവ്‌ എന്നിവക്കുള്ള ഓസ്കാർ അവാർഡുകളും ചിത്രത്തിനു ലഭിച്ചു. 
സുൽത്താൻ കോർദയും സാബുവും കൈകോർത്ത അവസാന ചിത്രവും റുഡ്യാർഡ് കിപ്ലിംഗിന്റെ രചനയെ ആസ്പദമാക്കിയുള്ളതായിരുന്നു. 1942ൽ പുറത്തിറങ്ങിയ "ജംഗിൾ ബുക്കിൽ" സാബു മൌഗ്ളിയായാണ്‌ വേഷമിട്ടത്‌. അതേ വർഷം യുണിവേഴ്സൽ പിക്ചേഴ്സുമായി കരാർ ഒപ്പിട്ട സാബു അവരുടെ നാലു ചിത്രങ്ങളിൽ(അറേബ്യൻ നൈറ്റ്സ്‌-1942, വൈറ്റ്‌ സാവേജ്‌-1943, കോബ്രാ വുമൺ-1944, ടാംഗിയർ-1946) അഭിനയിച്ചു. 
രണ്ടാം ലോക മഹായുദ്ധം രൂക്ഷമായതോടെ അമേരിക്കൻ ട്രഷറി ഡിപ്പാർട്മെൻറിന്റെ പ്രചാരണ പ്രവർത്തനങ്ങളുമായി ബന്ധപ്പെട്ട്‌ സാബു 30 നഗരങ്ങളിൽ പര്യടനം നടത്തുകയും റേഡിയോ പ്രക്ഷേപണത്തിൽ പങ്കെടുക്കുകയും ചെയ്തു. 1944ൽ സാബുവിന്‌ അമേരിക്കൻ പൗരത്വം ലഭിച്ചു. വൈകാതെ വടക്കൻ കരോലിനയിലെ ആർമി എയർഫോഴ്സ്‌ ബേസിൽ പരിശീലനത്തിനു ചേർന്ന ഇദ്ദേഹം യുദ്ധത്തിൽ അമേരിക്കൻ വിമാനങ്ങളിൽ ടെയ്ൽ ഗണാറായി സേവനമനുഷ്ഠിച്ചു. പസഫിക്‌ മേഖലയിൽ നാൽപ്പതോളം ദൌത്യങ്ങളിൽ പങ്കാളിയായ സാബുവിന്‌ വിശിഷ്ട സേവനത്തിനുള്ള പുരസ്കാരവും (ഡിസ്റ്റിംഗുഷ്ഡ്‌ ഫ്ളൈയിംഗ്‌ ക്രോസ്‌) ലഭിച്ചു. 
ബ്രിട്ടനിൽ തിരിച്ചെത്തിയയുടൻ‌ അടുത്ത ചിത്രത്തിലേക്ക്‌ ക്ഷണം ലഭിച്ചു. മൈക്കൽ പവൽ സംവിധാനം ചെയ്ത ബ്ളാക്ക്‌ നാർസിസസിൽ(1947) നായകനായിരുന്നില്ലെങ്കിലും പ്രാധാന്യമുള്ള വേഷമായിരുന്നു. അടുത്ത ചിത്രമായ എൻഡ്‌ ഓഫ്‌ ദ റിവറിൽ(1947) ബ്രസീലിയൻ താരറാണി ബിബി ഫെരെയ്‌റയായിരുന്നു സാബുവിന്റെ ഭാര്യയായി വേഷമിട്ടത്‌. 
വീണ്ടും അമേരിക്കയിലെത്തിയ സാബു യൂണിവേഴ്സൽ പിക്ചേഴ്സിന്റെ മാൻ ഈറ്റർ ഓഫ്‌ കുമായോൺ (1948)എന്ന ചിത്രത്തിൽ അഭിനയിച്ചു. അതേ വർഷം ജൂലൈയിൽ കൊളംബിയ ഫിലിംസിന്റെ സോംഗ്‌ ഓഫ്‌ ഇന്ത്യയിൽ അഭിനയിക്കുമ്പോഴാണ്‌ യുവ നടി മാരിലിൻ കൂപ്പറുമായി സാബു പ്രണയത്തിലാകുന്നത്‌. ചിത്രത്തിൽ സാബുവിന്റെ നായികയായി നിശ്ചയിച്ചിരുന്ന ഗെയ്ൽ റെസ്സലിന്റെ പകരക്കാരിയായാണ്‌ മാരിലിൻ അഭിനയിക്കാനെത്തിയത്‌. ഒക്ടോബർ 19 സാബു മാരിലിനെ വിവാഹം ചെയ്തു.

1957ൽ സാബു ആൻഡ്‌ ദ മാജിക്‌ റിംഗ്‌ എന്ന ചിത്രം പുറത്തിറങ്ങി. ഒരു നടന്റെ പേരിൽതന്നെ സിനിമ ഇറങ്ങുക എന്ന അപൂർവതയും സാബുവിന്‌ ഇതിലൂടെ സ്വന്തമായി. ജർമൻ-ഇറ്റാലിയൻ ചിത്രമായ മിസ്ട്രസ്‌ ഓഫ്‌ ദി വേൾഡ്‌(1959), റാംപേജ്‌(1963), ടൈഗർ വോക്സ്‌(1964) എന്നിവയാണ്‌ സാബുവിന്റെ അവസാന ചിത്രങ്ങൾ..


1963 ഡിസംബർ രണ്ടിന്‌ അമേരിക്കയിലെ ചാറ്റ്സ്‌വർത്തിൽ ഹൃദയാഘാതത്തെ തുടർന്നായിരുന്നു സാബുവിന്റെ അപ്രതീക്ഷിത അന്ത്യം. വിഖ്യാതരായ ചലച്ചിത്ര താരങ്ങൾ അന്ത്യവിശ്രമംകൊള്ളുന്ന ഫോറസ്റ്റ്ലോൺ സെമിത്തേരിയിലാണ്‌ മൃതദേഹം സംസ്കരിച്ചത്‌. ഇദ്ദേഹത്തിന്റെ മരണശേഷമാണ്‌ അവസാന ചിത്രമായ എ ടൈഗർ വോക്സ്‌ പുറത്തിറങ്ങിയത്‌....

സാബു ഈസ് ദ റിയൽ ആക്റ്റർ..

കേവലം ഒരു ആനപ്പാപ്പാനായി കഴിയേണ്ടിയിരുന്ന സാബു ഹോളിവുഡിലും ഇറ്റാലിയയിലും യൂറോപ്യൻ രാജ്യങ്ങളിലൊന്നടങ്കം ആരാധപ്രശംസപിടിച്ച് പറ്റിയ ഒരു നടനായി മാറിയ കഥ ഇങ്ങനെയാണു അവസാനിക്കുന്നത്..അക്കാലത്തെ നടന്മാരിൽ ഏറ്റവും സമ്പന്നനായ വ്യക്തിയും ഇദ്ധേഹമായിരുന്നു..

ലോകസിനിമയെ കയ്യിലിട്ട് അമ്മാനമാടിയ ആ അഭിനയപ്രതിഭയെ ഇനിയും അറിയില്ലഎന്ന് പറയരുത്...അത് കൊണ്ട് മാത്രം കുറിച്ചു എന്ന് മാത്രം...

എല്ലാവർക്കും നല്ല ഒരു ദിനം ആശംസിക്കുന്നു..
Related Posts with Thumbnails

On 2017, ഡിസംബർ 1, വെള്ളിയാഴ്‌ച 0 അഭിപ്രായ(ങ്ങള്‍)
Bookmark and Share



സാരസപ്പൂ ശോഭ ചിന്തി വന്ന വെണ്ണിലാവെ..
ശ്വാമസുന്ദര പാതയോതി തന്ന വെൺപ്രഭാവെ..
സരസഭാഷകരെ മുഹമ്മദ് സർവ്വസത്തിൻ ജീവെ..
സഹനസമരമിലായ് വിളങ്ങിയതാ മദീനപ്പൂവേ..
സാരമേറിയ വേദമാലെ മുന്തിടും തേൻ കാവേ..
സാഗരത്തിന്നന്തരത്തിലെ മുത്തിലും ഒളിവേ..
സരളജീവിതമേ വരിച്ച മാത്രുകാ ത്വാഹാവേ..
സർവ്വശക്തനായ നാഥൻ നൽകിയ നേതാവേ..
സ്വല്ലള്ളാഹു അലാ മുഹമ്മദ്..
സ്വല്ലള്ളാഹു അലൈഹിവസല്ലം...
Related Posts with Thumbnails

On 2017, നവംബർ 21, ചൊവ്വാഴ്ച 0 അഭിപ്രായ(ങ്ങള്‍)
Bookmark and Share



ടിപ്പു ജയന്തി..
ചൂടേറിയ വിവാദങ്ങൾ കൊടുമ്പിരികൊള്ളുന്ന സമയം....
ബ്രട്ടീഷ് ആധിപത്യത്തിനെതിരെ ശക്തിയുക്തം അടരാടി വീരമ്രുത്യു വരിച്ചുവെന്നത് ചരിത്രം..
ഒരു ചരിത്രപാരമ്പര്യവുമില്ലാത്ത ചിലർ ചരിത്രത്തെയും ചരിത്രപുരുഷന്മാരെയും അവമതിക്കുകയും അവഹേളിക്കുകയും ചെയ്യുന്നുവെന്നത് വർത്തമാനം.....
അങ്ങനെയൊരാൾ ജീവിച്ചിരിച്ചുന്നുവെന്നത് വിസ്മ്രുതിയിലാഴ്ത്തപ്പെടുകയോ ദേശവിരുദ്ധനെന്ന് മുദ്രകുത്തപ്പെടുകയോ ചെയ്ത് നിന്ദ്യനും നീചനുമാക്കിത്തീർക്കുമോ ഭാവിയിൽ...
മുൻ രാഷ്ട്രപതി എ.പി.ജെ അബ്ദുൽ കലാം തന്റെ ആത്മകഥയായ "അഗ്നിച്ചിറകുകൾ" എന്ന പുസ്തകത്തിൽ ടിപ്പുവിനെ സ്മരിക്കുന്ന ഒരു ഭാഗമുണ്ട്....ആ ഭാഗത്തിന്റെ സ്ക്രീൻ ഷോട്ട് താഴെ..

..
വന്ദിച്ചില്ലെങ്കിലും നമുക്ക് നിന്ദിക്കാതിരിക്കാം..

Related Posts with Thumbnails

Bookmark and Share



സോഷ്യൽ മീഡിയ..ഈ കാലഘട്ടത്തിലെ പ്രധാന പോർനിലം..ആളും അർത്ഥവും ഉണ്ടാക്കാനും എതിരാളികളെ ആക്രമിച്ച് നിലം പരിശാക്കാനും ഒക്കെ പാർട്ടികളും സംഘടനകളും വ്യക്തികളുമൊക്കെ കച്ചകെട്ടിയിറങ്ങുന്ന പടക്കളം..

 ആശയസംഘട്ടനങ്ങൾ, വാക്പോരുകൾ , കരിവാരിത്തേക്കലുകൾ, പുറം ചൊറിയലുകൾ, സുഖിപ്പിക്കലുകൾ, ലൈക്കുകൾ, ഷെയറുകൾ, ബ്ലോക്കുകൾ, ട്രോളൂകൾ...എന്നിത്യാദി  ഒക്കെയാണു ഇവിടുത്തെ ആയുധങ്ങൾ...

നല്ലതും ചീത്തയും സത്യവും മിഥ്യയും..അതൊക്കെ  ചികഞ്ഞെടുക്കണമെങ്കിൽ നല്ലോണം വിയർക്കും..അമ്മാതിരി അഴിഞ്ഞാട്ടമാണു....എന്തും കണ്ടപാടെ കേട്ട പാടെ ഷെയർ ചെയ്യലും കമന്റടിക്കലും ലൈക്കടിക്കലും  ചെയ്യും.. എന്തും ഏതും വാർത്തകളും ചർച്ചകളുമായി അവതരിപ്പിക്കപ്പെടും...മാന്യന്മാരെ പൊടുന്നനെ കള്ളനും കൊള്ളക്കാരനുമാക്കും..പെരുങ്കള്ളന്മാരെ സത്യശീലന്മാരും മഹാന്മാരും ആക്കും...ഇല്ലാത്ത മാറാരോഗങ്ങൾ ഉണ്ടാക്കും..ഇല്ലാത്ത മരുന്നുകൾ ഉണ്ടാക്കും....അപവാദം, അശ്ലീലം, ഏഷണി, പരദൂഷണം, വഞ്ചന, തട്ടിപ്പ്, വെട്ടിപ്പ്, ...എന്നിവയൊക്കെ ഇവിടെ അരങ്ങേറും....


എല്ലാം നല്ലതിനാണെങ്കിൽ ഇത്രത്തോളം നല്ലതില്ല, എന്നാൽ ചീത്തയായാലോ ഇത്രത്തോളം ചീത്തയായതൊന്നും ഈ ലോകത്തില്ല..

സോഷ്യൽ മീഡിയയുടെ ഇടപെടൽ മൂലം ഒത്തിരി നല്ല കാര്യങ്ങൾ ഈ കേരളീയ സമൂഹത്തിൽ ഉണ്ടായിട്ടുണ്ട്..എന്ന് വിസ്മരിക്കുന്നില്ല.., മാധ്യമങ്ങൾ തമസ്കരിക്കുന്ന പലതും സമൂഹ ശ്രദ്ധയിലേക്കെത്തിക്കുവാൻ , ആരും അറിയാതെ പോകുമായിരുന്ന സംഭവങ്ങൾ ലോകത്തെ വിളിച്ചറിയിക്കുവാൻ, അവഗണിക്കപ്പെടുന്നവർക്ക്, ആലംബഹീനർക്ക്, തണലേകുവാനും തുണയാകുവാനും ഒക്കെ സോഷ്യൽ മീഡിയകളുടെയും അവിടെയുള്ള അംഗങ്ങളുടെയും ഗ്രൂപ്പുകളുടെയും ഒക്കെ  സ്ത്യുതർഹമായ സേവനം ഉപകാരപ്രദമായിട്ടുണ്ട്.....

എങ്കിലും  തെറ്റായ പ്രവണതകൾ കാണുമ്പോൾ പറയാതിരിക്കുക വയ്യ..

പ്രതിഷേധിക്കണം, പ്രതികരിക്കണം..നീതിക്ക് വേണ്ടീ ശബ്ദിക്കണം..ഇതൊന്നും വേണ്ട എന്നഭിപ്രായമില്ല,ഞാനും ചെയ്തിട്ടുണ്ട്, ..പക്ഷേ ആളും തരവും നോക്കാതെയുള്ള ഇത്തരത്തിലുള്ള പടപ്പുറപ്പാട്  കൊണ്ട് ഗുണം ഒട്ടുമില്ല താനും നാണക്കേട് മിച്ചവുമാകും...

നരേന്ദ്രമോഡിയുടെ ഭരണത്തിനു ആഗോള റേറ്റിംഗ് സർവ്വീസ് ഏജൻസിയായ  "മൂഡീസ് " റേറ്റിംഗിൽ വർധനവ് നൽകി എന്ന് പറഞ്ഞ്  മുൻ  ആസ്ട്രേലിയൻ ക്രിക്കറ്റ് പ്ലയർ ടോം മൂഡിയുടെ ഫേസ് ബുക്ക് ഐഡിയിൽ പോയി തെറിവിളിക്കാൻ മാത്രം മണ്ടന്മാരായി കേരളത്തിലെ സോഷ്യൽ മീഡിയ ആക്റ്റിവിസ്റ്റുകൾ മാറി എന്നറിയുമ്പോൾ ലജ്ജ തോന്നുന്നു...

സഖാക്കളെ മനപ്പൂർവ്വം കരിവാരിത്തേക്കാൻ സംഘപരിവാർ പ്രവർത്തകർ ഫേക്ക് ഐഡികൾ ഉപയോഗിച്ച് തെറിപറയുകയാണെന്ന് സി.പി.എം  പറയുമ്പോൾ...റേറ്റിംഗ് ഏജൻസിയായ മൂഡീസിനെയും ക്രിക്കറ്റർ മൂഡിയെയും തിരിച്ചറിയാൻ പോലും കഴിയാത്ത മണ്ടന്മാരാണു സഖാക്കന്മാരെന്ന് ബി,ജെ,പി, സംഘപരിവാരും ആരോപിക്കുന്നു...

സത്യം എന്തായാലും ചെയ്തത് മഹാ ചെറ്റത്തരമായിപ്പോയി...നൂറു ശതമാനം സാക്ഷരത എന്നൊക്കെ പറയുമ്പോൾ ഇത്തിരി കൂടി മാന്യത ആവാമായിരുന്നു..ഇതിപ്പോ...മലയാളികളെ മൊത്തം നാണം കെടുത്താനായിട്ട്....

പഴയ കാരണവന്മാർ പറയുന്ന ഒരു ചൊല്ലുണ്ട്.." അന്തം ഇല്ലെങ്കിൽ പിന്നെ എന്തുണ്ടായിട്ടെന്താ..." അതന്നെ പറയാനുള്ളൂ...അറിവുണ്ടായാ മാത്രം പോര..തിരിച്ചറിവും കൂടി വേണം.. അതില്ലെങ്കിൽ എല്ലാം കട്ട പ്പൊഹ...

പോസ്റ്റിന്റെ ലിങ്ക് താഴെ..
https://www.facebook.com/tom.moody.7773/posts/352001471915326


Related Posts with Thumbnails

On 2017, നവംബർ 19, ഞായറാഴ്‌ച 0 അഭിപ്രായ(ങ്ങള്‍)
Bookmark and Share



ഒരു കിടുക്കൻ ഹോട്ടൽ, നല്ല തിരക്കുള്ള സമയം, കരിച്ചതും പൊരിച്ചതും ഇതൊന്നുമല്ലാത്തതുമൊക്കെ  കടിച്ചും വലിച്ചും കുത്തിയും തോണ്ടിയുമൊക്കെ അകത്താക്കുകയാണു ഒരു പാടാളുകൾ...

അതിനിടയിവെടുന്നോ ഒരു കോക്രോച്ച് ...സ്കോച്ചല്ല, കോക്രോച്ച് എന്ന് വെച്ചാ പാറ്റ... അതങ്ങനെ .. മന്ദം മന്ദം  പാറി പറന്ന് വന്ന് ഒരു ചേച്ചിയുടെ തോളത്ത് വന്നിരുന്നു...പോരേ പൂരം...ചേച്ചി ഡൈനോസറിനെ കണ്ടെന്ന കണക്കെ അലറിവിളിച്ച് അതിനെ തട്ടിത്തെറിപ്പിച്ചു...

വലത് മാറി ഇടത് മാറി ഞെരിഞ്ഞമർന്ന് ഒഴിഞ്ഞ് മാറി പാറ്റ പാറി കുറച്ചപ്പുറത്തിരുന്ന ഒരു ഇളനീരു വെട്ടിയ പോലെ തോന്നിക്കുന്ന ഒരു കഷണ്ടിത്തലയിൽ ചെന്നിരുന്നു..എന്തോ ഒന്ന് തന്റെ ടേബിൾ ടോപ്പ് റൺവേയിൽ ലാൻഡ് ചെയ്തു എന്ന് മനസ്സിലാക്കിയ ആ ചേട്ടൻ അതിനെ തട്ടിത്താഴെയിട്ടു...അയ്യേ...പാറ്റ..അയാൾ ചാടിഴെയുന്നേറ്റു..ഒപ്പം ടേബിളിൽ കിടന്ന ചില്ലിചിക്കൻ,പൊറോട്ട എന്നിത്യാദികൾ  വിത്ത് പാത്രങ്ങളുമായി ചുറ്റിലും ചിതറി...

പാറ്റ വിടുന്നമട്ടില്ല..അത് നൂറേ നൂറിൽ പാറിപറന്ന് മൂലക്കിലിരുന്ന് മൂളിപ്പാട്ടും പാടി മൂന്നാലു തരം സലാഡുകൾ,കോഴിപൊരിച്ചതിനൊപ്പം  മുന്നും പിന്നും നോക്കാതെ മൂക്കറ്റം കയറ്റുന്ന ഒരു തടിയന്റെ മോന്തയിൽ തന്നെ ചെന്നിരുന്നു...

"പ്ഫ.".

ഒരലർച്ചയും ഒപ്പം വായിലിട്ടാട്ടിക്കൊണ്ടിരുന്ന ഹാഫ് ഗ്രൈന്റഡ് സാധനങ്ങൾ രണ്ട് മൂന്ന് മീറ്റർ നീളത്തിൽ അത്തപ്പൂക്കളിമിട്ടത് പോലെ പരന്നു ചിതറിയതും പൊരിച്ച കോഴി ചിരിച്ച് കൊണ്ട് പറന്ന് പോയതും ഒപ്പമായിരുന്നു..

ഷോക്കിടയിൽ കരണ്ട് പോയ സിനിമാകൊട്ടകയിലെ പ്പോലെയുള്ള ഒച്ചപ്പാടുകൾ കേട്ട് ഒരു വെയിറ്റർ അധികം വെയിറ്റ് ചെയ്യാതെ അങ്ങോട്ടേക്കോടിയെത്തി..ആ..ഹാ,,,നല്ല പുകിലു..

പാറ്റയെ തിരയുന്ന വെയിറ്ററുടെ നേരെ " നീയാരടാ പുല്ലേ."എന്ന് ചോദിക്കുന്ന മട്ടിൽ പാറ്റ പാറി വന്ന് അതിയാന്റെ ഉജാലമുക്കി അലക്കി വെളുപ്പിച്ച കുപ്പായത്തിൽ സിഗ്നേച്ചർ പതിപ്പിച്ച് വന്നിരുന്നു........ആ വെയ്റ്റർ ഒരു ബുദ്ധിശാലിയായിരുന്നു..അയാൾ അനങ്ങാതെ അല്പസമയം നിന്നു..എന്നിട്ട് പതിയെപ്പതിയെ കൈനീട്ടി തന്ത്രപൂർവ്വം പാറ്റയെ കൈപ്പിടിയിലൊതുക്കി....അമ്പട ടുട്ടുഡു....കിട്ടിപ്പോയ്..

എന്നിട്ടതിനെ വളരെ സ്നേഹത്തോടെ പുറത്തേക്ക് കൊണ്ട് പോയി അതീവ സ്നേഹത്തോടെ തന്നെ തലക്കൊരടി കൊടുത്തു....പാവം..പാറ്റ..ആ സ്നേഹം താങ്ങാനാവാതെ തലതകർന്ന് ഉയിരു വെടിഞ്ഞു...ആദരാഞ്ജലികൾ..

.......................................
അല്ല ഇതൊക്കെ പറയാൻ കാരണം..

കാരണമുണ്ട് ബ്രോ..


നമുക്കൊരു പ്രശ്നമുണ്ടായാൽ നാം എങ്ങനെ അതിനെ കൈകാര്യം ചെയ്യും ..പ​ല​ത​ര​ത്തി​ൽ നാം ​അ​തി​നോ​ടു പ്ര​തി​ക​രി​ച്ചെ​ന്നി​രി​ക്കും. അതില്പെട്ട ഒന്നാണു ആ കസ്റ്റമേഴ്സ് ചെയ്തത്..പാറ്റ വന്നിരിക്കുമ്പോൾ അലറി വിളിച്ച് തട്ടിത്തെറിപ്പിച്ചതും അത് കൊണ്ടാണു.. പ്രശ്നങ്ങളിൽ  അ​നാ​വ​ശ്യ​മാ​യ ഭ​യ​പ്പാ​ടും വിഷമവും ഒക്കെയായി അതീവ വൈകാരികമായി  പ്ര​തി​ക​രിക്കുന്നു...

എ​ന്നാ​ൽ വെ​യ്റ്റ​റു​ടെ പ്ര​തി​ക​ര​ണം അ​പ്ര​കാ​ര​മാ​യി​രു​ന്നി​ല്ല​ല്ലോ.... അ​തി​വേ​ഗം പ്ര​ശ്നം എ​ന്താ​ണെ​ന്നു മ​ന​സി​ലാ​ക്കി​യ അ​യാ​ൾ സം​യ​മ​നം ന​ഷ്ട​പ്പെ​ടു​ത്താ​തെ ആ ​പ്ര​ശ്ന​ത്തെ തന്ത്രപൂർവ്വം  നേ​രി​ട്ട് അ​തു പ​രി​ഹ​രി​ച്ചു.



ഒ​രു പാ​റ്റ പ​റ​ന്നു​വ​ന്ന് ഒ​രാ​ളു​ടെ ദേ​ഹ​ത്തി​രു​ന്നാ​ൽ അ​തു വ​ലി​യ പ്ര​ശ്ന​മാ​ണോ? ചിലരെ   സം​ബ​ന്ധി​ച്ചി​ട​ത്തോ​ളം അ​തു വ​ലി​യൊ​രു പ്ര​ശ്ന​മാ​യി​രു​ന്നു. എ​ന്നാ​ൽ, യ​ഥാ​ർ​ഥ​ത്തി​ൽ അ​ങ്ങ​നെ​യാ​യി​രു​ന്നി​ല്ല​ല്ലോ. വെ​യ്റ്റ​ർ ചെ​യ്തു കാ​ണി​ച്ച​തു​പോ​ലെ വ​ള​രെ എ​ളു​പ്പ​ത്തി​ൽ പ​രി​ഹ​രി​ക്കാ​വു​ന്ന ഒ​രു നിസ്സാര  പ്ര​ശ്നം മാ​ത്ര​മാ​യി​രു​ന്നു അ​ത്...

അതേ പോലെ തന്നെയാണു ജീവിതത്തിലെ എല്ലാപ്രശ്നങ്ങളും ....
പ്ര​ശ്ന​ങ്ങ​ളെ​പ്പോ​ലെ​ത​ന്നെ പ്ര​ധാ​ന​പ്പെ​ട്ട കാ​ര്യ​മാ​ണു നാം ​അ​വ​യോ​ട് എ​ങ്ങ​നെ പ്ര​തി​ക​രി​ക്കു​ന്നു എ​ന്ന​തും...

ശാന്തതയോടെ സമചിത്തതയോടെ ബുദ്ധിപൂർവ്വം നേരിട്ടാൽ എല്ലാ പ്രശ്നങ്ങളെയും നമുക്ക് അതിജയിക്കാനാകും..

 എല്ലാവർക്കും നന്മ നേരുന്നു..



( നോട്ട്: പണ്ടെന്നോ കേട്ട ഒരു കഥ ആവർത്തിച്ചെന്നേയുള്ളു..ആവർത്തനമാണെങ്കിൽ സോറി..)
Related Posts with Thumbnails

On 2017, നവംബർ 17, വെള്ളിയാഴ്‌ച 0 അഭിപ്രായ(ങ്ങള്‍)
Bookmark and Share

തോളിലിരുന്ന് ചെവികടിക്കുക എന്നൊക്കെ ബനാനടോക്ക് കേട്ടിട്ടുണ്ട്....ചിലതൊക്കെ കണ്ടിട്ടുമുണ്ട്..അതിന്റെ മ്യാരകമായ വേർഷൻ ഇപ്പഴാ കാണുന്നത്....കാനം സാറെ ഇങ്ങനെയൊക്കെ ചെയ്യാവോ...ഞമ്മക്ക് പിന്നേം കാണണ്ടേ..

ചാണ്ടി കായൽ കയ്യേറിയോ ഇല്ലയോ എന്നല്ല, കയ്യേറിയിട്ടുണ്ടെങ്കിൽ അതിയാനുള്ളത് കിട്ടിക്കോളു.മന്ത്രിപ്പണിപോയല്ലോ..ബാക്കിപണി ഈസ് ഓൺ ദ വേ.....പക്ഷേങ്കിലു അതിന്റെ പേരിലു നിങ്ങളു കാബിനറ്റ് മീറ്റിംഗ് ബഹിഷ്കരിക്കുക എന്നൊക്കെ പറഞ്ഞാൽ അതിത്തിരി കടന്ന കയ്യായിപ്പോയി...പറയാനുള്ളത് മീറ്റിംഗിനു വന്ന് മുഖത്ത് നോക്കി പറയണം.., എന്നിട്ടും തീരുമാനമായില്ലേ നെഞ്ചും വിരിച്ച് ഇറങ്ങിപ്പോകണം..., അതല്ലേ ഹീറോയിസം..ഇതൊരു മാതിരി സ്കൂൾ കുട്ടികളെ പോലെ ..പിണങ്ങി മാറി ഇരിക്കുക എന്നൊക്കെ പറഞ്ഞാൽ...അയ്യേ....കാനം സാറെ ഇങ്ങനെയൊക്കെ ചെയ്യാവോ...ഞമ്മക്ക് പിന്നേം കാണണ്ടേ..

ചാണ്ടിയുടെ കാര്യത്തിൽ നിങ്ങളൊക്കെ കൂടി പങ്കെടുത്ത എ.ഡി.എഫ് യോഗമല്ലേ തീരുമാനമെടുക്കാനുള്ള ചുമതല മുഖ്യമന്ത്രിയെ ഏല്പിച്ച് ചായകുടിച്ച് പിരിഞ്ഞത്, എന്നിട്ട് അതിനുള്ള സാവകാശം പോലും കൊടുക്കാതെ നിങ്ങളെന്താ സൂപ്പർ മുഖ്യമന്ത്രി ചമയാൻ നോക്കുവാണോ..എല്ലാ കുറ്റവും സി.പി.എമ്മിൽ ചാരി നല്ലപിള്ള ചമയുന്ന ആ ലൊടുക്കിലെ തന്ത്രം ജനങ്ങൾക്ക് മനസ്സിലായില്ലാാ എന്ന് കരുതരുത്..
മിസ്റ്റർ കാനം...കേരളത്തിലെ സി.പി.എം പ്രവർത്തകർ ഒന്നിച്ചിരുന്ന് മുള്ളിയാൽ ഒലിച്ച് പോകാൻ മാത്രമേയുള്ളു നിങ്ങടെ പാർട്ടിയെന്ന് മനസ്സിലാക്കി വെക്കുന്നത് നന്നായിരിക്കും...കാനം സാറെ ഇങ്ങനെയൊക്കെ ചെയ്യാവോ...ഞമ്മക്ക് പിന്നേം കാണണ്ടേ..

ഈ എഴുതിയത്  കൊണ്ട് കാനത്തിന്റെ പേജിൽ  ഒട്ടിക്കാമെന്ന് കരുതി പോയതാ...അപ്പോഴല്ലേ..രസം...അവടെ ആൺകുട്ടികൾ പണി തുടങ്ങിയിരിക്കുന്നു.. കാനത്തിനു ഇതിലും വലിയ ഒരു സ്റ്റഡിക്ലാസ്സ് ഈ ജന്മത്തിൽ കിട്ടിയിട്ടുണ്ടാവില്ല......അൺസഹിക്കബിൾ, കാനം വല്ല കടും കൈയ്യും കാണിക്കുവോ ആവോ...

ഞാനതൊട്ടിക്കാതെ തിരിച്ച് പോന്നു..ഇതൊക്കെ എന്ത്, അവടെ പൂത്തിരിയും അമിട്ടും കതിനയുമൊക്കെ "ഠമാർ, പഠാർ..പൊട്ടുകയല്ലേ..അതിനിടയിലാ  എന്റെ നനഞ്ഞ ഓലപ്പടക്കം...ഞാനോടി...അപ്പഴാ കാനത്തിന്റെ ഓഞ്ഞ ഡയലോഗ്...നാലുകാലുള്ള ആ ജീവിയുടെ പേരു സി.പി.എമ്മുകാരെക്കാൾ നിങ്ങൾക്കാ ചേരുക പൊട്ടാ..കാനാ..പിന്നേ വിടുവോ...തിരിച്ച് പോയി അമർത്തിയമർത്തി കമന്റി..ഹൗ..ഇപ്പം ഒരാശ്വാസം..

കാനം സാറെ ഇങ്ങനെയൊക്കെ ചെയ്യാവോ...ഞമ്മക്ക് പിന്നേം കാണണ്ടേ..

അപ്പോ..എല്ലാവർക്കും താങ്ക്യു..ലാൽസലാം..


Related Posts with Thumbnails

On 2017, നവംബർ 15, ബുധനാഴ്‌ച 0 അഭിപ്രായ(ങ്ങള്‍)
Bookmark and Share



ഒടുക്കം ചാണ്ടി രാജിവെച്ചു..വെച്ചതല്ല..വെപ്പിച്ചു എന്ന് പറയുന്നതാവും ശരി...എല്ലാവരും ക്രഡിറ്റ് മുഴുവൻ സി.പി.ഐക്ക് വാരിക്കോരി കൊടുക്കുന്നു..എന്റെ അഭിപ്രായത്തിൽ ഈ വിക്കറ്റും വീഴ്ത്തുന്നതിൽ പ്രധാന പങ്ക് വഹിച്ചത് ഇന്ന് കേരളത്തിൽ  "സൂപ്പർ പ്രതിപക്ഷമായി" നിൽക്കുന്ന ഇവിടത്തെ മാദ്ധ്യമതമ്പുരാക്കന്മാരാണു..

അവരാണല്ലോ ഇന്നിവിടെ  അന്തിച്ചർച്ചകളിൽ അന്വേഷണവും വിചാരണയും ശിക്ഷവിധിക്കലുമൊക്കെ നടത്തി ആരൊക്കെ  വാഴണമെന്നും ആരൊക്കെ  വീഴണമെന്നുമൊക്കെ തീരുമാനിക്കുന്നത്....

ഈ മാദ്ധ്യമങ്ങൾക്കെന്താ എൻ.സി.പി യോട് ഇത്ര കുശുമ്പ് എന്ന് എത്രയാലോചിച്ചിട്ടും മനസ്സിലാവുന്നില്ല, ആകെക്കൂടി ആറ്റിക്കുറുക്കി ഉണ്ടാക്കിയെടുത്ത രണ്ട് എം.എൽ.മാരാണൂള്ളത്....അതിലൊരാൾക്ക് മന്ത്രിക്കസേരയും  കൊടിവെച്ച കാറും ഉഴിഞ്ഞ് വെച്ചതാണു..എന്നിട്ടും അതിലൊന്ന് അമർന്നിരിക്കാൻ ഇവന്മാരു സമ്മതിക്കില്ലന്നേ...

ആദ്യം ഇരുന്നവനെ ഫോണിലൂടെ "പൂച്ചക്കുട്ടിയെ"... താലോലിച്ചു എന്നു പാടിനടന്ന് നാറ്റിച്ച് കസേര തെറിപ്പിച്ചു..പകരം വന്നയാളാകട്ടെ തെറിപ്പിക്കാൻ പാകത്തിലുള്ള സൈസ് കൂടിയല്ലായിരുന്നു..എന്നിട്ടും കായലിൽ മണ്ണിട്ടു എന്നും പറഞ്ഞ് കാലു വാരി..ദേ..കസേര മൂക്കും കുത്തി താഴെ...മണ്ണൊക്കെ പണ്ടെങ്ങാണ്ടോ ഇട്ടതാണു..അതിനു ശേഷം എത്ര വേനലും വർഷവും കടന്ന് പോയി..എത്ര സർക്കാറുകൾ കടന്ന് പോയി..എന്നിട്ടും ഇവന്മാരു ഇപ്പഴാണത് കണ്ട് പിടിച്ചത്...അതാ..പറഞ്ഞത്..മാദ്ധ്യമങ്ങൾക്ക് എൻ.സി.പി.യോട് എന്തോ ..ഒരു ..ഒരിത് ഉണ്ട്..കട്ടായം...

എന്ന് വെച്ച് എൻ.സി.പി തളരില്ലാട്ടോ..ഈ കഴിഞ്ഞ ഒരു വാരത്തെ നാടകീയ സംഭവവികാസങ്ങൾക്ക് ശേഷം മന്ത്രിപ്പണി പോയെങ്കിലും അത് കൊണ്ട് കൂടുതൽ നേട്ടമുണ്ടാക്കിയത് എൻ.സി.പി യാണെന്നേ ഞാൻ പറയൂ...ഭയങ്കര പബ്ലിസിറ്റിയല്ലേ കിട്ടിയത്..

എൻ.സി.പി, അവരുടെ നേതാവ് പീതാംബരക്കുറുപ്പ്, ഇമ്മാതിരി സാധനങ്ങളൊക്കെ ഈ കേരളത്തിൽ ഉണ്ടായിരുന്നെന്ന് സാധാരണക്കാർക്കറിയുമായിരുന്നോ..ഒരാഴ്ച  കൊണ്ട് ആകെയങ്ങ് ഫെയ്മസായില്ലേ...മാദ്ധ്യമങ്ങളിൽ അങ്ങനെ നിറഞ്ഞ് നിൽക്കുവല്ലാരുന്നോ....ഇവർക്ക് ഒന്ന് രണ്ട് ദേശീയ നേതാക്കന്മാരും കേന്ദ്രകമ്മറ്റി വരെയും ഉണ്ടത്രേ...പോരാത്തതിനു ഡൽഹീൽ ഓഫീസും...ഹൗ,..കണ്ടാ പറയില്ലാട്ടോ...ഇതൊക്കെ ഇപ്പഴല്ലെ ആൾക്കാരറിയുന്നത്...ഇതിലും വല്ല്യ കാര്യാണോ മന്ത്രിപ്പണി...
ചാണ്ടിക്ക് കാര്യം മനസ്സിലായി...അതാ മൂപ്പരു
...പോനാൽ പോഹട്ടും പോടാ..എന്നും പറഞ്ഞ് കത്തെഴുതി ഒപ്പിട്ട് കൊടുത്ത് ആലപ്പുഴേക്ക് വണ്ടി കയറിയത്...അവിടെ നമ്മടെ ബിസിനസൊക്കെ നോക്കി നടത്തണ്ടേ...മന്ത്രിപ്പണി ഇല്ലാതായെന്ന് വെച്ച് പട്ടിണി കിടക്കാൻ പറ്റോ..കുട്ടികൾക്ക് അരി വേടിക്കണ്ടേ...

അങ്ങനെ കായൽ ചാണ്ടി ...മുൻ മന്ത്രിയായി..
ഈ ചാണ്ടിയുടെ ബഹളത്തിനിടയിൽ വേറൊരു ചാണ്ടി നൈസായി  തലയിൽ മുണ്ടിട്ട് സ്കൂട്ടായി...നമ്മടെ സോളാർ ചാണ്ടി...വേറാരാ...ഒരു ചാണ്ടി ചീഞ്ഞത് മറ്റൊരു ചാണ്ടിക്ക് വളമായി..അല്ലാതെന്താ..

എല്ലാ കോൺഗ്രസ്സുകാരും ലീഗുകാരും കായൽ ചാണ്ടിക്ക് നന്ദി പറയണം, പറ്റുമെങ്കിൽ ഒരു സ്വീകരണം കൂടി സംഘടിപ്പിച്ചേക്കു..അതിയാനില്ലായിരുന്നെങ്കിൽ നിങ്ങളൊക്കെ ഇവിടെക്കിടന്ന് ന്യായീകരിച്ച് ന്യായീകരിച്ച് അകാലചരമം പ്രാപിച്ചേനേ...

എല്ലാ ചാണ്ടിമാർക്കും സർവ്വമംഗളങ്ങളും നേർന്ന് കൊണ്ട് നിർത്തുന്നു..


Related Posts with Thumbnails

Bookmark and Share



തൊണ്ടയിൽ ഒരു മുള്ള് കുരുങ്ങി..

ദാണ്ടെ ഇത്രകാലം വരെ ശല്യമൊന്നുമില്ലായിരുന്നു..

എന്നാപിന്നെ അവിടെ കിടന്നോട്ടെ എന്ന് വെച്ചു..

വഴിയേ പോകുന്നവരെക്കൊണ്ടൊക്കെ ഒന്നും രണ്ടും പറയിപ്പിച്ച് മുള്ള് അവിടെക്കിടന്നു..

സാരല്ല്യ..പാവത്തീങ്ങളല്ലേ...അതും ..വിട്ടു..
ഇപ്പോ മുള്ള് അവിടെക്കിടന്ന് ചീർത്ത് ചുറ്റിലും പഴുപ്പായി പടരുന്നു...

വേണ്ടാ വേണ്ടാ എന്ന് വെച്ചിട്ടും മുള്ളിന്റെ ഒരു അഹങ്കാരം..

പറിച്ച് കളഞ്ഞേ പറ്റൂ...എന്നായി , ഇല്ലേൽ തലയും കൊണ്ടങ്ങ് പോകും...

ഇനിയും വെച്ച് പഴുപ്പിക്കണ്ട...എന്ന് ഡോക്ടറും...

മുള്ള് പറിച്ച് കളയണോ വേണ്ടേ എന്ന് തീരുമാനിക്കാനുള്ള അവകാശം ഉടമസ്ഥനു വിട്ട് കൊടുത്ത് കുടുംബക്കാരും കൈയ്യൊഴിഞ്ഞു..

മുള്ള് അവിടെക്കിടന്ന് ചീഞ്ഞ് പഴുത്ത് നാറാൻ തുടങ്ങി..

നാറി നാറി നാട് മൊത്തം നാറാൻ തുടങ്ങി..ആകെയുണ്ടായിരുന്ന ഇത്തിരി സല്പേരും കൂടി ഇല്ലാതായി...

ഇനിയെങ്കിലും...

ഇനിയെങ്കിലും ആ മുള്ളൊന്ന് പറിച്ച് കളഞ്ഞൂടെ.....മുഖ്യമന്ത്രീ...
Related Posts with Thumbnails

On 2017, നവംബർ 14, ചൊവ്വാഴ്ച 0 അഭിപ്രായ(ങ്ങള്‍)
Bookmark and Share



ഇന്ന് ശിശുദിനം..

വിദ്യാലയങ്ങളിലെല്ലാം ആഘോഷങ്ങൾ നടക്കുന്നു..നടക്കണം, നടക്കട്ടെ..

എന്നാൽ ഈ ദിവസം പോലും തങ്ങളുടെ ശൈശവം ആഘോഷിക്കാൻ കഴിയാത്ത എത്രയോ കുരുന്നുകൾ ലോകത്തുണ്ട് എന്ന് നാം ഓർമ്മിക്കാറുണ്ടോ..?

ലോകത്താകമാനം അഞ്ചിനും പതിനാലിനുമിടയില്‍ പ്രായമുള്ള 158 ദശലക്ഷം കുട്ടിത്തൊഴിലാളികള്‍ വിശ്രമമില്ലാതെ പണിചെയ്യുകയാണെന്നാണു യൂണിസെഫ് പറയുന്നത്..

ആഭരണതൊഴില്‍ശാലകള്‍,സോക്കര്‍ബോള്‍ തുന്നല്‍ കേന്ദ്രങ്ങള്‍, കാര്‍പെറ്റ് നിര്‍മാണശാലകള്‍ ഇവയിലൊക്കെയുള്ള ഭൂരിഭാഗം തൊഴിലാളികളും കുട്ടികളാണ്. 

കുട്ടികളെ ജോലിക്ക് വെച്ചാൽ പലതുണ്ട് ഗുണം, പ്രധാനമായത്  തുച്ഛമായ കൂലി കൊടുത്താൽ മതി എന്നുള്ളത് തന്നെ.., ചിലപട്ടിണി രാജ്യങ്ങളിൽ ഒരു നേരത്തെ ആഹാരം മാത്രം മതിയാവും കൂലി,

നഗരങ്ങളിലെ ഹോട്ടലുകളില്‍ രാപ്പകലില്ലാതെ പണിയെടുക്കുന്ന കുട്ടികളുടെ അവകാശങ്ങളെപ്പറ്റി ആരെങ്കിലും ചിന്തിച്ചിട്ടുണ്ടോ?. ങും.എവടെ ..അല്ലെ..ആർക്കാ അതിനൊക്കെ നേരം ..

ഇന്ത്യയില്‍ തുകല്‍ഫാക്ടറികളിലും പടക്കനിര്‍മാണശാലകളിലും ഇഷ്ടികക്കളങ്ങളിലും കല്‍ക്കരി ഖനികളിലും ഒക്കെ അപകടകരമായ സാഹചര്യങ്ങളിൽ  കുട്ടികള്‍ ജോലിചെയ്യാന്‍ നിര്‍ബന്ധിതരാവുന്നുണ്ട്

വീട്ടിലെ ദാരിദ്ര്യം തന്നെയാണ് ലോകത്തെല്ലായിടത്തും കുട്ടികളെ തൊഴിലാളികളാക്കി മാറ്റുന്നതിൽ പ്രധാന വില്ലൻ,

ദാരിദ്ര്യം.....കാര്യകാരണങ്ങൾ തേടി ആഴത്തിലേക്കിറങ്ങി ചെന്നാൽ ആഗോളവത്കരണം, മുതലാളിത്തം, വ്യവസ്ഥിതികൾ...എന്നിങ്ങനെ തുടങ്ങി ഒട്ടനവധി വിഷയങ്ങൾ കൂടിക്കുഴഞ്ഞ് കിടക്കുന്ന കീറാമുട്ടിയായ പ്രശ്നം...

വിഷയത്തിലേക്ക് വരാം..ശിശുദിനം..


നവംബര്‍ 14 ഇന്ത്യയിൽ  ശിശുദിനമാണല്ലോ.ഇന്ത്യയുടെ പ്രഥമപ്രധാനമന്ത്രി ജവഹർലാൽ നെഹ്രുവിന്റെ ജന്മദിനാം..അദ്ധേഹം കുട്ടികളോട് കാണിച്ചിരുന്ന അതിയായ സ്നേഹവും, കുരുന്നുകളുടെ  ക്ഷേമത്തിനും, വിദ്യാഭ്യാസത്തിനുമായി  ചെയ്ത സംഭാവനകളും കണക്കിലെടുത്താണ് അദ്ദേഹത്തിന്റെ ജന്മദിനം രാജ്യം ഇങ്ങനെ ആചരിക്കുന്നത് ..
 

ആഗോള ശിശുദിനമായി നവംബര്‍ 20 .
ചൈനയിലും  റഷ്യയിലും  ജൂണ്‍ ഒന്നിനും
ജപ്പാനിൽ മെയ് അഞ്ചിനും 
മെക്സിക്കോയിൽ ഏപ്രില്‍ 30 നും 
ഇന്‍ഡോനേഷ്യയിൽ ജൂലൈ 23 നും 
ഇറാനിൽ ഒക്ടോബര്‍ എട്ടിനും 
ഇസ്രയേലിൽ ഒക്ടോബര്‍ 19 നും 
അർജന്റീനയിൽ  ആഗസ്തിലെ രണ്ടാം ഞായറാഴ്ചയിലും

ഒക്കെ ലോകെമെങ്ങും ശിശുദിനാഘോഷങ്ങൾ കൊണ്ടാടപ്പെടുന്നുണ്ട്, 

ഒരു വശത്ത് ആഘോഷങ്ങൾ മുറക്ക് നടക്കുന്നു, മറുവശത്ത് ബാല്യത്തിന്റെ ആഹ്ലാദങ്ങളും ആഘോഷങ്ങളും നിഷേധിക്കപ്പെട്ട് ജീവിക്കുന്ന കോടാനുകോടി ശിശുക്കൾ..അവരും മനുഷ്യജീവികളാണെന്ന് ഓർമ്മപ്പെടുത്താനെങ്കിലും ഈ ദിനങ്ങൾ ഉപകരിച്ചിരുന്നുവെങ്കിൽ എന്ന് ആശിച്ച് പോകുകയാണു..
Related Posts with Thumbnails

Bookmark and Share



"നിങ്ങൾക്ക് പ്രമേഹമുണ്ട്,നിങ്ങൾ ഭക്ഷണകാര്യങ്ങളിൽ കുറച്ച് കൂടെ ശ്രദ്ധിക്കണം.."

ഡോക്ടറുടെ വാക്കുകൾ കേട്ട ഹാജിയാരു ചെവി കൂർപ്പിച്ചു..

"എന്തേയ്..എന്താ ഡാകിട്ടറെ പറഞ്ഞേ.."

"നിങ്ങൾക്ക് പ്രമേഹമാണെന്ന്."..ഡോക്ടർ സ്വല്പം ശബ്ദമുയർത്തി..

"ങെ...പ്രമേഹോ,,..ഹാ..ഞമ്മക്ക് പ്രമേഹം ബന്ന്..ആ..ഹാ.."

ഹാജിയാരു ആശ്വാസത്തോടെ പുഞ്ചിരിച്ച്..തലയുയർത്തി ചുറ്റിലുമൊക്കെയൊന്ന് നോക്കി...ആ..ഹ.ഹ

രോഗമുണ്ടെന്ന് പറഞ്ഞതിനു ഇത്ര സന്തോഷമോ..ഡോക്ടർ അന്തം വിട്ട് കുന്തം വിഴുങ്ങിയ പോലെ ഇരിക്കുന്നു...ഹാജിയാരു തന്തോയത്തോടെ  നെഞ്ചും വിരിച്ച് പുറത്തേക്കും...

തമാശയൊന്നുമല്ല, ഇങ്ങനെയാ മലപ്പൊറത്തൊക്കെ ചില ആൾക്കാരു, പ്രമേഹം , കൊളസ്ട്രോൾ..ഇതൊക്കെ ഒരു സ്റ്റാറ്റസ് സിംബലായി കൊണ്ട് നടക്കുന്നവർ, ഞാൻ പണക്കാരനാണു എന്ന് തെളിയിക്കാനൊരു സിംബൽ, പണ്ട് റാഡോ വാച്ച് കയ്യിൽ കെട്ടി നടന്ന് ആൾക്കൂട്ടത്തിൽ ഇടക്കിടക്ക് കയ്യുയർത്തി സമയം നോക്കുന്ന ഒരു ഏർപ്പാടുണ്ടായിരുന്നല്ലോ...അത് മാതിരി ഒരു സൈസ്, 

ചായപ്പീടികയിൽ കയറിയിട്ട് ഒരു കട്ടനു ഓർഡറു കൊടുത്തിട്ട് അവസാനം ഒരു പറച്ചിലുണ്ട്..ഇത്തിരി ഒച്ച കൂട്ടിത്തന്നെ..

" അയ്മുട്ടീ..ചായേലു മധുരം മാണ്ടട്ടോ...സുഗറുണ്ടേ.."

 എന്നിട്ട് അഭിമാനത്തോടെ ചുറ്റിലും ഉള്ളവരിലേക്കൊരു  നോട്ടമാണു..ഹൗ...എന്തൊരു രോമാഞ്ചപുളകിതമാണവർക്ക്, രാവിലെതന്നെ കാലിച്ചായക്കൊപ്പം മനോരമയും മാത്രൂമിയും കഴിക്കുന്ന സുഗറില്ലാത്ത ശുംഭന്മാർ അന്നേരം അവിടെ കിടന്ന് പല്ലിറുമ്മുന്നുണ്ടാവും..

വേറെരു ടീംസുണ്ട്, 

"എടാ ഇജ്ജാ ജിലേബീം ലഡൂം ഇങ്ങട്ട് എടുത്താ..വീട്ടീന്ന് മക്കളു മധുരം ഒന്നും കഴിക്കാൻ സമ്മതിക്കില്ലന്നേ..." 

എന്നും പറഞ്ഞ് മരുന്നിനോടൊപ്പം തന്നെ മധുരവും വെട്ടി വിഴുങ്ങുന്നവർ...

ഇതൊക്കെ ചുമ്മാ പറയണതാണെന്ന് കരുതല്ലേ..എല്ലാം ഉള്ളത് തന്നെ..


ഇന്ന് വേൾഡ് ഡയബറ്റിക് ഡേ ആണത്രേ...ആയ്കോട്ടെ..ആർക്കാ ചേതം..

അല്ല..കാക്കാ..ചേതമുണ്ട്, വേറെ ആർക്കുമല്ല, നിങ്ങൾക്ക് തന്നെ...ബേണെങ്കി കേട്ടോ..

ഇന്ന് ലോകത്ത്  ഓരോ എട്ടു സെക്കൻഡിലും പ്രമേഹം കാരണം ഒരാൾ മരണമടയുന്നുണ്ട്, അത് അറിയോ..ഇങ്ങക്ക്..

അർബുദത്തെ പോലെ ഗൗരവസ്വഭാവമുള്ള ഒരു രോഗമായാണ് ആഗോളതലത്തിൽ ഇന്നു പ്രമേഹത്തെ കണക്കാക്കുന്നത്...നമ്മൾ മലയാളികൾക്ക് ക്യാൻസറെന്നെ വല്ല്യ സൂക്കേട്...പ്രമേഹം ഒരസുഖമാണെന്ന് പോലും ഇപ്പോഴും കരുതാത്തവരുണ്ട്..

ഇന്ത്യയിൽ  മറ്റു സംസ്ഥാനങ്ങളിൽ നിന്നു വ്യത്യസ്തമായി, കേരളത്തിൽ പ്രമേഹരോഗികളുടെ എണ്ണം വളരെ കൂടുതലാണ്....അതെങ്ങനെ ഇല്ലാതിരിക്കും..

ജീവിത ശൈലിയിൽ മാറ്റങ്ങൾ വരുത്തി പ്രമേഹത്തെ പരമാവധി ഒഴിവാക്കാം.... അതുപോലെ ഈ മഹാമാരിയെ ചികിത്സിച്ചു നിയന്ത്രണവിധേയമാക്കുന്നതിലും നമ്മൾ ദയനീയമായി പരാജയപ്പെട്ടുകൊണ്ടിരിക്കുകയാണ്. പ്രമേഹ ചികിത്സയുടെ വിജയം നിർണയിക്കുന്ന മൂന്ന് പ്രധാന അളവുകോലുകൾ രക്തത്തിലെ പഞ്ചസാര, രക്തസമ്മർദം, രക്തത്തിലെ കൊഴുപ്പ് എന്നിവയാണ്. ..ഇത് മൂന്നും നിയന്ത്രണ വിധേയമാക്കിയാൽ പ്രമേഹത്തെ നമുക്ക് ഭേദമാക്കാം...അതിനു നമ്മൾ ഭക്ഷണ കാര്യങ്ങളിൽ നിയന്ത്രണം പാലിക്കണം..

തന്നെ..തന്നെ....അങ്ങനെ കോഴിബിരിയാണീം പലഹാരങ്ങളുമൊന്നും ഒഴിവാക്കീട്ട് ഞമ്മക്ക് പ്രമേഹം കുറക്കണ്ട...

അല്ല..കാക്ക..ഇങ്ങളെ രോഗം മാറാനല്ലേ..

പോ..അവടുന്ന്..ഇജ്ജൊരു വല്ല്യ ഉപദേശി, ബന്നക്കണൂ...പോയ്ക്കോ അവടുന്ന്..

ശരി..ശരി..ഞാൻ വിട്ടു..

ഇതാ സീൻ..ഇത് ഒറ്റപ്പെട്ട സംഭവമൊന്നുമല്ല..

കേരളത്തിൽ ചികിത്സ ലഭിച്ചു കൊണ്ടിരിക്കുന്ന 76 ശതമാനം പ്രമേഹ രോഗികളിലും  ഭക്ഷണ നിയന്ത്രണം ചെയ്യാത്തത് മൂലം, വ്യായാമം ചെയ്യാത്തത് മൂലം രക്തത്തിലെ പഞ്ചസാര, രക്തസമ്മർദ്ധം, കൊഴുപ്പ്...എന്നീ പ്രധാന സംഗതികൾ നിയന്ത്രണവിധേയമല്ല എന്നാണ്  പഠനങ്ങളിൽ കണ്ടെത്തിയിട്ടുള്ളത്...

അതായത് ആൾക്കാർക്ക് ഇപ്പോഴും നേരം വെളുത്തിട്ടില്ല, എന്നത് തന്നെ...

ബൈ..ദ..ബൈ..എല്ലാ പഞ്ചാരക്കാർക്കും പ്രമേഹദിനാശംസകൾ..
Related Posts with Thumbnails

On 2017, നവംബർ 12, ഞായറാഴ്‌ച 0 അഭിപ്രായ(ങ്ങള്‍)
Bookmark and Share


വെയിലത്ത് നിന്ന് ഓടിക്കിതച്ച് ബക്കാലയിലേക്ക് കയറിച്ചെന്നത് സ്വല്പം വെള്ളം കുടിക്കാനായിരുന്നു..ഒരു റിയാലും കൊടുത്ത് അക്വാഫിനായുടെ ഒരു കുപ്പിവെള്ളം ഒരു കവിൾ കുടിച്ചപ്പോഴാണു അടുത്ത് എന്നെ സാകൂതം നോക്കിക്കൊണ്ടിരുന്ന ഒരു ബംഗാളിയുടെ വക ഫ്രീയായി ഒരു ഉപദേശം...(അയിനു പ്രത്യേകിച്ച് ടാക്സൊന്നും കൊടുക്കണ്ടല്ലോ..)

" ബായ്..അക്വാഫിനാ പാനി നയി പീയോ..വൊ..പാനി അച്ഛാ നയീ.."

ങെ..എന്ത്. കുടിച്ച വെള്ളം അന്നനാളത്തിലൂടെ കുളു..കുളൂന്ന് തണുപ്പിച്ച് കടന്ന് പോയി....ഈ വെള്ളത്തിനു എന്താ കുഴപ്പം, ഞാൻ കുപ്പി തിരിച്ചും മറിച്ചും നോക്കി....നല്ല കുപ്പി,നല്ല ഭംഗീണ്ടല്ലോ

"ബായ്..ക്യാ മുഷ്കിലെ..."

സംശയം ..ചോദിക്കാലോ..ല്ലേ

"അക്വാഫിന പാനി അച്ഛാ നയി, ദൂസരാ കമ്പനി കൊ പാനി പിയോ.."

വേറെ കമ്പനിയുടെ പാനി കുടിച്ചോളാൻ..
അതെന്താ ..അച്ഛാ നയി..ആയത്, എനിക്കൊന്നും മനസ്സിലായില്ല..ഇനി അഥവ..അക്വാഫിനാ കമ്പനിയുടെ ആരെങ്കിലും ഇയാളെ പിടിച്ച് കടിച്ചോ..ഇയാൾക്കിത്ര ദേഷ്യം...

ആ..ഹാ,..എന്നാ പിന്നെ അതൊന്നറിഞ്ഞിട്ട് തന്നെ കാര്യം..

അല്ല ..ഭായീ... ,ഛെ..അങ്ങനല്ലല്ലോ..

"ഹരേ..ഭായി..യെ പാനികൊ ഇത്നാ മുഷ്കിൽ ഹെ..ഐസാ കൊയി ആദ്മി കുച്ച്  ബോലാ, യാ... കൊയി ചീസ്,, തു..ദേഖാ.." ( എന്നെ സമ്മതിക്കണം..ഹൗ)

അല്ല എന്താ കാര്യം..ഈ വെള്ളം കുടിക്കാൻ കൊള്ളില്ലാന്ന് പറയാൻ..ആരെങ്കിലും പറഞ്ഞോ..അല്ലെങ്കിൽ എന്തെങ്കിലും റിപ്പോർട്ട്..
അവനെന്തെങ്കിലും റീസണുണ്ടെങ്കിലത് അറിയണമല്ലോ..

"നയി..നയി..മേം ദേഖാ നയി, സബ് സൗദിലോഗ് നയി പീതാ..ഹെ.നാ, ഇസ്‌ലിയെ മേം..ഭി നയി പിയൂംഗാ.."

അത് ശരി, സൗദികളൊന്നും കുടിക്കില്ലാത്രേ..അതോണ്ട് പുള്ളിക്കാരനും കുടിക്കില്ലാന്ന്, ഇപ്പോ എന്നോടും പറയുന്നു..നീയും കുടിക്കരുതെന്ന്...

തന്നെ..തന്നെ..കാട്ട് മുക്ക്ന്ന് വന്നവന്റെ സിവിലൈസേഷൻ.,ഞാനവനെ വിട്ടു...എനിക്ക് പോയിട്ട് വേറെ പണിയുണ്ട്...കലാം ഫാളി, ഒരു കാര്യവുമില്ല.. എനിക്ക് നേരവുമില്ല..

എന്തും ഏതും കണ്ണുമടച്ചങ്ങ് കോപ്പി ചെയ്യുക..അത് നല്ലതായും ചീത്തയായാലും ... ബംഗാളികളുടെ ഒരു സ്റ്റൈലാണു..
( ബംഗാളികൾ എന്നുദ്ധേശിച്ചത് ബംഗ്ലാദേശുകാരെയാട്ടോ..)

ചില  സൗദികൾ അക്വാഫിനാ കുപ്പിവെള്ളം കുടിക്കാറില്ല..എന്നവൻ പറഞ്ഞത് സത്യം തന്നെയാണു, അതൊക്കെ വെറും ജാഡയുടെ പുറത്ത് മാത്രമാണു, അല്ലാതെ വെള്ളത്തിനു കുഴപ്പം ഉണ്ടായത് കൊണ്ടല്ല, ..ഈ പറയുന്ന കക്ഷികൾ തന്നെ നിവ്രുത്തിയില്ലാതാവുമ്പോ  അക്വാഫിനാ വെള്ളവും കുടിക്കാറുണ്ട് താനും...അല്ലെങ്കിലും പെപ്സ്,സെവനപ്പ്, മിറിൻഡാ..ഇതൊക്കെ മൂക്കറ്റം കുടിക്കുന്നവർക്ക് അതേ കമ്പനിയുടെ വെള്ളത്തിനോടിനിത്ര അസ്കിത എന്ന് എനിക്കെത്ര ആലോചിട്ടും മനസ്സിലാവുന്നില്ല..


Related Posts with Thumbnails

On 2017, നവംബർ 11, ശനിയാഴ്‌ച 0 അഭിപ്രായ(ങ്ങള്‍)
Bookmark and Share



മക്കയെന്ന പുണ്യ നാട്, ലോകചരിത്രത്തിൽ അനേകമനേകം സംഭാവനകൾ അർപ്പിച്ച മഹാത്മാക്കൾ പിറവികൊണ്ട അനുഗ്രഹീത നാട്..,പറഞ്ഞ് വരുന്നത് പ്രവാചകൻ മുഹമ്മദ് നബിയെയോ അവിടുത്തെ അനുചരന്മാരെയോ മറ്റ് പണ്ഡിതന്മാരെയോ കുറിച്ചല്ല,,അതൊക്കെ പറഞ്ഞാൽ തീരാത്തത്ര വിശാലമായ വിഷയം..

എന്നാൽ അവരുടെയൊക്കെ കാലശേഷം മക്കയിൽ ഭൂജാതനായികാലക്രമേണ നമ്മുടെ ഇന്ത്യാമഹാരാജ്യത്തിൽ എത്തിച്ചേരുകയും വൈദേശികാധിപത്യത്തിനെതിരെയുള്ള സമരമുഖത്ത് മുന്നണിപ്പോരാളിയായി മാറുകയും ചെയ്ത ഒരു മഹദ് വ്യക്തിയെ നിങ്ങൾക്കറിയാമോ..?  കൊല്ലവർഷം 1888 ൽ ഇത് പോലൊരു നവംബർ പതിനൊന്നാം തിയ്യതി ബംഗാളുകാരനായ പിതാവിന്റെയും അറബ് വംശജയായിരുന്ന മാതാവിന്റെയും അരുമപുത്രനായി ജനിച്ച ആ അറിവിന്റെ സൂര്യതേജസ്സ് സ്വതന്ത്ര്യ ഇന്ത്യയുടെ ആദ്യത്തെ വിദ്യാഭ്യാസമന്ത്രിയായി ചരിത്രത്തിൽ ഇന്നും മായാതെ നിൽക്കുന്നു..

മൗലാനാ അബുൽ കലാം ആസാദ്...

"അദ്ദേഹത്തിന്റെ ഓർമശക്തി അത്ഭുതകരമാണ്‌. വിവിധ വിഷയങ്ങളിൽ അദ്ദേഹത്തിനുള്ള അറിവ് വിശ്വ വിജ്ഞാന കോശത്തിനു സമാനമാണ്.... മധ്യ യുഗങ്ങളിലെ ചരിത്രത്തിലും, അറബ് ലോകം, പശ്ചിമേഷ്യ, മുസ്ലിം കാലഘട്ടത്തിലെ ഇന്ത്യ എന്നിവിടങ്ങളിലെ ചരിത്രത്തിൽ പ്രത്യേകിച്ചും മുങ്ങിക്കുളിച്ച വ്യക്തിയാണദ്ദേഹം. പ്ലേറ്റോയും അരിസ്റ്റോട്ടിലുംഅദ്ദേഹത്തിൻറെ വിരൽ തുമ്പുകളിലാണ്." 

-1942 ഒക്ടോബർ 15 ന് അഹ്മദ് നഗർ ജയിലിൽനിന്നു മുൻ പ്രധാനമന്ത്രി ജവഹർലാൽ നെഹ്‌റു മകൾ ഇന്ദിരാ ഗാന്ധിക്കയച്ച കത്തിൽ ആസാദിനെക്കുറിച്ചെഴുതിയ ചില വരികളാണിത്...

അത് മാത്രം മതി ആസാദിനെക്കുറിച്ച് അടയാളപ്പെടുത്താൻ.. 

സ്വാതന്ത്ര്യാനന്തര ഇന്ത്യയിൽ ദേശീയ വിദ്യാഭ്യാസ സമ്പ്രദായത്തിന്‍െറ അന്തസ്സത്ത  നടപ്പാക്കാന്‍ ശ്രമിച്ച നേതാവായിരുന്നു അബുല്‍ കലാം ആസാദ്. അദ്ദേഹം ചെയര്‍മാനായ സെന്‍ട്രല്‍ അഡൈ്വസറി ബോര്‍ഡ് ഓഫ് എജുക്കേഷനാണ്  14 വയസ്സില്‍ താഴെയുള്ള കുട്ടികള്‍ക്ക് സാര്‍വത്രികവും സൗജന്യവുമായ വിദ്യാഭ്യാസം എന്ന ആശയം ആദ്യമായി മുന്നോട്ടുവെച്ചത്. പിന്നീട് ഭരണഘടന രൂപവത്കരണത്തിനുവേണ്ടിയുള്ള കോണ്‍സ്റ്റിറ്റ്യുവന്‍റ് അസംബ്ളിയില്‍ അംഗമായിരുന്ന ആസാദ് ഈ നിര്‍ദേശം ആര്‍ട്ടിക്ള്‍ 45 ആയി ഭരണഘടനയില്‍ ഉള്‍പ്പെടുത്തുകയുമുണ്ടായി..അത് മാത്രമല്ല.


സ്വതന്ത്ര ഭാരതത്തിന്‍െറ ആദ്യത്തെ വിദ്യാഭ്യാസമന്ത്രി എന്ന നിലയില്‍ നിരവധി മറക്കാനാകാത്ത സംഭാവനകള്‍ ആസാദിന്‍േതായിട്ടുണ്ട്.


ഇതില്‍ ഏറ്റവും പ്രധാനപ്പെട്ടതാണ് അദ്ദേഹം തുടക്കംകുറിച്ച മൂന്ന് ദേശീയ അക്കാദമികള്‍-സംഗീത നാടക അക്കാദമി (1953), സാഹിത്യ അക്കാദമി (1954), ലളിതകലാ അക്കാദമി (1954) എന്നിവ. ഇതിനു മുമ്പേ തന്നെ ഇന്ത്യന്‍ കൗണ്‍സില്‍ ഫോര്‍ കള്‍ചറല്‍ റിലേഷന്‍സും (1950ല്‍) മൗലാനയുടെ നേതൃത്വത്തില്‍ സ്ഥാപിക്കുകയുണ്ടായി.


1948ല്‍ സമര്‍പ്പിക്കപ്പെട്ട, ഡോ. എസ്. രാധാകൃഷ്ണന്‍െറ നേതൃത്വത്തിലുള്ള വിദ്യാഭ്യാസ കമീഷന്‍െറ ഏറ്റവും പ്രധാനപ്പെട്ട ശിപാര്‍ശകളില്‍ ഒന്നായിരുന്നു യൂനിവേഴ്സിറ്റികള്‍ക്കും ഉന്നത വിദ്യാഭ്യാസ സ്ഥാപനങ്ങള്‍ക്കും സാമ്പത്തിക സഹായം നല്‍കുന്നതിന് ദേശീയ തലത്തില്‍ ഒരു ഏജന്‍സി എന്നത്. ബ്രിട്ടനില്‍ ഈ കാലഘട്ടത്തില്‍ ഇത്തരത്തില്‍ ഒരു ദേശീയ ഏജന്‍സി നിലനിന്നിരുന്നു. ഇതേ മാതൃകയില്‍ തന്നെ ഇന്ത്യയിലും നടപ്പാക്കണം എന്നായിരുന്നു കമീഷന്‍െറ ശിപാര്‍ശ. എന്നാല്‍, വികസിത രാഷ്ട്രമായ ബ്രിട്ടനില്‍ നിലനിന്നിരുന്ന ഒരു ഏജന്‍സി അതേ മാതൃകയില്‍ ദരിദ്ര രാഷ്ട്രമായ ഭാരതത്തില്‍ നടപ്പാക്കുക എന്നത് പ്രായോഗിക ബുദ്ധിമുട്ടുള്ള കാര്യമായിരുന്നു. ഈ വെല്ലുവിളി ഏറ്റെടുത്ത ആസാദ് ഇത്തരത്തില്‍ ഒരു സ്ഥാപനത്തിന്‍െറ ആവശ്യം, ഘടന തുടങ്ങിയ കാര്യങ്ങള്‍ ദേശീയതലത്തില്‍ ചര്‍ച്ചക്ക് തുടക്കമിട്ടു. ഇതിന്‍െറ പരിണിതഫലമായി 1956ല്‍ യു.ജി.സി ആക്ട് പാര്‍ലമെന്‍റില്‍ അവതരിപ്പിക്കപ്പെട്ടു. ആസാദിന്‍െറ തൊപ്പിയിലെ ഒരു പൊന്‍തൂവലായിരുന്നു ഇത്...നമുക്ക് മറക്കാൻ പറ്റുമോ..?

ഉന്നത വിദ്യാഭ്യാസ രംഗത്ത് ഇന്ത്യയുടെ അഭിമാനമായി മാറിയ ഐ.ഐ.ടികള്‍ എന്ന ആശയം യാഥാര്‍ഥ്യമാക്കിയതാണ് അദ്ദേഹത്തിന്‍െറ മറ്റൊരു പ്രധാനപ്പെട്ട സംഭാവന. ആദ്യത്തെ ഐ.ഐ.ടി ഖരക്പൂരില്‍ 1951ലാണ് സ്ഥാപിതമാകുന്നത്. ഇതിന്‍െറ തൊട്ടുപിറകെ തന്നെ ബോംബെ, ദല്‍ഹി, മദ്രാസ്, കാന്‍പൂര്‍ ഐ.ഐ.ടികളും സ്ഥാപിതമായി...


ചുരുക്കത്തിൽ ആസാദിന്റെ ദീർഘവീക്ഷണമുള്ള പ്രവർത്തനങ്ങളുടെ ഫലമായാണു ഇന്ത്യ മഹാരാജ്യം ഇന്ന് കാണുന്ന വൈജ്ഞാനിക പുരോഗതികൾ കൈവരിച്ചത് എന്ന് മനസ്സിലാക്കുക.. 


ഒട്ടനവധി ഗ്രന്ഥങ്ങൾ രചിച്ച  ഇസ്ലാമിക പണ്ഡിതൻ, ശക്തനായ ദേശീയ പ്രക്ഷോഭ പോരാളി, ഗാന്ധിയന്‍, എഴുത്തുകാരന്‍, സ്വതന്ത്ര ഭാരതത്തിന്‍െറ വിദ്യാഭ്യാസ ഭാവി ചിട്ടപ്പെടുത്തിയ ദീര്‍ഘദര്‍ശിയായ അക്കാദമിഷ്യന്‍ ...ഇതൊക്കെയായിരുന്നു അബുൽ കലാം ആസാദ്...


ആധുനിക ഇന്ത്യയുടെ വിദ്യാഭ്യാസരീതികള്‍ക്കു വഴികാട്ടിയായ അബുല്‍ കലാമിന്റെ ജന്മദിനമായ നവംബർ പതിനൊന്ന് ദേശീയ വിദ്യാഭ്യാസ ദിനമായി ആചരിച്ച് കൊണ്ട് ഇന്ത്യാമഹാരാജ്യം ഇന്നും ആ മഹാനുഭാവനെ ആദരിക്കുന്നു,,സ്മരിക്കുന്നു...

ജയ്..ഹിന്ദ്
Related Posts with Thumbnails

Related Posts with Thumbnails