ബ്ലോഗര്‍ സൂത്രം മെനു ബാര്‍
On 2018, ഡിസംബർ 7, വെള്ളിയാഴ്‌ച 0 comments
Bookmark and Share




ഇനി ഞാനൊരു രഹസ്യം പറയാം..വേണ്ട വേണ്ട എന്ന് വിചാരിച്ചതാ..ഇനി ഒളിച്ച് വെക്കുന്നില്ല...
.
.
കരിപ്പൂർ എയർപോർട്ടിൽ വലിയ വിമാനങ്ങൾ ഇറങ്ങാനുള്ള അനുമതി നേടിയെടുക്കുന്നതിനു അഹോരാത്രം പണിയെടുത്ത കണക്കും പറഞ്ഞ് ഇപ്പോ പുതുമഴക്ക് തവര മുളച്ച പോലെ കുറെയെണ്ണം ഇറങ്ങീട്ടുണ്ട്...എന്തൊരു വെറുപ്പിക്കലാനിഷ്ടാാ...എട്ട്കാലി മമ്മൂഞ്ഞൊക്കെ എന്ത്..!!
.
എന്നാൽ നിങ്ങളു കേട്ടോളീം..നിങ്ങളറിയാത്ത ചിലതുണ്ട്, കാലത്തിന്റെ  ഗതിവിഗതികളിൽ ചെറു ചലനങ്ങൾ സ്രുഷ്ടിച്ച് ആരോരുമറിയാതെ ജീവിച്ച് പോകുന്ന ചില ജീവിതങ്ങൾ....കരിപ്പൂരിൽ വലിയ വിമാനങ്ങൾ ഇറങ്ങാൻ കാരണക്കാരനായ ആ വ്യക്തിയെ ഈയൊരവസത്തിൽ  ഓർക്കാതെ വയ്യ..
.
കേന്ദ്രത്തിലും സംസ്ഥാനത്തിലും ഒക്കെ ഉള്ള ഗവണ്മെന്റുകളിൽ പ്രഷർ ചെലുത്തി ചെലുത്തി ഒടുക്കം സ്വന്തം പ്രഷർ കൂടി ഇപ്പോ അതിനു മരുന്ന് കഴിക്കുന്നുണ്ട് പാവം... പത്രത്തിലും ചാനലിലും  അണികളെക്കൊണ്ട് കാശ് കൊടുത്ത് വെപ്പിക്കുന്ന ഫ്ലക്സ് ബോർഡുകളിലും ചിരിച്ച് നിൽക്കുന്ന പോട്ടം കണ്ട് ജനങ്ങൾ രോമാഞ്ചകഞ്ചുകമണിയുമെന്നും അത് വഴി അടുത്ത ഇലക്ഷനിൽ നാലു വോട്ടധികം പെട്ടിയിൽ വീഴുമെന്നും കിനാകാണുന്ന സ്വഭാവമില്ലാത്തത് കൊണ്ടാണൂ ആ മാന്യദേഹം ഇപ്പോഴും മറയത്ത് നിൽക്കുന്നത്...
.
.
കരിപ്പൂരിൽ വലിയ വിമാനങ്ങൾ ഇറങ്ങാൻ വ്യോമയാനമന്ത്രിയെ കണ്ണുരുട്ടിക്കാണിച്ച് പേടിപ്പിച്ച്  അനുമതി നേടിയെടുത്തതും ,ആ വിമാനത്തിനു ഇറങ്ങാനുള്ള പച്ചക്കൊടി വീശിക്കാണിച്ചതും ,ആ വിമാനത്തിനു വാട്ടർ സല്യൂട്ട് അടിച്ച് സ്വീകരണം കൊടുക്കാൻ മുൻ കൈയ്യെടുത്തതും.ആ വിമാനത്തിലെ യാത്രക്കാർക്ക് സ്പെഷ്യം തരിക്കഞ്ഞിയും അവലോസുണ്ടയും വിതരണം ചെയ്തതും.,എന്തിനധികം നെടുമ്പാശ്ശേരിക്ക് പോകുന്ന ആ വിമാനം കോഴിക്കോടെത്തിയപ്പോ പൈലറ്റിന്റെ കഴുത്തിൽ മലപ്പുറം കത്തി ചേർത്ത് ബെച്ച് "ഇബടെ ഇറക്കടാ ഹംക്കെ..ഇല്ലേൽ അറുത്ത് ബിരിയാണി ബെക്കും" ന്നും പറഞ്ഞ് ഇറക്കിയതും വരെ മൂപ്പരാണു.. ,...ആ മഹദ് വ്യക്തിക്ക് അഥവാ ഈ എനിക്ക് ഞ്യാൻ തന്നെ ആയിരമായിരം മൊത്തം പയിനായിരം  അഭിനന്ദനങ്ങൾ അർപ്പിക്കുകയാണു..,ആശീർവദിച്ചാലും ,അനുഗ്രഹിച്ചാലും..
Related Posts with Thumbnails

On 2018, ഡിസംബർ 5, ബുധനാഴ്‌ച 0 comments
Bookmark and Share



ഒരേ നാട്ടുകാരാണെങ്കിലും എവിടെയെങ്കിലുമൊക്കെ വെച്ചേ നേരിൽ കാണാറുള്ളൂ..അത് ഏതെങ്കിലുമൊരു കല്ല്യാണ വീട്ടിൽ വെച്ചാവാം..അല്ലെങ്കിൽ മറ്റ് ഏതെങ്കിലും ചടങ്ങുകളിലോ പൊത് പരിപാടികളിലോ വെച്ചാവാം.....എങ്കിലും ഒന്നുറപ്പാണു...പൊറായിയിലെ അയ്യപ്പേട്ടന്റെ ഉണ്ണിയുടെ കടവരാന്തയിൽ വെച്ച് പലപ്പോഴും കണ്ട് മുട്ടിയിട്ടുണ്ട്...എന്ന് മാത്രമല്ല...കുശലാന്വേഷണം ചർച്ചയിലേക്കും പിന്നെ വാഗ്വാദങ്ങളിലേക്കും വഴിമാറിയിട്ടുണ്ട്...കാലവും കോലങ്ങളും നിരങ്ങി നീങ്ങി നരവീണ ഉണ്ണീടെ പീടികയുടെ അരമതിലിൽ ഇരുന്ന്  തൂങ്ങി നിൽക്കുന്ന പഴക്കുലകളെയും അതിനു താഴെ അടുക്കിയും അടുക്കാതെയും ചിതറിക്കിടക്കുന്ന വെണ്ടയെയും തക്കാളിയെയും അവരുടെ മറ്റ് ബന്ധുജനങ്ങളെയും സാക്ഷിനിർത്തി ഇളം കാറ്റും അതിനാലുണ്ടാകുന്ന ഹരിതാഭതോരണങ്ങളുടെ ആട്ടവും മാത്രം അലയടിക്കുന്ന ശാന്തസുന്ദരപ്രക്രുതിയിൽ ഒച്ചകളെകൊണ്ട് നിറച്ചിട്ടുണ്ട്..രാഷ്ട്രീയ കാഴ്ചപ്പാടുകൾ കൊണ്ട് രണ്ട് ദിശയിലാണെങ്കിലും ആ ഒച്ചകൾ കേവലം രാഷ്ട്രീയവിഷയങ്ങൾ മാത്രമായി ഒതുങ്ങിയിരുന്നുമില്ല..പക്ഷേ ഒന്നുണ്ട്.. ...എത്ര ചൂടേറിയ വിഷയമാണെങ്കിൽ പോലും അതിവൈകാരികത കൊള്ളുകയോ  ദേഷ്യപ്പെടുകയോ ചെയ്യുന്നതായി ഞാൻ കണ്ടിട്ടില്ല...അത് ഞാൻ മൂപ്പരോട് സൂചിപ്പിക്കുകയും  ചെയ്തിട്ടുണ്ട്...
.
.
കുറച്ച് മുമ്പ് വാട്ട്സാപ്പിൽ വന്ന ഒരു മെസേജിലൂടേയാണു ഞാനതറിഞ്ഞത്...വല്ലാത്ത ഒരു ഷോക്ക്...കൂടേ നിന്ന കൂടേ നടന്ന ഒരു ആൾ ഇല്ലാതായ പോലെ....ഒരു ശൂന്യത....പ്രിയ സാബിറാക്ക...നിങ്ങൾക്ക് ഒരു പക്ഷേ ഞാനാരുമായിരിക്കില്ല..നമ്മൾ തമ്മിൽ ഒരു പാട് കാലങ്ങൾ ഇടപഴകി നടന്നിട്ടുമില്ല...പക്ഷേ കണ്ട് മുട്ടിയ, സംസാരിച്ച സമയം അത്  കണക്ക് കൂട്ടിയാൽ ഇത്തിരിയുള്ളുവെങ്കിലും ഒത്തിരി നാളത്തെ ഇണക്കമായി അത് എന്നിൽ അവശേഷിപ്പിച്ചിരുന്നു എന്ന് ഞാനിപ്പോൾ മനസ്സിലാക്കുന്നു.. 
.
.
കേട്ടത് ഉൾക്കൊള്ളാതിരിക്കാനാവില്ല, വിധിയെ തടുക്കാനുമാകില്ല...എങ്കിലും.......ഒരിറ്റ് മിഴിനീർപ്പൂക്കൾ അർപ്പിക്കാതെ വയ്യ..


Related Posts with Thumbnails

On 2018, നവംബർ 6, ചൊവ്വാഴ്ച 0 comments
Bookmark and Share



ഒന്ന് വെച്ചാൽ രണ്ട്
രണ്ട് വെച്ചാൽ നാലു
ആർക്കും വെക്കാം
എത്രയും വെക്കാം
വെയ് രാജാ വെയ്..

പഴേ കാലത്ത് പൂരപ്പറമ്പുകളിലും സിനിമാകൊട്ടകക്ക് മുമ്പിലും എന്ന് വേണ്ട നാലാൾ കൂടുന്നിടത്തൊക്കെ കാണും ഇമ്മാതിരി പണമിരട്ടിപ്പിച്ച് നൽകുന്ന മാന്ത്രികന്മാരെ...നൊടിയിടയിൽ പണം ഇരട്ടിയാകും..ചിലപ്പോ നൊടിയിടയിൽ കീശ കാലിയാകേം ചെയ്യും..രണ്ടാമത് പറഞ്ഞതിനാണൂ കൂടുതൽ സാധ്യത...ഇനി അഥവാ ആർക്കെങ്കിലും കിട്ടുന്നുണ്ടെങ്കിൽ അത് മൂപ്പർ നേരത്തെ ശട്ടം കെട്ടി നിർത്തിയ ആർക്കെങ്കിലുമാകും..കൂടി നിൽക്കുന്നവരെ വിശ്വാസത്തിലെടുക്കാൻ ഇമ്മാതിരി പൊടിക്കൈകൾ മസ്റ്റാണല്ലോ...ഇരട്ടിപ്പിച്ച് കിട്ടിയ പൈസയുമായി അതിയാൻ പോകുന്നത് കാണുമ്പോഴാണു അത് വരെ മടിച്ച് നിന്നവർ പോലും അറിയാതെ പോക്കറ്റിലുള്ള പൈസ എടുത്ത് വീശാൻ തുടങ്ങും...അതോടെ എല്ലാം ഗുദാ ഗവാ...

കാലം മാറി കോലവും മാറുമല്ലോ...ഇപ്പോ ഇമ്മാതിരി മാന്ത്രികരുടെ വിളയാട്ടമാണു..സംഗതി പൂരപ്പറമ്പിലും പള്ളിപ്പറമ്പിലുമൊന്നുമല്ല..അഞ്ചിന്റേം പത്തിന്റേം കളിയുമല്ല..സംഗതി ഓൺലൈനിലാണു...അപ്പോ അതിന്റെ ഗുമ്മ് കാണൂല്ലോ...വെക്കുന്നതാകട്ടെ ഡോളറും...അടി പൊളി..നിക്ഷേപിക്കുന്ന തുകക്ക് പ്രതിദിനം രണ്ട് മുതൽ അഞ്ച് ശതമാനം വരെ ലാഭം...അതും ഡോളറിൽ...ഒരു ഡോളറിനു എഴുപത് രൂവാ...എന്ന് വെച്ചാ ഒരു നാലക്കം ഡോളർ കൊണ്ട് പോയി ഒലത്തിയാൽ ദിനേനെ വേറേ പണിക്കൊന്നും പോകാതെ ലാഭം മാത്രം മുണുങ്ങി ജീവിക്കാം..പോയി പോയി അറുപത് ദിവസം കഴിഞ്ഞാ മുടക്കിയ മുതൽ ഇരട്ടി...ഹായ്..ഹായ്..

സംഗതി ബഹുജോർ..കേട്ടവർ കേട്ടവർ കാശിറക്കിത്തുടങ്ങി, തട്ടിപ്പാണു വെട്ടിപ്പാണു എന്നൊക്കെ പറഞ്ഞ് അറച്ച് നിന്നവർ ഒന്ന് രണ്ട് പേർക്കൊക്കെ ഇരട്ടിപ്പിച്ച തുക കൈയിൽ കിട്ടുന്നത് കണ്ടപ്പോ കയ്യിലുള്ളതും കടം വാങ്ങിയതും എന്തിനധികം കെട്ട് താലി വരെ പണയപ്പെടുത്തിയതും ഒക്കെ ആയി കിട്ടിയ തുക കൊണ്ട് ചെരിഞ്ഞു..ആദ്യം ഇരട്ടിപ്പിച്ച് കിട്ടിയവരാകട്ടെ കിട്ടിയ തുക ഒന്ന് കൂടി ഇരട്ടിപ്പിക്കാലോ എന്ന് കരുതി അതും കൂടീ അതിലിട്ടു....കൂടാതെ സകലമാന സുഹ്രുത്തുക്കളെയും ബന്ധുക്കളെയും അതിൽ കൊണ്ട് ചേർക്കുകയും ചെയ്തു..ക്രുത്യം അഞ്ച് മാസം..കമ്പനിക്ക് നൂറുക്കണക്കിനു കോടികൾ കിട്ടിക്കാണണം....കമ്പനി വെബ്സൈറ്റും പൂട്ടി ഒറ്റ മുങ്ങൽ...ആട് കിടന്നിടത്ത് പൂട പോലുമില്ല.....സകല ധനമോഹികളുടേയും പ്രതീക്ഷകളും സ്വപനങ്ങളും കയ്യിലുണ്ടായിരുന്ന  ലക്ഷങ്ങളും ത്രീ ജി...എന്ന് വെച്ചാ മൂ......

അപ്പോഴാണു വെളിവുദിക്കുന്നത്..ഏതാ കമ്പനി, എവിടെയാ ആസ്ഥാനം, എന്താണു ബിസിനസ്സ്, ആരൊക്കെയാണു ഡയറക്ടർ....ആ...ആ..ആർക്കറിയാം..ആർക്കും ഒരു ചുക്കും അറിയില്ല, മണകൊണാഞ്ചന്മാർ,  പിന്നെ എന്ത് ഒലക്ക കണ്ടിട്ടാണു ഉള്ള പൈസയെല്ലാം കൊണ്ട് ചെരിഞ്ഞത്...അടക്കിപ്പിടിച്ച ഒരു പ്രാക്ക് മാത്രം  മറുപടി...

മലപ്പൊറത്തും പരിസരപ്രദേശങ്ങളിലും ഉള്ള നിരവധിയാളുകൾ ഈ തട്ടിപ്പിൽ പെട്ട് അടപലം മൂഞ്ചി അണ്ടിപോയ അണ്ണാനെപ്പോലെ അന്തം ബുട്ട് ഇരിക്കുന്നുണ്ട്,..ക്രിപ്റ്റോ കറൻസിയോ അത് പോലുള്ള എന്തോ  ആണു.. മറ്റ് ജില്ലക്കാരുടെ അവസ്ഥ എനിക്കറിയില്ല, പൈസ പോയവരെല്ലാം കൂടിചേർന്ന് പോലീസിൽ പരാതിപ്പെട്ടിട്ടുണ്ടത്രേ..ഹൗ..ബല്ല്യ കാര്യാായിപ്പോയി......പോയ പൈസ താനെ തിരിച്ച് വന്ന് വാതിലിൽ മുട്ടി വിളിക്കും എന്ന് കാത്തിരുന്നോളീ മൊയന്തുകളെ...ആ പൈസ പോയി..ഇനിയെങ്കിലും ഇമ്മാതിരി ഉടായിപ്പ് വഴികളിലൂടേ പണക്കാരനാകാം എന്ന് സ്വപ്നം കണ്ട് ഉള്ള സമ്പാദ്യം കൂടി ആറ്റിലൊഴുക്കിക്കളയണപോലെ കളയാതെ ഉള്ളത് കൊണ്ട് ത്രുപ്തിപ്പെട്ട് സന്തോഷത്തോടെ ജീവിക്കാൻ പഠിക്ക്...ചെറുതെങ്കിലും അധ്വാനിച്ച് നേടുന്ന പൈസക്ക് മഹത്വമുണ്ടെന്നോർക്ക്...അതിലാണൂ സംത്രുപ്തിയെന്നോർക്ക്...

 ഈയടുത്ത് കാളികാവിൽ ഒരു സഹോദരൻ ആത്മഹത്യ ചെയ്തെന്ന് പത്രങ്ങളിൽ വായിച്ചു, അതും ഈ കെണിയില്പെട്ടിട്ടാണെന്ന് മറ്റൊരു റിപ്പോർട്ടും വായിച്ചു ..അരുത് അവിവേകമൊന്നും കാണിക്കരുത് സഹോദരന്മാരെ.......ചുമ്മാ പറഞ്ഞതല്ല..ഉള്ളിൽ തട്ടിയാണൂ പറയുന്നത്..എനിക്കറിയാം എന്റെ കൂട്ടുകാരിൽ പലരും ഈ കെണിയിൽ പെട്ടിട്ടുണ്ടെന്ന്..പൈസയോ പോയി, പോട്ട്, തടിക്കാരോഗ്യമുണ്ടേങ്കിൽ പൈസ ഇനിയുമുണ്ടാക്കാം...
Related Posts with Thumbnails

On 2018, ഒക്‌ടോബർ 31, ബുധനാഴ്‌ച 0 comments
Bookmark and Share



ഇന്നും കണ്ടു ..കണ്മുന്നിലൊരു അപകടം..

ചിലയാളുകൾ വണ്ടിയോടിക്കുന്നത് അവന്മാരുടെ തറവാട്ട്സ്വത്താണു റോഡ്..അതോണ്ട് എനിക്കിഷ്ടമുള്ള പോലെ ഓടിക്കും......നിർത്തും....നീയാരടാ പുല്ലെ...എന്നമട്ടിലാണു...

ഒരുത്തൻ തിരക്ക് പിടിച്ച റോഡിലോട്ട് മുൻ പിൻ നോട്ടമില്ലാതെ  അശ്രദ്ധമായി ഒരു ആക്റ്റീവയും  കൊണ്ടങ്ങ് കയറി..പാഞ്ഞ് വന്നൊരു കാർ അതിയാനെ രക്ഷിക്കാൻ വെട്ടിച്ചെടുത്ത് എതിരെ വന്ന ഒരു ഓട്ടോയിൽ കൊണ്ട് ഉരസി...ഭാഗ്യം ആക്റ്റീവക്കാരന്റെ ജീവൻ ആക്റ്റീവായിത്തന്നെയുണ്ട്....കാറുകാരനു ഇത്തിരി ശ്രദ്ധകുറവുണ്ടായിരുന്നേൽ ആക്റ്റീവക്കാരൻ ഹോസ്പിറ്റലിലായേനേ...

ആളുകൾ കൂടി....ഓട്ടോക്കാരനും കാറുകാരനും കശപിശ....ഇതിനിടയിൽ യാതൊരു ഉളുപ്പുമില്ലാതെ ആക്റ്റീവക്കാരൻ "ഞാനൊന്നുമറിഞ്ഞില്ലേ രാമനാരയണ" എന്ന മട്ടിൽ വണ്ടി ഓടിച്ചങ്ങ് പോയി...
എല്ലാത്തിനും കുഴപ്പക്കാരൻ ആ നാറിയാണൂ..എന്നിട്ട് പൊടിയും തട്ടിയൊരു മുങ്ങൽ...

ഇതാണു നമ്മുടെ റോഡുകളിലെ സ്ഥിതി..

ട്രാഫിക്ക് നിയമങ്ങൾക്കൊക്കെ പുല്ല് വില, നിയമങ്ങൾ യാത്രക്കാരുടെ രക്ഷക്ക് വേണ്ടിയാണെന്ന് സാക്ഷരകേരളത്തിലെ "വല്ല്യ വെവരോള്ളോർക്ക്' ഇത് വരെ തിരിഞ്ഞിട്ടില്ല..ഇനി തിരിഞ്ഞാലോ "നിയമം അത് ലംഘിക്കാനുള്ളതാണു എന്ന പിന്തിരിപ്പൻ മനോഭാവവും..ഇനി അതുമൊരു ആചാരമാണോ ..ആവോ..ആ

പോക്കറ്റ് റോട്ടിൽ നിന്നും മെയിൻ റോഡിലേക്ക് അശ്രദ്ധമായി വണ്ടിയോടിച്ച് കയറ്റുക.,വളവുകളും കയറ്റങ്ങളും എന്ന് വേണ്ട തോന്നുന്നയിടത്തൊക്കെ വണ്ടിയങ്ങ് പാർക്ക് ചെയ്യുക, അശ്രദ്ധമായി വണ്ടിയോടിക്കുക, ഹോണടിച്ച് ഹോണടിച്ച് നാടിനെ പ്രകമ്പനം കൊള്ളിക്കുക,എന്നിങ്ങനെ കലാപരിപാടികൾ ഏറെയുണ്ട്....ചിലർക്ക് അതൊക്കെ ഒരു ആചാരം പോലെയാണു.ചെറുപ്പം തൊട്ടേ പഠിച്ച് വന്ന ശീലങ്ങൾ....ഇമ്മാതിരി ആചാരങ്ങൾ തിരുത്തപ്പെടേണ്ടത് തന്നെയാണു..

ചെറുപ്പത്തിന്റെ ചോരത്തിളപ്പിൽ ചെറുപ്പക്കാർ കാണിക്കുന്ന തോന്ന്യാസങ്ങളെ നമുക്ക് അവരുടെ പ്രായത്തിന്റെ അല്ലെങ്കിൽ പക്വതക്കുറവിന്റെ പ്രോബ്ലം എന്ന് നമുക്ക് വിധിയെഴുതാം..ഇതതല്ല..നല്ല പക്വതയും പാകതയും വന്ന "മാന്യമാർ" ആണു കൂടുതലും ചെറ്റ പരിപാടികൾ കാണിക്കുന്നത്..അവരുടെ കാഴ്ചപ്പാടിൽ അവർ ചെയ്തത് വല്ല്യ ശരിയായി തോന്നുന്നുണ്ടാവും.. നമ്മളത് ചൂണ്ടിക്കാണിക്കാൻ പോയാൽ അവർ തർക്കിക്കുകയും ചെയ്യും....നോളകൾ..അല്ലാതെന്താ..

ഡ്രൈവർമാർ മാത്രമല്ല...ചില കാൽനടയാത്രക്കാരെ കാര്യം പറയാതിരിക്കാൻ വയ്യ...സ്വന്തം വീട്ടിലെ ബെഡ് റൂമിൽ നിന്നും അടുക്കളയിലേക്ക് പോകുന്നത്രെ ലാഘവത്തിലാണു നാഷണൽ ഹൈവേയിൽ പോലും റോഡിലൂടെ നടക്കുന്നത്..റോട്ടിൽ അലഞ്ഞ് തിരിയുന്ന നാൽക്കാലികൾക്ക് പോലും കാണൂം അതിലേറെ കോമൺസെൻസ്...റോഡ് മാനേഴ്സ്  എന്നത് സ്കൂൾ സിലബസിൽ ഉൾപ്പെടുത്തി കുട്ടികളെ പഠിപ്പിച്ചെടുക്കേണ്ട സമയം അതിക്രമിച്ചിരിക്കുന്നു....ഈ തലമുറയോ പോയി..വരും തലമുറയെങ്കിലും നന്നാവട്ടെ.... പുതിയ ആചാരങ്ങൾ ശീലിക്കട്ടേന്ന്



ദിനേന പത്രം വായിക്കുന്ന ആർക്കും മനസ്സിലാകും.. ബോധവത്കരണവും സൂചനാബോർഡുകളും മുന്നറിയിപ്പുകളും ട്രാഫിക്ക് നിയമങ്ങളുടെ കാർക്കശ്യവും ഒന്നും റോഡ് മരണങ്ങളുടെ എണ്ണം കുറക്കുന്നില്ല..എന്ന് മാത്രമല്ല..വൻ വർധനകൂടിയാണു കാണിക്കുന്നത്..

പെരുവഴിയിൽ തലതകർന്ന് ,കുടൽ ചാടി കൈകാലുകൾ ഒടിഞ്ഞ് നുറുങ്ങി അപമ്രുത്യുവരിക്കാനുള്ള ദുര്യോഗം ജാതകദോഷമൊന്നുമല്ല..അല്ലെങ്കിൽ വിധിയുടെ വിളയാട്ടം എന്ന് പറഞ്ഞ് കൈ കഴുകാനും പറ്റില്ല...നമ്മടെ  ബോധമില്ലായ്മയുടെയും അശ്രദ്ധയുടെയും അഹന്തകളുടെയും  ദോഷമാണു..,.ആ ദോഷങ്ങൾ മാറ്റിയെടുക്കാൻ പറ്റില്ല എന്നും കരുതണ്ട..മാറ്റിയെടുക്കാം... വേണെമെന്ന് വിചാരിക്കണം..ആരു വിചാരിക്കണം..സർക്കാരോ പോലീസോ മോട്ടോർ വാഹനവകുപ്പോ ആരും അല്ല....നാം ഓരോരുത്തരും സ്വയമങ്ങ് വിചാരിക്കണം..
Related Posts with Thumbnails

On 2018, ഒക്‌ടോബർ 26, വെള്ളിയാഴ്‌ച 0 comments
Bookmark and Share



ഈയിടയായി ചിലത് കാണാം
ചുറ്റിലും കിടന്ന് തിളങ്ങുന്നു
ഇന്നതൊക്കെയൊന്ന് എടുത്ത് നോക്കി
ഹാ... തകർന്ന് വീണ സ്വപ്നങ്ങൾ

ആരുടേതാണാവോ
എങ്ങിനെയാണാവോ
തകർന്ന് ചിതറിക്കിടക്കുന്നു..
എല്ലാം  പെറുക്കിക്കൂട്ടി
ഒരു  ഭാണ്ഡക്കെട്ടാക്കി
തലച്ചുമടുമായ്
ഞാൻ ഇറങ്ങി നടന്നു
തകർന്ന സ്വപ്നങ്ങളുടെ
ഉടമസ്ഥരെയും തേടി
നാടും നഗരവും കടന്ന്
പാടവും പറമ്പും കടന്ന്
ഞാൻ ചുറ്റിക്കറങ്ങി

സ്വപ്നങ്ങൾ നഷ്ടപ്പെട്ടവരുണ്ടോ..?
സ്വപ്നങ്ങൾ തകർന്നവരുണ്ടോ..?

എന്നുടെ ചോദ്യം കേട്ട്
നാടൊട്ടുക്ക് നിശബ്ദമായി നിന്നു
പിന്നെയവർ ഓടിക്കൂടുകയായി
എന്റെ ചുറ്റിലും നിന്നു തേങ്ങലോടെ
സ്വപ്നങ്ങൾ നഷ്ടപ്പെട്ടവരുടെ നീണ്ട നിര

ഇത്രയധികം നഷ്ടബാധിതരോ..
ഇത്രയധികം കഷ്ടബാധിതരോ..
എനിക്കാകെ പരിഭ്രമമായി
.
.
ജീവിതപ്രാരാബ്ധങ്ങളുടെ പരീക്ഷണശാലയിൽ
ചുവടുകൾ തെന്നി വീണു കേഴുന്നൊരു പ്രവാസി
,
പരീക്ഷണപരീക്ഷകളുടെ വേലിക്കെട്ടുകളിൽ
തട്ടിത്തടഞ്ഞ് വീണൊരു വിദ്യാർത്ഥി
.
ജോലിതേടി അലഞ്ഞ് തിരിഞ്ഞ് വെയിൽ
കൊണ്ട് വാടിയ മനസും മുഖവുമായൊരു യുവാവ്
.

രാഷ്ട്രീയക്കളരിയിൽ ജീവിതം
കുരുതികൊടുത്ത മകന്റെ അച്ഛൻ
.
പ്രണയം നടിച്ച് നീരൂറ്റിക്കുടിക്കപ്പെട്ട്
പഴം തുണിപോൽ പുറം തള്ളപ്പെട്ട പെൺകുട്ടി
.
സ്ത്രീധനത്തിന്റെ കാഞ്ഞപുറങ്ങളിൽ
താഡനങ്ങളും പീഡനങ്ങളും ഏറ്റ യുവതി
.
ലഹരിമരുന്നുകൾ ആഹാരമാക്കിയ മകന്റെ
പോക്കിൽ സഹതപിച്ച് കഴിയുന്നൊരമ്മ...
.
നിരയങ്ങനെ നീളുന്നു..
ഇല്ല..എനിക്കിത് കാണാൻ വയ്യ
ഇല്ല..എനിക്കിത് കേൾക്കാൻ വയ്യ..

ഞാനെന്റെ കണ്ണുകൾ പൊത്തി
സ്വപ്നങ്ങളുടെ ഭാണ്ഡക്കെട്ടുകൾ
വലിച്ചെറിഞ്ഞ് ഞാനോടി...
ഒരിക്കലും തിരിഞ്ഞ് നോക്കാതെ
ഞാനോടി.....





Related Posts with Thumbnails

On 0 comments
Bookmark and Share


എബ്രഹാം ലിങ്കൻ ഒരിക്കൽ പള്ളിയിൽ പോയ ഒരനുഭവകഥ വിവരിക്കുന്നതിങ്ങനെയാണു..
.
അന്ന് അച്ഛന്റെ പ്രസംഗം തുടങ്ങിയത് ഞാൻ കർത്താവിന്റെ പ്രതിപുരുഷനെന്ന് പറഞ്ഞ് കൊണ്ടാണൂ..നിറഞ്ഞ സദസ്സിനു മുമ്പിൽ പ്രസംഗം അങ്ങനെ കസറുകയാണു....കുറച്ച് കഴിഞ്ഞപ്പോൾ ഒരു പല്ലി ആൾക്കൂട്ടത്തിനിടയിലൂടെ പരിഭ്രമിച്ചോടി വന്ന് "ഹാവൂ രക്ഷപ്പെട്ടു.." എന്നും പറഞ്ഞ് വല്ല മടയാണെന്നും കരുതിക്കാണും... അച്ഛന്റെ ളോഹക്കകത്ത് കയറി,.. പന്തികേട് സംഭവിച്ചത് അച്ഛനറിഞ്ഞു..പക്ഷേ പ്രസംഗം നിർത്തുന്നതെങ്ങനെ..പ്രസംഗത്തിനിടയിൽ തന്നെ നൈസായി കാലു നിലത്തടിച്ച് പല്ലിയെ തെറിപ്പിക്കാൻ അച്ഛൻ ശ്രമം നടത്തിനോക്കി.....
.
കാര്യമൊന്നും മനസ്സിലാകാതെ ശ്രോതാക്കൾ ചിലർ നെറ്റി ചുളിച്ചു..ചിലർ മുഖത്തോട് മുഖം നോക്കി..ഹാ...പുതിയ വല്ല ആചാരവുമാവും ,ചിലർ സമാധാനിച്ചു....അച്ഛനങ്ങനെ പ്രസംഗം തുടരുകയാണൂ..
.
പല്ലി വിടാനുള്ള ഭാവമില്ല..അതങ്ങനെ മുകളിലോട്ട് കയറാൻ തുടങ്ങി...അച്ഛനുടനെ ളോഹയുടെ ബട്ടൻസ് അഴിച്ചു..ഉള്ളിലൂടെ കയ്യിട്ട് പല്ലിയെ പുറത്തെടുക്കാൻ ശ്രമിച്ചു..ആളുകൾ ഞെട്ടിത്തരിച്ചു..
അപ്പോഴും പ്രസംഗമങ്ങനെ കത്തിക്കയറുകയാണു..
.
ഒടുക്കം സഹികെട്ട് അച്ഛൻ ളോഹ തന്നെ ഊരിയെടുത്ത് നിലത്തിട്ടു..ശ്രോതാക്കൾ അമ്പരന്നു..സ്ത്രീജനങ്ങൾ കണ്ണ് പൊത്തി....ഇയ്യാളെന്തൊക്കെയാ ഈ കാട്ടണെ..അയ്യേ..
.
"ഇന്ന് കർത്താവിന്റെ പ്രതിപുരുഷനായി ഞാൻ നിങ്ങളെ മുന്നിൽ നിൽക്കുമ്പോൾ ...".അച്ഛൻ പ്രസംഗത്തിന്റെ മൂർദ്ധന്യാവസ്ഥയിലാണു....പക്ഷേ പല്ലി വിടുന്ന മട്ടില്ല..അത് പിന്നേം ഉള്ളിലേക്ക് കയറാൻ തുടങ്ങിയതും വെപ്രാളത്തോടെ അച്ഛൻ പാന്റ് തന്നെ അഴിക്കാൻ തുടങ്ങി...അപ്പോൾ പിൻ നിരയിൽ നിന്ന് ഒരു സ്ത്രീ എഴുന്നേറ്റ് നിന്ന് വിളീച്ച് പറഞ്ഞു.."എട".."അലവലാതി ഇമ്മാതിരി ചെയ്ത്തും ചെയ്തോണ്ട് ഇപ്പഴും പറയുന്നു ഇങ്ങളാണു കർത്താവിന്റെ പ്രതിപുരുഷനെന്ന്..അങ്ങനാണെങ്കി എനിക്ക് ഇമ്മാതിരി പള്ളീം വേണ്ട, ഇമ്മാതിരി ബൈബിളും വേണ്ട...ഞാൻ പോണു....
.
ആൾക്കൂട്ടം അലമ്പുണ്ടാക്കി പിരിഞ്ഞ് പോകാൻ തുടങ്ങിയപ്പോഴാണു അച്ഛനു സംഗതിയുടെ ഗുട്ടൻസ് പിടി കിട്ടണത്...കൈവിട്ട് പോയീന്ന്...
.
.
ഇതൊക്കെ ഇപ്പൊ ഇവടെ പറയാൻ കാരണം..
.
ഈയടുത്ത കാലത്ത് ചിലരുടെയൊക്കെ പ്രവർത്തനങ്ങൾ മീൻസ് വിശ്വാസികളെ വഴിതടഞ്ഞ് ആക്രമിച്ചുള്ള വിശ്വാസസംരക്ഷണം..
.
ഭരണഘടനെയും സുപ്രീം കോടതിയെയും കേരളത്തിലുള്ള മന്ത്രിമാരെയും പ്രത്യേകിച്ച് മുഖ്യമന്ത്രിയെയും തെറിവിളിച്ച് റാലിനടത്തിക്കൊണ്ടുള്ള ആചാരസംരക്ഷണവും
.
പത്ത് നാല്പത് സർക്കാർ ബസുകൾ അടിച്ച് തകർത്ത് പത്രക്കാരെയും റിയൽ ഭക്തന്മാരെയും അടിച്ചോടിച്ച് പോലീസിനെ കല്ലെറിഞ്ഞ് നടത്തുന്ന "ഗാന്ധി" മാർഗ്ഗത്തിലുള്ള ( ?) സമരമുറകളും
.
ചാനലുകളിൽ കയറിയിരുന്നുള്ള വായിട്ടലക്കലുകളും സോഷ്യൽ മീഡിയയിൽക്കിടന്നുള്ള കൈകാലിട്ടടിക്കലുകളും
.
ഒക്കെ കാണുമ്പോ ചില സംശയങ്ങൾ പറയാതെ വയ്യ..
.
അയ്യപ്പനെ മനസ്സിൽ ആവാഹിച്ച് ആ ദർശനപുണ്യം കരഗതമാക്കി ആത്മസായൂജ്യം നേടാൻ കഠിനമായ വ്രതമനുഷ്ടിച്ച് കല്ലും മുള്ളും ചവിട്ടി കാടും മലയും കയറിയിറങ്ങി സന്നിധാനത്തെത്തുന്ന ആയിരക്കണക്കായ വിശ്വാസികൾ ...
.
യഥാർത്ഥത്തിൽ
അവരുടെ ത്യാഗങ്ങളെയല്ലേ നിങ്ങൾ കളങ്കപ്പെടുത്തുന്നത്..
അവരുടെ വിശ്വാസങ്ങളെയല്ലേ നിങ്ങൾ സമൂഹത്തിൽ താറടിപ്പിച്ച് കാണിക്കാൻ ശ്രമിക്കുന്നത്....
എന്തിനധികം ആ ദൈവചതന്യത്തെയല്ലേ നിങ്ങൾ കളങ്കപ്പെടുത്തിക്കാണിക്കാൻ ശ്രമിക്കുന്നത്..
.
നിങ്ങളാർക്ക് വേണ്ടി, എന്തിനു വേണ്ടി,ഏതെല്ലാം രീതിയിലൊക്കെയാണു ഇമ്മാതിരി ചെയ്തികളൊക്കെ ചെയ്യുന്നതെന്ന് മലയാളമണ്ണിലെ പതിനായിരക്കണക്കിനു വിശ്വാസികളടക്കമുള്ള മഹാഭൂരിപക്ഷം വരുന്ന ജനസമൂഹത്തിനു മനസ്സിലായി കഴിഞ്ഞിട്ടുണ്ട്...നിങ്ങൾ കപടവിശ്വാസികളാണു എന്നുള്ളത് അവർ തിരിച്ചറിയുന്നുമുണ്ട്...നിങ്ങളുടെ പൊയ്മുഖം അവർ വലിച്ച് കീറുകതന്നെ ചെയ്യും....
.
ദൈവത്തിൽ വിശ്വസിക്കാം..ദൈവത്തേയും വിശ്വസിക്കാം...ഹി..ഇസ് നോട്ട് ചീറ്റിങ്ങ്...എന്തായാലും മ്മൾ മനുഷ്യരെപ്പോലെ അല്ല ഗഡി...എന്ന് വെച്ചാ നിങ്ങളെയൊക്കെ മനസ്സിലുള്ള എല്ലാ പൂച്ചും മൂപ്പർക്ക് അറിയാം..അതോണ്ട് കപടത മാറ്റിവെച്ച് ആ സവിധത്തിൽ ചെന്ന് സാഷ്ടാംഗം നമിച്ച് ചെയ്ത്കൂട്ടിയ തെമ്മാടിത്തരങ്ങൾക്കൊക്കെ മാപ്പപേക്ഷിച്ച് നല്ല മനുഷ്യന്മാരായി ജീവിക്കാൻ നോക്ക്....




Related Posts with Thumbnails

On 2018, ഒക്‌ടോബർ 25, വ്യാഴാഴ്‌ച 0 comments
Bookmark and Share


അന്തിയുടെ മൂട്ടിൽ അന്തം വിട്ട്
കുന്തിച്ചിരുന്നപ്പോൾ കൊന്ത്രമ്പല്ല്
കൊണ്ടെന്നെ ഞോണ്ടാൻ വന്ന
ഉറുമ്പിന്റെ മുമ്പിൽ കളിയായൊരു
കല്ലെടുത്ത് വെച്ചപ്പോൾ ആ പാവം
കണ്ണ് തള്ളി നിന്നു..ഹാ...പർവ്വതം

ചിന്തകളെ മേയാൻ വിട്ടിട്ടൊരിടത്ത്
കട്ടൻ ചായ മോന്തിക്കുടിക്കും നേരം
ഉമ്മറത്തിരുന്നൊരു ചിരട്ടക്കഷ്ണത്തിൽ
കളിയായിത്തിരി വെള്ളമൊഴിച്ച്
വെച്ചപ്പോളതിൻ കരയിലിരുന്നൊരു
പാവം ഉറുമ്പിൽ കണ്ണിലത് സമുദ്രം

രണ്ട് മൂന്നാണ്ട് മുമ്പത് കിലോ പത്ത്
ഇന്നത് കിലോ പത്ത് പത്ത് നൂറു..
അന്നത്തെ പത്ത് ഇന്ന് നൂറത്രേ..
കറിവെപ്പുകാരിയുടെ കടച്ചിലും
മുറിച്ചിലുമേറ്റ് വാങ്ങാൻ ഊഴം കാത്തിരുന്ന
മത്തിയുടെ പുറത്തിരുന്നൊരു പാവം
ഉറുമ്പ് ആശ്ചര്യപ്പെട്ടു..ഇതന്നെ തിമിംഗലം..

ആളിക്കത്തുന്നൊരടുപ്പ് നരകാഗ്നിയും
ആടിയിളകുന്ന അരകല്ല് ഭൂമികുലുക്കവും
ആഞ്ഞ് വീശും കാറ്റായ് ഫാനിൻ കറക്കവും
ആറ്റിറമ്പിലെയിത്തിരി മണലൊരു മരുഭൂമിയും
ആകുമാ ഉറുമ്പിൻ കണ്ണിലെന്നും എന്നാകിൽ
ആടിത്തീർക്കുമീ ജീവിതയാത്രയിൽ 
ആരിലും വന്ന് ഭവിക്കും സംഗതികൾ
അവസാനമില്ലായെന്ന് കരുതീടല്ലാ..
അനന്തരം ഒരു മറുവശമുണ്ടെന്ന് കൂടി
അറിയുക..അത് മാത്രമാക്കുക പ്രചോദനം
അത് നമ്മെ മുന്നോട്ട് നയിച്ചീടും സത്യം..
അത് നമ്മെ മുന്നോട്ട് നയിച്ചീടും സത്യം...
Related Posts with Thumbnails

On 2018, ഒക്‌ടോബർ 22, തിങ്കളാഴ്‌ച 0 comments
Bookmark and Share




ഇന്ന് രാവിലെ എഴുന്നേറ്റത് തന്നെ നല്ല കിടിലൻ മഴയും കണികണ്ടായിരുന്നു..കോടയൊക്കെ പുതച്ച് ഇടക്കിടക്ക് ഇടിമുഴക്കമൊക്കെ പാസാക്കി ഇടക്കൊന്ന് നിന്നും അമർന്നും ചാഞ്ഞും ചരിഞ്ഞും മഴയങ്ങനെ തകർത്ത് പെയ്തു..നാട്ടിൽ വന്നിട്ട് ഇത്രേം നാളായിട്ടും നല്ലൊരു മഴ നനയാൻ പറ്റാത്തതിന്റെ സങ്കടം ..അത് ..ഇന്നങ്ങ് തീർത്തു...വീട്ടിന്നെറങ്ങുമ്പോ കുടയും ആടകളും ഉണ്ടായിരുന്നു..ആളും അനക്കവുമില്ലാതെ കാട് മൂടിക്കിടക്കുന്ന പറമ്പിലേക്ക് കയറിയപ്പോ അതെല്ലാം ചുരുട്ടിക്കൂട്ടി ഒതുക്കി വെച്ച്..ഒറ്റത്തോർത്തും എടുത്ത് ഒറ്റ നടപ്പായിരുന്നു..നട്ടുച്ചക്കും ഇരുൾ മൂടിച്ച് മഴയങ്ങനെ തകർത്ത് പെയ്തു..ആ പെയ്ത്തും ഏറ്റ് വാങ്ങി ഞാനങ്ങനെ നടന്നു..ഒരു പിരാന്തനെപ്പോലെ.....കുട്ടിക്കാലത്ത് കയറിയിറങ്ങിയ വഴികൾ തപ്പിപ്പിടിച്ച്..തിരിച്ച് നടക്കാൻ പറ്റാത്ത ആ കാലം രേഖപ്പെടുത്തിയ ഓർമ്മകളുടെ ചീന്തുകൾ തേടി....രണ്ടാൾ പൊക്കത്തിലുയർന്ന് നിൽക്കുന്ന പൊന്തക്കാടുകളെയും വകഞ്ഞ് മാറ്റി ചവിട്ടിമെതിച്ച് ഒരു യാത്ര....
.
.


കൂടണയാൻ കഴിയാതെ തണുത്ത് വിറച്ച് പടുവണ്ണി മരത്തിന്റെ കൊമ്പിനിടയിൽ പതുങ്ങിയിരിക്കുന്ന മൈന,കടമകളും ബാധ്യതകളും തലയിലേറ്റി ഒരു കരപറ്റവേ കർമ്മവീഥിയിൽ വിഗ്നങ്ങളേറ്റ് നിസഹായവസ്ഥയിൽ ... മനസ്സിലാകും ആ കണ്ണുകളിലെ അന്ധാളിപ്പ്....
.
.


നിനച്ചിരിക്കാത്ത നേരത്ത് ആരടാപ്പാ ഈ കയറി വരുന്നതെന്ന് കണ്ണും തുറിപ്പിച്ച് ഒടിഞ്ഞ് തൂങ്ങിയ പനമരത്തിന്റെ നെറുകെയിൽ ഇരുന്ന് നോക്കിക്കൊണ്ടിരുന്ന സുന്ദരൻ മയിലമ്മ,പൊടുന്നനെ വന്ന് ചേരുന്ന സൗഭാഗ്യങ്ങളിലും സന്താപങ്ങളിലും അമിതാഹ്ലാദമോ അതിസങ്കടമോ ഇല്ലെങ്കിൽ അത് നമ്മളെ പക്വതയും പാകതയും ഉള്ളവരാക്കി തീർത്തത് തന്നെ..മയിലമ്മക്കൊരു ഹായ്...
.
.


പറങ്കിമാവിൻ കാട്ടിലൂടെ നൂണ്ട് കടന്നപ്പോ ഉള്ളിലൊരു ആന്തൽ സ്രുഷ്ടിച്ച് മിന്നായം പോലെ കരിയിലകൾക്കിടയിലൂടേ ചക ചകാന്ന് പാഞ്ഞ് പോയ ഒരു കാട്ട് കോഴി ഫാമിലി,എല്ലാം വെറും നൈമിഷികമാണു..അത് നമ്മളിൽ ഉണ്ടാക്കുന്ന അതിന്റെ അനുരണനങ്ങൾ മാത്രമാണൂ നമ്മുടെ തുടർന്നങ്ങോട്ടുള്ള ഭാഗധേയം നിർണ്ണയിക്കുന്നത്..നൈമിഷകമായ ചിലത് നമ്മെ ആഴത്തിൽ സ്വാധീനിച്ചെന്നുമിരിക്കും..എങ്കിലും അത് നമ്മെ മുന്നോട്ട് നടത്താൻ പാകപ്പെടുത്തുന്ന രീതിയിലല്ലെങ്കിൽ അത് നമ്മുടെ നഷ്ടം..
.
.






മണ്ണിൽ വീണു ചീഞ്ഞ് നുരുമ്പിക്കിടക്കുന്ന ഏതോ ഒരുമരത്തിന്റെ ഇടയിൽ നിന്ന് തലയുയർത്തി നോക്കി അഭിവാദ്യം ചെയ്ത ഒരു പാമ്പ്,അതിജീവനത്തിന്റെ വഴികൾ പലതാണു..അതൊരിക്കലും അടയുന്നില്ല..ഇനി അഥവാ ഒന്നടഞ്ഞാലും മറ്റൊന്ന് തുറന്നിരിക്കും..അത് കണ്ടെത്തുന്നതിൽ മാത്രമാണു നമ്മുടെ അധ്വാനമിരിക്കുന്നത്..
.
.


കാടും പൊന്തയും വകഞ്ഞ് മാറ്റുന്നതിനിടയിലെപ്പോഴോ ശരീരത്തിൽ കയറി കടിയുടെ മേളം കാഴ്ച് വെച്ചെന്നെ വേദനയുടെ പുളിപ്പും മണവും അനുഭവിപ്പിച്ച പുളിയുറുമ്പിൻ കൂട്ടം.അപരനെ വേദനിപ്പിക്കുന്നതിൽ ആനന്ദം കണ്ടെത്തുന്നത് വേദനയുടെ രുചി അറിയാത്തവരാണു..ഇറച്ചിക്ക് വേദന പറ്റിയാൽ തീരുന്ന അഹങ്കാരമേ ഇന്നൊരുമാതിരി ആൾകൾക്കും ഉള്ളൂ...എന്നാലും പുളിയുറുമ്പുകളെ ഇതിത്തിരി ഡോസ് കൂടിപ്പോയി..സാരല്ല്യ..നോം പൊറുത്തിരിക്കണു..
.
.


,ഇടക്ക് കാൽതെന്നി വീഴാൻ പോയപ്പോൾ താങ്ങി നിർത്താനെന്നവണ്ണം എന്റെ കാലിലും കയ്യിലും വരിഞ്ഞ് മുറുക്കി കൊളുത്തിവലിച്ച് പാടുകൾ വീഴ്ത്തിയ മുൾവള്ളികൾ,...ഹൗ..നീറ്റൽ ഇത് വരെ മാറിയിട്ടില്ല...മാറില്ല,,ചീല നീറ്റലുകൾ മാറില്ല..മാറരുത്..അതങ്ങനെ മാസങ്ങളും വർഷങ്ങളും നീറിപ്പുകയണം....കൂടെ നടന്ന് താങ്ങും തണലുമായി വർത്തിക്കുമെന്ന് തോന്നിപ്പിക്കും ചിലർ..പക്ഷേ വീഴ്ചകളിൽ കൂടുതലും മുറിവേൽപ്പിക്കുന്നത് അവരായിരിക്കും....
.
.


.അങ്ങനെ അങ്ങനെ കാഴ്ചകൾ ഒത്തിരി, അനുഭവങ്ങൾ ഒത്തിരി, ചിന്തകൾ ഒത്തിരി..
.
.


വേദനയും സുഖവും തണുപ്പും ഇടിയും മഴയും കോടയും തളർച്ചയും ഉയർച്ചയും നടപ്പും ഇരിപ്പും വീഴ്ചയും മുറിവുകളും ഏകാന്തയും ഭയവും ഒപ്പം എല്ലാത്തിലുമുപരി നൊസ്റ്റാൾജിയയും കൂടിക്കലർന്നൊരു യാത്ര,

മൂന്നോ നാലോ മണിക്കൂർ...മണ്ണിലേക്കിറങ്ങി പ്രക്രുതിയിലേക്കിറങ്ങി കാടും മേടും കണ്ട് കിളികളോട് സല്ലപിച്ച് പൂക്കളെ ആസ്വദിച്ച് മരങ്ങളെ തൊട്ടറിഞ്ഞ് കൈത്തോട്ടിലെ വെള്ളത്തിൽ തട്ടിക്കളിച്ച് പാറക്കെട്ടിൽ കയറിക്കിടന്ന് ഒടുക്കം ചോലയിൽ നിന്ന് ഒരു കുളിയും കുളിച്ച് ..ഹൗ... ഒരു യാത്ര പോയാൽ കിട്ടുന്ന ഒരു പോസ്റ്റീവ് എനർജിയുണ്ടല്ലോ..അതൊരു വേറെ ലെവലാണു മക്കളെ...,,, വണ്ടർഫുൾ ജേർണി, ദൈവത്തിനു സ്തുതി....
.
.


( മഴ, അർധനഗ്നരൂപം,പിന്നെ അങ്ങനെയൊരു മൂഡല്ലായിരുന്നു..അത് കൊണ്ട് ഫോട്ടോ അധികമൊന്നും എടുത്തിട്ടില്ല...)
Related Posts with Thumbnails

On 2018, ഒക്‌ടോബർ 18, വ്യാഴാഴ്‌ച 0 comments
Bookmark and Share





ആഹാ..ബലേ ഭേഷ്...
.
അക്രമം ,ലാത്തിച്ചാർജ്, കല്ലേറു,ഹർത്താൽ, നിരോധനാജ്ഞ........സംഗതി ബഹുജോർ
.
ഒരു കഥപറയാം..
1594 ലെ കഥയാണു..സാമൂതിരിയുടെ പടത്തലവനായിരുന്ന കുഞ്ഞാലി മരക്കാരെ അറിയാത്തവരുണ്ടാവില്ല...ബ്രിട്ടീഷുകാരുടെയും മറ്റ് അധിനിവേശ ശക്തികളുടെയും കടന്ന് കയറ്റത്തെ ശക്തമായി പ്രതിരോധിച്ച പോരാളികളൂടെ നേതാവ്..കുഞ്ഞാലി മരക്കാർ ഒന്നാമൻ പറങ്കികളുമായുള്ള യുദ്ധാനന്തരം അപകടം പിണഞ്ഞ് രോഗശയ്യയിൽ കിടക്കുന്നു..തന്റെ വിശ്വസ്തനായ പടനായകനെ കാണാൻ സാമൂതിരി അങ്ങോട്ടെത്തി..ആ സംഭവം വിവരിച്ച് കൊണ്ട് കെ .പി.കേശവമേനോൻ എഴുതിയത് ഇങ്ങനെയാണു..
.
"മരക്കാർ മരിക്കാനൊന്നുമായിട്ടില്ല, ഇനിയും നമുക്ക് നാടിനു വേണ്ടി പലതും ചെയ്യാനുണ്ട്..അതിനു ദൈവം ഇടവരുത്തട്ടെ.."
.
എന്ന് സാമൂതിരി തൊണ്ടയിടറിക്കൊണ്ട് ആശംസിച്ചപ്പോൾ മരക്കാർ പറഞ്ഞു..
.
" നമ്മുടെ വിജയത്തിനു കാരണം അതൊരിക്കലും നമ്മുടെ പടക്കോപ്പുകളുടെ മികവല്ല, നമ്മുടെ യുദ്ധസാമർത്ഥ്യം കൊണ്ടുമല്ല..നമ്മുടെ വിജയങ്ങൾക്ക് കാരണം നമ്മുടെ ഐക്യമാണു..നമ്മുടെ യോജിപ്പാണു..നമുക്കൊരിക്കലും ജാതിയും മതവും നമ്മുടെ ശത്രുവിനെ നേരിടുന്നതിനു തടസ്സമായിരുന്നില്ല..നാടിന്റെ ക്ഷേമം മാത്രമേ നാം നോക്കിയിരുന്നുള്ളൂ..അത് നില നിർത്തണം..പടച്ചോൻ അതിനു സഹായിക്കട്ടെ...." വാക്കുകൾ മുഴുമിക്കാതെ ആ ധീര യോദ്ധാവ് മരണമടഞ്ഞു...
.
.
ഈയവസരത്തിൽ എനിക്കും അതേ പറയാനുള്ളൂ...നമ്മൾ മലയാളികൾ നാം നേടിയെടുത്ത എന്ത് പുരോഗതിയുണ്ടെങ്കിലും അത് നമ്മുടെ ഐക്യത്തിന്റെയും ഒത്തൊരുമയുടെയും ഫലമാണു..ആ ഐക്യം തകർത്ത് ഇവിടെ വിഷവിത്ത് പാകി നേട്ടം കൊയ്യാൻ വ്യക്തമായ ആസൂത്രണത്തോടെ പ്ലാൻ ചെയ്ത് ഉണ്ടാക്കിയെടുത്തതാണു ഇപ്പോഴത്തെ സംഭവവികാസങ്ങൾ ..നമ്മൾ മലയാളികൾ ഒന്നിച്ച് നിന്ന് അതിനെ നേരിടണം....നമ്മുടെ സ്ഥ്വൈര്യം തകർക്കാൻ കച്ചകെട്ടിയിറങ്ങിയിരിക്കുന്ന എല്ലാ വിഷജീവികളെയും തിരിച്ചറിയുക...ഒറ്റപ്പെടുത്തുക.. ...വിവേകം വികാരത്തിനു വഴിമാറുന്നത് നന്നല്ല...
.
ഗോഡ് ബ്ലസ്സ് അസ്..
Related Posts with Thumbnails

On 2018, ഒക്‌ടോബർ 17, ബുധനാഴ്‌ച 0 comments
Bookmark and Share



അകലെ ഏതോ ഗ്രാമത്തിൻ താഴ്വരയിലെ
പച്ചപ്പ് പോലെ ഓർമ്മയിലെ ബാല്യം..
ആർത്തിയുടെ യാന്ത്രിക രൂപങ്ങൾ കാർന്ന് തിന്ന
പ്രക്രുതിയുടെ മാറിടം പോലെ വിക്രുതമായ  യൗവ്വനം..
പിന്നെ വർത്തമാനകാലത്തിൻ  നിമ്നോന്നതങ്ങളും നിറഭേദങ്ങളും..

സമൂഹമായിരുന്നു അയാളൂടെ സ്വത്വം..
പ്രസ്ഥാനമായിരുന്നു ജീവിതം..
നെഞ്ചോടടുക്കിപ്പിടിച്ചതെല്ലാം
ആഴത്തിൽ മുറിവുകൾ മാത്രം ഹ്രദയാങ്കുരങ്ങളിൽ
കോറിയിട്ടപ്പോൾ  അയാൾ ഏകാന്തതയെ പ്രണയിച്ച് തുടങ്ങുകയായിരുന്നു..

തിരിഞ്ഞ് നോക്കുമ്പോൾ അഭിമാനമായിരുന്നു മനസ്സ് നിറയെ..
ഇപ്പോൾ..

"ഇല്ല...."
"താനൊന്നും നേടിയിട്ടില്ല.."

എല്ലാം നഷ്ടപ്പെടുകയായിരുന്നു..
അലച്ചിലിനിടയിൽ എത്തിപ്പെട്ട
ഒരു പഴയ വേല കേന്ദ്രത്തിലെ മേസ്തിരിയുടെ ചോദ്യം അയാളുടെ മനസ്സിൽ കൊളുത്തി നിന്നു...

"നിനക്കെന്ത് ജോലിയാണറിയുക..."

"ഇല്ല .".
"തനിക്കൊന്നും അറിയില്ല.".

പ്രത്യയശാസ്ത്രത്തിന്റെ കുറെ സംജ്ഞകൾ..
പിന്നെ കുറെ വാചകക്കസർത്തുകളും..

"ഇല്ല..".
"മറ്റൊന്നുമറിയില്ല..."
Related Posts with Thumbnails

On 2018, ഒക്‌ടോബർ 14, ഞായറാഴ്‌ച 0 comments
Bookmark and Share



യാത്രതിരിച്ചവർ നമ്മൾ
അന്ധകാരത്തിന്റെ
ആഴിയിലൂടെയുള്ള യാത്ര..
ഒരിക്കലും മടങ്ങി വരാത്ത
ഏകദിശാ ഗമനം

ഇനിയെത്ര കാതമുണ്ട്
ലക്ഷ്യസ്ഥാനത്തെത്താൻ
എന്ന തിരിച്ചറിവില്ലായ്മ
അതാണാ ആ യാത്രയുടെ ഹരം..

ഇവനെന്തൊക്കെയാ -യീപറയുന്നത്
ആയിട്ടില്ല..മണ്ടക്കടിക്കാനായിട്ടില്ല

ഈ യാത്ര
ചിലർക്ക് ശരവേഗത്തിലുള്ളതാവാം..
മറ്റ് ചിലർക്ക് കൈപ്പേറിയതത്രെ..എത്ര
അമ്മയുടെ പേറ്റ് നോവോളം
ഇനിയും ചിലർക്ക് ദൈർഘ്യമുണ്ടെങ്കിലും
മനോഹരമായതത്രെയത്...ഓ..പിന്നെ

ജീവിതയാനത്തിന്റെ പ്രയാണം
അതിനെക്കുറിച്ചുള്ള
വ്യതിരിക്തമായ ഈ അനുഭവങ്ങൾ
നമ്മിലുണ്ടാകുന്ന ദിവ്യപ്രോക്തമായ
കാഴ്ചപ്പാടുകൾക്കനുസ്രുതമായാണു
രൂപപ്പെടുന്നതെന്ന് ഞാൻ പറഞ്ഞാൽ

നിങ്ങളെന്റെ മണ്ടക്കടിക്കുമോ...

ബഹളമയമായ ഈ ലോകത്തേക്ക്
എടുത്തെറിയപ്പെടുമ്പോൾ അല്ലെങ്കിൽ
ഊരിയെടുത്ത് കീറിമുറിച്ചെടുത്ത്
വെളിച്ചം കാണുമ്പോൾ
വളവും പുളവുകളും ഉള്ള ഏതേത്
പാതകളാണു താണ്ടേണ്ടതെന്ന
ബോധം നമുക്കുണ്ടായിരുന്നോ...
പിന്നെയെങ്ങനെയാണു
നാമോരോരുത്തരും നമ്മുടെ
വഴികൾ തിരിച്ചറിഞ്ഞത്..
വിധിയുടെ കൈക്രിയകൾ
തന്നെയാണതെന്ന് ഞാൻ പറഞ്ഞാൽ

നിങ്ങളെന്റെ മണ്ടക്കടിക്കുമോ...

ഭാഗ്യനിർഭാഗ്യങ്ങളുടെ ഊട് വഴികൾ
അഭംഗുരം ഇഴപിരിയുന്ന ജീവിതവഴികൾ
തിരഞ്ഞെടുപ്പ് ദുഷ്കരമായ വഴികൾ
പക്ഷേ ആരോ നിജപ്പെടുത്തിവെച്ചിരുന്നോ
നമുക്ക് ബോധ്യമാകാത്തവിധം
നമ്മുടെ വഴികൾ

ചിലപ്പോൾ തരളകോമളനായി..
അല്ലെങ്കിൽ വിക്രുതരൂപിയായി..
വിവിധങ്ങളായ
സ്വഭാവസവിശേഷതകളോടെ..
ശരീരപ്രക്രുതിയോടെ..
എന്നൊക്കെ ഞാൻ പറഞ്ഞാൽ

നിങ്ങളെന്നെ മണ്ടക്കടിക്കുമോ..


Related Posts with Thumbnails

On 2018, ഒക്‌ടോബർ 11, വ്യാഴാഴ്‌ച 0 comments
Bookmark and Share


ദിനരാത്രങ്ങളുടെ 
ഡയറിപ്പേജുകളിൽ
കുത്തിവരച്ചിഷ്ടം പോലെ
ജീവിച്ച് തിമിർക്കവെ

അവനെത്തിയേക്കും..

പുലർകാലചിട്ടയിലൊരു
ചുട് ചായ മോന്തും നേരം
പടിപ്പുരവാതിൽക്കൽ
നിനക്കാത്തയഥിതിയായ്

അവനെത്തിയേക്കാം.. 

പ്രലോഭനങ്ങളുടെ 
കാഴ്ചപ്പരിധിയിൽ
മോഹങ്ങളുടെ 
കിടമത്സരങ്ങൾ നടക്കവെ

അവനെത്തിയേക്കാം...

കെട്ടിപ്പൊക്കിയ 
ഹിതങ്ങൾ,അപരന്റെ
തട്ടിത്തകർത്ത്
ചവിട്ടിമെതിച്ച്
മാനം മുട്ടെയുയർത്തിയ
ചീട്ട് കൊട്ടാരങ്ങൾക്കിടയിൽ
റഫറിയായി ഫൈനൽ വിസിലൂതി

എത്തും..അവൻ

തണുപ്പായ്...മരവിപ്പായ്
കാല്പാദത്തിനടിയിൽ 
നിന്നരിച്ച്  കയറവെ
ഉറുമ്പരിക്കുമാലോചനകളിൽ
നിറഞ്ഞ നിലാവും
നീലവിഹായസ്സുൾപുളകവും
കിനാ കാൺകെ
അവൻ വന്ന് തൊട്ട് വിളിക്കും..

വരൂ..പോകാം...
ഒന്നെണിറ്റ് വാടേയ്..
Related Posts with Thumbnails

On 2018, ജൂലൈ 16, തിങ്കളാഴ്‌ച 0 comments
Bookmark and Share



അഭിനന്ദനങ്ങൾ..

രണ്ടാം വട്ടവും ലോകകപ്പ് കൈപ്പിടിയിലൊതുക്കിയ ഫ്രാൻസിനു..

അഭിനന്ദനങ്ങൾ...

അവസാനം വരെ മികച്ച പോരാട്ടം കാഴ്ചവെച്ച് കീഴടങ്ങിയ ക്രൊയേഷ്യക്ക്..

അഭിനന്ദനങ്ങൾ..

കിടിലൻ കളികളിച്ച് ടീമിനെ ഇത്രേം കൊണ്ടെത്തിക്കുന്നതിൽ നിർണ്ണായക പങ്ക് വഹിച്ച് "ഗോൾഡൻ ബോൾ" ബോയ് ലൂക്കാമോഡ്രിച്ചിനു....

അഭിനന്ദനങ്ങൾ...

ഉസൈൻ ബോൾട്ടിനെപ്പോലെ മൈതാനത്ത് പാറിനടന്ന് പലനിർണ്ണായക നീക്കങ്ങൾ നടത്തി മത്സരഗതി തന്നെ നിയന്ത്രിച്ച പത്തൊമ്പതുകാരൻ പയ്യൻ , ഇനിയങ്ങോട്ട് ലോകം കാണാനിരിക്കുന്ന ഹീറോ.., യുവതാരം എംബാപ്പക്ക്...

അഭിനന്ദനങ്ങൾ

പെനാൽട്ടികൾ അടിച്ച് മാത്രം ടോപ്പ് സ്കോറർ ആയ , ഇംഗ്ലണ്ടിനെ ഒറ്റക്ക് നയിച്ചു എന്ന് മാദ്ധ്യമങ്ങൾ പാടിനടന്ന് അതിയാനെ സമ്മർദ്ധത്തിന്റെ പട് കുഴിയിലാക്കി എന്നതൊഴിച്ച് നിർത്തിയാൽ എ ഗുഡ് പ്ലയർ ടോപ് സ്കോറർ ഹാരികെയിനിനും..

അഭിനന്ദനങ്ങൾ

തലങ്ങനെയും വിലങ്ങനെയും വെടിയുണ്ട കണക്കെ വരുന്ന ബ്രസീലിയൻ കളിക്കാരുടെ ഷോട്ടുകളെ കുത്തിയകറ്റി തട്ടിയകറ്റി തളർന്നുവെങ്കിലും ' നീർക്കോലി കടിച്ചാലും അത്താഴം മുടങ്ങും ' ബ്രസീലിന്റെ അത്താഴം മുടക്കിയ  ബെൽജിയം ഗോളി 'ഗോൾഡൻ ഗ്ലൗ' കുർട്ടോയ്സിനും

അഭിനന്ദനങ്ങൾ

ഈ ടൂർണ്ണമെന്റ് വളരെ‌മികച്ചരീതിയിൽ സംഘടിപ്പിച്ച കമ്മറ്റി ടീം റഷ്യക്ക്..

അഭിനന്ദനങ്ങൾ

കപ്പെടുക്കതെ ഇനി വിരമിക്കില്ലാന്ന് പ്രഖ്യാപിച്ച് ടൂർണ്ണമെന്റിൽ നിന്ന് നേരത്തെ വിരമിച്ച മെസ്സിന്റീനക്ക്.

അഭിനന്ദനങ്ങൾ

സാംബാതാളം നിറം കെട്ട പ്രകടനവുമായി കപ്പടിക്കാമെന്ന മോഹത്താലെത്തി റെഡ് ഡെവിൾസിന്റെ മണ്ടക്കടിയേറ്റ് കിറുങ്ങി പുറത്തേക്ക് തെറിച്ച മഞ്ഞപ്പടക്ക്..

അഭിനന്ദനങ്ങൾ

ഏഷ്യൻ ചുണക്കുട്ടികളുടെ പരാക്രമത്തിൽ ആന കയറിയിറങ്ങിയ കരിമ്പിൻ തോട്ടം കണക്കെ  തകർന്ന് തരിപ്പണമായ ടീമും മനസ്സുമായി നേരത്തെ കുടുംബം പൂകിയ ജർമ്മനിക്ക്..

അഭിനന്ദനങ്ങൾ

തോളിലേറ്റി കുതിച്ച് കടന്ന് കയറാമെന്ന് നിനച്ചെങ്കിലും ഒടുക്കം താങ്ങാൻ കഴിയാതെ തളർന്ന് വീണ സി.ആർ.സെവനും ഒപ്പം കളം വിടേണ്ടി വന്ന  പോർച്ചുഗലിനും..

അഭിനന്ദനങ്ങൾ

ഞാനടിക്കില്ല, നീയടിക്ക്, അല്ല നീ തന്നെ അടിക്ക്..എന്നും പറഞ്ഞ് നിർണ്ണായക മത്സരത്തിൽ പോലും ഗോളടിക്കാതെ പരസ്പരം പാസ്സിട്ട് കളിച്ച് സമയം കളഞ്ഞ് ഇനി എന്തിഷ്ടാ എന്ന് പറയിപ്പിച്ചാ ഇനിയെസ്റ്റയുടെ  എസ്പാനക്ക്..

അഭിനന്ദനങ്ങൾ

മേല്പറഞ്ഞ മൂന്ന് നാലു ടീമുകൾക്ക് വേണ്ടി പത്തറുനൂറ് കോടികൾ മുടക്കി കേരളത്തിലങ്ങോളമിങ്ങോളം ഫ്ലക്സ് മാലകൾ തൂക്കി കോരിച്ചൊരിയുന്ന മഴയത്തും ആവേശം തണുക്കാതെ പാതിരാവിലും ടി.വി യിൽ കൺമിഴുച്ചിരുന്ന് "സപ്പോട്ട" അടിച്ച ഫുട്ബാൾ ഫാൻസിനു..

അഭിനന്ദനങ്ങൾ

പ്രത്യേകിച്ച് അന്തോം കുന്തോമില്ലാത്ത പ്രവചനങ്ങൾ നടത്തി ഇളിഭ്യരായ ഫേസ്ബുക്കികൾക്ക്...

അഭിനന്ദനങ്ങൾ

പിന്നെ ഇതൊക്കെ എഴുതിക്കൂട്ടി സമയം കൊല്ലുന്ന എനിക്ക്...

അഭിനന്ദനങ്ങൾ

ഈ മാതിരി അവിഞ്ഞ പോസ്റ്റുകൾ വായിച്ച് അമളി പറ്റിയ നിങ്ങൾ വായനക്കാർക്ക്..

അഭിനന്ദനങ്ങൾ

എല്ലാർക്കുമെല്ലാർക്കും ഒരായിരം പ്ലസ് രണ്ടായിരം മൊത്തം മൂവായിരം (ഇപ്പം അത്ര മതി)..അഭിനന്ദനങ്ങൾ...

അപ്പോ...ഇനി ഖത്തറിൽ...

സീ യു ഇൻ ഖത്തർ..
സീ യു ഇൻ 2022

( ആയുസ്സോടെ ഉണ്ടായാ മത്യാർന്നു...)
Related Posts with Thumbnails

On 2018, ജൂലൈ 14, ശനിയാഴ്‌ച 0 comments
Bookmark and Share



യെസ്....ചരിത്രനിമിഷം..
അണ്ടർ 20 ലോക അത്ലറ്റിക് ചാമ്പ്യൻ ഷിപ്പിൽ നാനൂറ് മീറ്ററിൽ മിന്നുന്ന പ്രകടനം കാഴ്ചവെച്ച് സ്വർണ്ണ നേട്ടം കരസ്ഥമാക്കിയ ഇന്ത്യയുടെ അഭിമാനപുത്രി "ഹിമ ദാസ്"..ഒരായിരം അഭിനന്ദനങ്ങൾ..
.
അങ്ങനെ ചരിത്രത്തിലാദ്യമായി ഒരു ലോക അത് ലറ്റിക് ചാമ്പ്യൻഷിപ്പിൽ ട്രാക്കിനത്തിൽ സ്വർണ്ണം.....
.
ഈ യുവതലമുറയിൽ പ്രതീക്ഷയുണ്ട്...നമുക്ക് കാത്തിരിക്കാം.....ഇത് പോലുള്ള മനോഹര വാർത്തകൾക്കായി...
.





ഭാരതാംബയുടെ പതാക ഒരു ലോകവേദിയിൽ ഉയർന്ന് പൊങ്ങുന്നു..ഒപ്പം ദേശീയ ഗാനത്തിന്റെ ഈരടികളും...
.
കഠിനാധ്വാനം ചെയ്ത് നിരന്തരപരിശ്രമത്തിലൂടെ കടന്ന് വന്ന് വിജയം പിടിച്ചെടുത്ത് ആ വിജയസോപാനത്തിൽ കയറി തലയുയർത്തി നിന്ന് പിറന്ന മണ്ണിനെ സ്മരിക്കുമ്പോൾ ഹ്രദയാങ്കുരങ്ങളിൽ നിന്ന് പതച്ചുയരുന്ന ദേശസ്നേഹത്തിന്റെ ആ ധാര അശ്രുകണങ്ങളായ് കവിൾത്തടം നനച്ച് ഒലിച്ചിറങ്ങാതിരിക്കുവതെങ്ങനെ.....
.
ഏറെ അഭിമാനം തോന്നുന്നു കുട്ടീ...നൂറ്റി മുപ്പത് കോടി ജനങ്ങൾ...ഇന്ത്യക്കാർ...ഇന്ന് നിന്നിലേക്ക് മാത്രമായി ചുരുങ്ങിയിരിക്കുന്നു...


ജയ് ഹിന്ദ്
Related Posts with Thumbnails

On 2018, ജൂലൈ 9, തിങ്കളാഴ്‌ച 0 comments
Bookmark and Share



അങ്ങനെ ക്വാർട്ടർ ഫൈനലും ആയി..പത്ത് മുപ്പത്തിരണ്ട് ടീമുകൾ..ഇപ്പോ വെറും നാലെണ്ണമായി..ചുരുങ്ങി.....ആ..ഹാ

"കണ്ട് കണ്ടങ്ങിരിക്കും ജനങ്ങളെ കണ്ടില്ലെന്ന് വരുത്തുന്നതും ഭവാൻ..
മാളികമുകളേറിയ മന്നന്റെ തോളിൽ മാറാപ്പ് കേറ്റുന്നതും ഭവാൻ..."

ന്ന് പറഞ്ഞ മാതിരി വല്ല്യ വല്ല്യ ഡയലോഗടിച്ച് വന്ന പുലികളെയൊന്നും ഇപ്പം കൂട്ടത്തിൽ കാണണില്ല...ഏതായാലും കളികൾ തുടരട്ടെ...കളിയാവേശം കൊഴുക്കട്ടെ...അതിനിടയിൽ "ഓണത്തിടക്ക് പുട്ട് കച്ചവടം"  സ്റ്റൈലിൽ ഒരു‌ചിന്ന കാര്യം....

നാടായ നാടെങ്ങും അഭിവാദ്യമർപ്പിച്ച് കൊണ്ട് ഫ്ലക്സ് ബോർഡുകൾ ഉയർത്തപ്പെട്ട ടീമുകളിൽ പലതും തോറ്റ് തൊപ്പിയിട്ട് സ്വന്തം നാട്ടിൽ തിരിച്ചെത്തി...അധികം വൈകാതെ ഏതെങ്കിലുമൊരു ടീം കപ്പുയർത്തുകയും ലോകഫുട്ബാൾ മാമാങ്കത്തിനു തിരശ്ശീല‌ വീഴുകയും ചെയ്യും...
അതോടെ ആവേശകമ്മറ്റിക്കാരൊക്കെ പൊടിയും തട്ടി പോകുകയും ചെയ്യും.....അപ്പോഴും ബാക്കിയാവുന്ന ചിലതുണ്ട്...അതങ്ങനെ കാലങ്ങളോളം വെയിലും മഴയുമേറ്റ് നുരുമ്പിച്ച് കീറിപ്പറിഞ്ഞ് അങ്ങനെ കിടക്കും...


ചിലതൊക്കെ ഏതെങ്കിലുമൊക്കെ കോഴിക്കൂടിനും വിറക്പുരക്കുമൊക്കെ തണലായി‌ മാറുമെങ്കിലും മിനിമം ഒരു എൻപത് ശതമാനവും വഴിയിൽ കിടന്ന് നശിക്കാറാണു പതിവ്...(അതിനു മാത്രം കോഴിക്കൂട് എവിടാപ്പാ..)

പറഞ്ഞ് വരുന്നത് ആരെപ്പറ്റിയാണെന്നല്ലേ.....വേറെ ആരുമല്ല...ആയിരങ്ങളും  അധ്വാനവും  ചിലവഴിച്ച് സ്ഥാപിക്കപ്പെട്ട പടുകൂറ്റൻ ഫ്ലക്സ് ബോർഡുകളെപറ്റി തന്നെ.....കെട്ടാൻ കാണിക്കുന്ന ആവേശമൊന്നും കെട്ടിയത് അഴിച്ച് കൊണ്ട് പോകാൻ കാണൂല..
അതല്ലേലും അങ്ങനാണല്ലോ....
അത് കൊണ്ട്...ഇപ്രാവശ്യം  നമുക്കല്പം വ്യത്യസ്തമായി ചിന്തിച്ച് കൂടേ...
.
ഏയ്...ഒരു ആശയം പറയുകാണെന്ന്....വേണേൽ സ്വീകരിച്ചാൽ മതി...
.
നമുക്ക് ആ  ഫ്ലക്സ് ബോർഡുകൾഅഴിച്ചെടുത്ത് വ്രുത്തിയാക്കി മുറിച്ചെടുത്ത് അത് കൊണ്ട് പല പല ഡിസൈനിലുള്ള  മനോഹരമായ രീതിയിൽ സ്കൂൾ ബാഗുകൾ, കിറ്റുകൾ, പെൻസിൽ പൗച്ചുകൾ, എന്നിവ ഉണ്ടാക്കിക്കൂടേ... ...

എന്നിട്ട് ആ ഐറ്റംസുകൾ നമ്മുടെ തൊട്ടടുത്ത ഏതെങ്കിലും വിദ്യാലയത്തിലോ നിർധനരായ വിദ്യാർത്ഥികൾക്കോ നമ്മടെ ഫാൻസിന്റെ വഹ..അല്ലെങ്കിൽ നമ്മടെ ക്ലബ്ബിന്റെ വക  സൗജന്യമായി വിതരണം ചെയ്താൽ എങ്ങനെയുണ്ടാകും..കിടിലനായിരിക്കില്ലേ.....
.
.

അതോണ്ടെന്താ ഗുണം ന്നോ..?
ഗുണമല്ലേയുള്ളൂ...ഒന്നാമത് ഫ്ലക്സ് ബോർഡുകൾ വഴിയിൽകിടന്ന് നശിച്ച് പരിസ്ഥിതിക്ക് നാശം വരുത്തുന്നില്ല ...

നാം നിർമ്മിക്കുന്ന ഉല്പന്നങ്ങൾ നിർധനരായ വിദ്യാർത്ഥികൾക്ക് ഒരു ആശ്വാസവും സന്തോഷവുമായിരിക്കും...

നമുക്കാകട്ടെ ഒരു സദ്പ്രവർത്തി ചെയ്യുന്നതിലുള്ള സംത്രുപ്തിയും സന്തോഷവും..

ഒപ്പം പാഴ്വസ്തുക്കൾ പുനരുപയോഗം ചെയ്യുന്ന കാര്യത്തിൽ സമൂഹത്തിനു മുന്നിൽ ഒരു കിടിലൻ ബോധവതകരണവും മാത്രുകയും....


പോരേ.

.
അയ്യോടാ...അതൊക്കെ വല്ല്യ മെനക്കേടുള്ള കാര്യമല്ലേ ഭായ്...

ഏയ്..എന്ത് മെനക്കേട്...ഏതെങ്കിലും ഒരു ഒഴിവ് ദിവസം രണ്ട് മൂന്നാളുകൾ കൂടിയൊന്നിരുന്നാൽ പറ്റുന്ന കേസേയുള്ളൂ...പിന്നെ ഇച്ചിരി നൂൽ, കുറച്ച് സിബ്ബുകൾ, ബട്ടണുകൾ, കാൻവാസ് തുണി,പശ, ഇച്ചിരി കൂടി മനോഹരമാക്കണമെങ്കിൽ ഒട്ടിക്കാനായി കുറച്ച് സ്റ്റിക്കറോ എംബ്ലമോ ചിത്രങ്ങളോ വേണമെങ്കിൽ അത്...ഇതൊക്കെ നിസ്സാരവിലക്ക് സംഘടിപ്പിക്കാവുന്നതേയുള്ളൂ.....


പ്രധാനമായി വേണ്ടത് ഒരു തയ്യൽ മെഷീനാണു..(ഫ്ലക്സൊക്കെ തയ്ക്കണമെങ്കിൽ സാദാ മെഷീൻ പറ്റുമോന്ന് എനിക്കറിയൂലട്ടോ..)..പിന്നെ ഒരല്പം കലാവാസന, അതിലുപരി ഇച്ചിരി സേവനമനോഭാവം...ഈ ചേരുവകളൊക്കെ ചേരും പടി ചേർത്ത് ഒരല്പം സമയം ഇതിനായി നീക്കി വെച്ചാൽ അതൊരു ഒന്നൊന്നര സംഭവമാകും...
.
ആരുണ്ട് ഇങ്ങനൊയൊരു മാത്രുക കാണിക്കാൻ..
.
"സംഗതിയൊക്കെ ശരി തന്നെ..നമ്മടെ ടീമിന്റെ ഫാൻസുകാർ മറ്റേ ടീമിന്റെ ഫ്ലക്സ് ചോദിച്ചാൽ....അത്..."
.
"ഓ..പിന്നേ.... ഞമ്മടെ ടീമും മറ്റേ ടീമും....അതൊക്കെ വേൾഡ് കപ്പ് തീരുന്നതോടെ തീർന്നില്ലേ ബ്രോ..ഇപ്പം ഞമ്മൾ വി ആർ ബ്രദേർസ്.....അല്ലെങ്കിൽ തന്നെ ചേതമില്ലാതെ ചെയ്യാൻ പറ്റുന്ന മഹത്തായ ഒരു സേവന പ്രവർത്തനത്തിനു സഹകരിക്കാത്ത ആരുണ്ടീ ലോകത്തിൽ..അമ്മാതിരി ഒഴിവ് കഴിവൊന്നും പറയാൻ നിൽക്കണ്ട..
.

.
അപ്പോ..ശരി..തൊടങ്ങല്ലേ...ഉടനെ തന്നെ നാട്ടിലും പരിസര പ്രദേശങ്ങളിലും പരസ്യം ചെയ്ത് പരമാവധി ഫ്ലക്സുകൾ സംഘടിപ്പിക്കൂ...എന്നിട്ട് നല്ല കിടിലൻ ഉല്പന്നങ്ങൾ നിർമ്മിക്കൂ...
.
മലപ്പൊറത്തിന്റെ ഫുട്ബോൾ പ്രേമം...അതിനേക്കാൾ മഹത്തരമായ സന്നദ്ധസേവനപ്രവർത്തനങ്ങൾ,  മാത്രുകകൾ...ലോകമറിയട്ടെ..ചരിത്രം രേഖപ്പെടുത്തട്ടെ...

(ഒപ്പം കുറച്ച് ഐറ്റംസുകളുടെ ചിത്രങ്ങൾ ചേർക്കുന്നു..)
Related Posts with Thumbnails

On 2018, ജൂലൈ 8, ഞായറാഴ്‌ച 0 comments
Bookmark and Share



കസാനിലെ പട് കൂറ്റൻ സ്റ്റേഡിയം...ലോകകപ്പിലെ വീറുറ്റൊരു മത്സരത്തിനു വേണ്ടി കാത്തിരിക്കുകയാണു ലോകം..ഡ്രസ്സിംഗ് റൂമിൽ താരങ്ങൾ റെഡിയായിക്കൊണ്ടിരിക്കുന്നു...അല്പസമയത്തിനകം ആ സ്റ്റേഡിയത്തിൽ ഈ വേൾഡ് കപ്പിലെ രണ്ട് വമ്പൻ ശക്തികൾ ഏറ്റ് മുട്ടുകയാണു...
മൂളിപ്പാട്ടും പാടി കാലിൽ സോക്സ് കുത്തിക്കയറ്റുന്നതിനിടയിലാണു വില്ല്യം അത് കണ്ടത്..നെഞ്ചിലും പുറകിലുമൊക്കെ തുണിവാരിച്ചുറ്റുകയാണു നെയ്മർ..

"ഹൈ..എന്തിഷ്റ്റാ ഈ കാട്ടണെ....പടച്ചട്ടയൊക്കെയണിഞ്ഞ് ഇയ്യെന്താ യുദ്ധത്തിനു പോവാ.."

" എട പൊട്ടാ...ഇന്നെന്തായാലും കിടിലൻ കളിയായിരിക്കും...അപ്പോ കുറെ കിടന്ന് ഉരുളേണ്ടി വരും ..ന്ന് ഒറപ്പാ...അപ്പോ ഒരു സേഫ്റ്റിക്ക്...സേഫ്റ്റി ഈസ് ഫസ്റ്റ് ന്നാണല്ലോ.."

" അയ്യയ്യേ...നാണമാവില്ലേടാ അനക്ക്..ഇങ്ങട്ട് നോക്കി ക്യാപ്റ്റൻ ബ്രോ..ഈ നെയമറു കാട്ടണേ..."

അത് കേട്ട് സിൽവ തിരിഞ്ഞ് നോക്കി...

"ഹ..ഹ..എന്തോന്നാടാ ഇത്‌.. അനക്ക് ഇപ്പഴും  മതിയാക്കാനായില്ലേ നെയമറേ.."
സിൽവ യും പറഞ്ഞ് തുടങ്ങി..

" ആ...ഇങ്ങക്ക് അങ്ങനെയൊക്കെ പറയാം...എന്തെങ്കിലും പറ്റി കിടപ്പിലായാൽ എന്റെ കുട്ട്യോളു പട്ടിണിയാവും...അപ്പോ ഈ പറയണ ആരേം കാണൂല.."

"അതിനു നെയ്മറെ കല്ല്യാണം കഴിഞ്ഞോ..എപ്പോ..ഞാനറിഞ്ഞീലല്ലോ..ഫെർണാണ്ടീഞ്ഞ്യോ നെറ്റി ചുളിച്ചു..."

" അതിപ്പോ ഒരു ചായകുടിക്കണമെങ്കിൽ ചായത്തോട്ടം വാങ്ങണമെന്നില്ലല്ലോ..എവിടേലും കേറി ചായകുടിച്ച് കാണും.."
കുട്ടിന്യോ ഒന്ന് ആക്കിച്ചിരിച്ചു..

അപ്പോഴാണു പൗളീഞ്ഞ്യോ അത് വഴി വന്നത്..

"എടാ നെയ്മറേ..അന്നേ കാണാൻ രണ്ട് ബൈക്കിൽ ഒരാളു വന്നക്കണു..പുറത്തുണ്ട്.."

" രണ്ട് ബൈക്കിൽ ഒരാളോ.."

" ..സോറീ തെറ്റിപ്പോയി..ഒരു ബൈക്കിൽ രണ്ടാൾ.."

" ആരാ..പേരു പറഞ്ഞോ.."

"ചെമ്പത്തെങ്ങ് പോലെ രണ്ടെണ്ണം..ഒന്ന് മിന്നലേറ്റ് കരിഞ്ഞ പോലെയാ‌..പേരെന്താന്നാ...ലുക്കാക്കോ..അങ്ങനെയെന്താന്നാ പറഞ്ഞേ...കണ്ടിട്ട് വല്ല്യ ലുക്കൊന്നും തോന്നണില്ല..."

" ആ.ഹാ..അത് ഞമ്മടെ ബെൽജിയത്തിന്റെ പ്ലയേർസല്ലേ...ഞങ്ങളു ഫ്രണ്ട്സാ...ഫേസ്ബുക്കിലൊക്കെയുണ്ട്.."

നെയ്മർ എണീറ്റു..ഒപ്പം ഫെർണാണ്ടീഞ്ഞ്യോയും..

പുറത്ത് നഖവും കടിച്ച് ആകാംക്ഷയോടേ ഫില്ലെയ്നിയും ലുക്കാക്കുവും‌.ബെൽജിയം ടീമിന്റെ മുന്നേറ്റ നിരക്കാർ...


"അല്ല ഫില്ലൂ എന്താ കാര്യം.."

" അത് പിന്നെ നെയ്മറേ..ഈയവസരത്തിൽ ചോദിക്കാൻ പാടില്ല....എന്നാലും..."

" നീ ചോദീരടാ...ഉവ്വേ...എന്താ വേണ്ടേ..."

" അത്..അത്....ഇന്നത്തെ കളി നിങ്ങളു ഞങ്ങക്ക് വേണ്ടി ഒന്ന് തോറ്റ് തരണം...പ്ലീസ്.."


" ങെ..ഇയ്യെന്താ ഈ പറയണേ..ഇത് കട്ടസെവൻസല്ല...വേൾഡ് കപ്പാ...തോറ്റാ നാട്ടീചെല്ലാൻ പറ്റൂല.."

" അങ്ങനെ പറയരുത് നെയ്മർ ബ്രോ..ഒന്നുല്ല്യങ്കിലും ഞമ്മളു ഫ്രണ്ട്സല്ലേടാ..അന്റെ ഏത് ചളുങ്ങിയ പോസ്റ്റ് ആണേലും ഞാൻ ലൈക്കും ഷെയറും ഒക്കെ അടിക്കാറില്ലേ...ആ ഒരു നന്ദിയെങ്കിലും..."

" അതൊന്നും നടക്കണ കേസല്ല..നിങ്ങളു വണ്ടി വുട്ടേ."..
ഫെർണാണ്ടീഞ്ഞ്യോ ഇടക്ക് കയറി  ചൂടായി..

ഫില്ലെയ്നി കരച്ചിലിന്റെ വക്കത്തെത്തി..

" കഴിഞ്ഞ മുപ്പത്തിരണ്ട് കൊല്ലായി ഞങ്ങളൊന്ന് വേൾഡ് കപ്പിന്റെ സെമിയിലെത്തിയിട്ട്....ഇന്നേ വരെ ആ കപ്പ് ഒന്ന് തൊടാനുള്ള ഭാഗ്യം പോലും കിട്ടിയിട്ടില്ല..ഇങ്ങളു നാലഞ്ച് പ്രാവശ്യം കൊണ്ട് പോയതല്ലേ...ഇങ്ങക്കെന്തിനാ ഇനീം കപ്പ്...ഇപ്രാവശ്യം ഞങ്ങക്കൊന്ന് വിട്ട് തന്നൂടെ..മനുഷ്യന്മാരായാ ഇത്രക്ക് ആർത്തി പാടില്ല...ട്ടോ...ങീ..ങി."


" ഇയ്യ് എന്തൊക്കെയാ ഈ പറയണേ ഫില്ലൂ... ഇതൊക്കെ ഞാനൊറ്റക്ക് വിചാരിച്ചാ നടക്കണ കേസാണോ..ഇനി നടന്നാ തന്നെ എനിക്കെന്താ ലാഭം....."

" നടക്കും നെയ്മൂ...ഇജ്ജ് വിചാരിച്ചാ നടക്കും..ഇയ്യ് ന്ന് ഗോളടിക്കരുത്...അത് മതി..അനക്ക് ഞാൻ ഒരു ഫുൾ കുട്ടൻ ബിരിയാണി വാങ്ങിച്ച് തരും....."

" കുട്ടൻ ബിരിയാണിയോ...ഹായ്..ഹയ്  എവിടെ.."

" അതൊക്കെയുണ്ട്...നല്ല മലപ്പൊറം സ്റ്റൈൽ കുട്ടൻ ബിരിയാണി...വേണോ.."

"പിന്നേ..വേണ്ടാതെ... ഞാനേറ്റു നിന്റെ കാര്യം...പിന്നേ ഇതേ ....ഇപ്രാവശ്യത്തേക്ക് മാത്രം...ട്ടോ..ഖത്തറിൽ ഇതും പറഞ്ഞ് വന്നേക്കരുത്..."

" താങ്ക്യുടാ..നെയ്മൂ...നീ ഗോളടിക്കില്ല..അത് മാത്രം പോരല്ലോ..ഞങ്ങ നിങ്ങടെ പോസ്റ്റിൽ അടിക്കേം വേണല്ലോ....അതിനിപ്പോ എന്താ വഴി.."

"ഒരു ഐഡിയാാ.. വേണേങ്കിൽ ഞാൻ ഗ്രൗണ്ടിൽ കുറച്ചധികം നേരം ഉരുണ്ട് സമയം കളയാം..എങ്ങനെയുണ്ട് ഐഡിയ..."

"മാണ്ട നെയ്മൂ..അന്റെയൊരു സമാസ.."

ലുക്കാകു ചൂടായി..

" വേണ്ടെങ്കി വേണ്ട...ഹി..ഹി.ഹി.."

" ഒരു ഫുൾ ബിരിയാണി എനിക്കും തരുവാണേൽ ഞാൻ സെൽഫിയെടുത്തോളാം.."

മാറി നിൽക്കുകയായിരുന്ന ഫെർണാണ്ടീഞ്ഞ്യോ തലചൊറിഞ്ഞ് അട്ത്തു കൂടി...

"കളിക്കിടയിലാ അവന്റെ ഒരു  സെൽഫിയെടുക്കൽ..പോടാ ഉവ്വേ.."

"ഹു..ഹു..സെൽഫിയല്ല..സെൽഫ് ഗോൾ.."

" അട മുത്തേ..ഫെർമൂ...അനക്ക് ഒന്നല്ല രണ്ട് ഫുൾ ബിരിയാണി വാങ്ങിത്തരും...മോൻ അടിക്കോ..."

"പിന്നേ..ഞാൻ അടിക്കും... ബിരിയാണി...വാക്ക് മാറില്ലാല്ലോലേലോലാ..പടച്ചോനേ..നാക്കുളുക്കി.."


ഫെർണാണ്ടീഞ്ഞ്യോയും നെയ്മറും വാക്ക് പാലിച്ചു...

അതേ...

വാക്കാണു ഏറ്റവും വലിയ സത്യം...

പക്ഷേങ്കിലു ഫില്ലെയ്നിയും ലുക്കാക്കുവും ചതിച്ചു...ബിരിയാണിയുമില്ല...ഒരു 
മണ്ണാങ്കട്ടയുമില്ല...നിന്നോടൊക്കെ ദൈവം ചോദിക്കുമെടാ...കാര്യം കഴിഞ്ഞപ്പോ കൂരായണ...

കാണിച്ച് തരാട്ടോ..ഖത്തർക്ക് ബാ......പല്ലിറുമ്മിക്കൊണ്ട് ഫെർണാണ്ടീഞ്ഞ്യോ ചുവരിലിടിച്ച് ദേഷ്യം തീർത്തു...നെയ്മർ നിലത്ത് കിടന്നുരുണ്ടു..കാര്യം മനസ്സിലാകാതെ മറ്റുള്ളോരു അന്തം ബുട്ട് നിന്നു...


നോക്കണേ...ഒരു ബിരിയാണി പറ്റിച്ച പണി..


കൈക്ക് പരിക്കേറ്റ കാരണം ഫെർണാാണ്ടീഞ്ഞ്യോ അടുത്ത കളിയിൽ കളിക്കുന്നതല്ല എന്ന് കോച്ച് പത്രക്കുറിപ്പിറക്കിയിട്ടുണ്ട്...
.
.
.
.
ഇപ്പോൾ കിട്ടിയ വാർത്ത: വെറുമൊരു ബിരിയാണിക്ക് വേണ്ടി കളി തോല്പിച്ച നെയ്മറുടെയും ഫെർണാണ്ടീഞ്ഞ്യോയുടെയും വീടുകൾക്ക് മുന്നിൽ ആരാധകർ ബിരിയാണിവെച്ച് പ്രതിഷേധിക്കുന്നു..സാധനം എല്ലാവർക്കും തികയുമോന്നറിയില്ല.അതിനാൽ സ്ഥലത്ത് സംഘർഷാവസ്ഥ നിലനിൽക്കുകയാണു...
Related Posts with Thumbnails

Related Posts with Thumbnails